والنفط ماحد درابه وين هو رايح = = لاترتجي شي مصالح من عوايدها

[يسلم صالح بن عكعوك]

بسم الله الرحمن الرحيم

والسلام عليكم ورحمة الله وبركاته

ابطيت عليكم بالجديد

وهذا جديدي وان شاء الله ينال اعجابكم لاني كتبتها على الطرق الهلالي

يقول منهو سرايا الجيش قايدها = ويسوقها للعلا و المجد مرشدها
عمره مناضل بلا رتبه ولا راتب = ولا يفكر بناقصها وزايدها
رزقه على واحدن فوق البشر دايم = مايرتجي رزق من سارق وماردها
الله من وقت ماهو وقتنا السابق = وقتن سطا ابطال مانقدر نعدّدها
من عام سبعين والباطل يهدّدنا = يسن مخالبه وانيابه محدّدها
الله سلّط علينا ناس ماترحم =ماتعرف الله ولا دخلو مساجدها
الاسم مسلم ولكن للعمل ملحد = مجرم مذبذب على الامه وحاقدها
ظالم وماكر ويتطاول على الضعفا = يشل محاصيلها من قبل تحصدها
وقال ذا برجوازي صادرو بيته = وذاك كهنوت باقي عهد بايدها
عطوه حقه لحتى يتّعظ غيره = ياشعب وش رايكم في حكم فاسدها
قالوله السَحِلْ قد حبل السُلُب جاهز = والجيب شغّال بس سرعته زيّدها
سحلوه قدام بيته والملا تشهد = اسيوف ظُلمه على شعبه مجرّدها
واطفال له دمعهم ثجّاج يا ساتر =يجري على اخدود غضّه لين خدّدها
وسجون ظلمه معمّرها وهندسها = وزوّدوها بكهرب حين يقلدها
كل من دخل وسطها مايرتجي عوده = في ربع ساعه وهو جثّه وهامدها
اعمالهم صلّطت واحد لهم ثاني = في ثوب قاضي مطوّع شيخ عابدها
سبحه طويله معه مترين والا ازيَد = سبحه وهي قيد لاصحابه يقيّدها
قاضي وسارق ولا حاجه يوفّرها = موعظ ولايات في المحضر يرددها
وتحت طاقّيته هروين ومخدّر = وافيون والفاليوم هو لي يورّدها
وانه افندم على الرشوات يتقوّت = مكفاه عاده يحقّرها ويحسدها
وان جيت مشفى رفض يدخلك من بابه = الا بحق العشا والقات نقّدها
وان شي وظيفه لغيرك وانت لاتسأل = قدها لولد البكيلي هو وحاشدها
والنفط ماحد درابه وين هو رايح = لاترتجي شي مصالح من عوايدها
هاذي نتايج عمايلهم وماعملو = عيمان في شعبهم يجنو فوايدها
ماقلتها شاني الوحده ولشناها = وحدة بلاد اليمن من قبل مِجّدها
ناضلت من شانها بالمال والكلمه = واكتب لها اشعار واشرح لك فرايدها
اريد وحده نقيّه من شوايبها = لانقص فيها ولا زايد يزوّدها
الناس فيها سوا يمشو بحريّه = لا فيه نازل ولاحد فيه صاعدها
لي خمستعشر سنه نادي لها وانشد = اهل العقول الكبيره لاتعقّدها
ابغي لها جيل صاعد جيلنا السابق = عاده بقايا عرب تضرس مناصدها
اقلوبهم سود مشحونه بمافيها = فيها ضغاين من السابق مخلّدها
ذودو على الوحده الغرّه وصونوها = والصدع ذي هو بها يبغا مِجِلّدها
وان هي على وضعها الحالي تركناها =ياحوج من صبر قصّولي سواعدها
من مات ع العز ذكره بايضل خالد = ولا جروح المذله لي يضمّدها
نضّمتها يوم جا الهاجس وذكرني = ايام ماكنت من داخل مواقدها
ليا تذكرتها ضاقت بيا الدنيا = قلبي لها يعتصر والكبد قدّدها
واختامها خلو النقّاد ينقدني = انشي خطا لا يجاملني وينقدها

اخوكم يسلم صالح بن عكعوك بن غانم

[ابوفضل سالم]

يسرني ان اكون اول من يمر بهذه القصيده الرائعه للشاعر الكبير بن عكعوك( ابو صالح )
انها مصير امه وحياة شعب ويبان من العنوان الذي اختاره الشاعر للقصيده
والنفط ماحد د رابه وين هو رايح == لاترتجي شى مصالح من عوايدها
جميل جدا هذا التعبير فالنفط سعره في ارتفاع ولكن اهله جياع
يعطيك ربنا طول العمر ياشاعرنا العملاق
تقبل تحيات ( ابو فضل سالم )

[يسلم صالح بن عكعوك]

نوّرت الصفحه بتعقيبك يابو فضل
والله لاحرمني تواجدك في صفحاتي يابو فضل لان مرورك هو اللي يحليها

[بن قطمان]

وان شي وظيفه لغيرك وانت لاتسـأل @قدها لولـد البكيلـي هـو وحاشدهـا
تسلم وهذا البيت عن قصيدة كامله وصح لسانك يابوصالح

كتبت فاجدت ابداع عن معاناة الاخرين والله انك كبير وكبير
تقبل خالص تحياتي

[عبدالله الجعيدي]

ياسلام على هذا الابداع تسلم على هذه المعلقة والتي تحكي حقبة زمنية مر بها شعبنا الجنوبي
وهو يعاني من الظلم والاستبداد واتمنى ان لاتعود تلك الايام . وان تنجلي الغمة من فوق الامة باسرع
وقت ممكن وان يزول الفساد والمفسدون من على تراب ارضنا الطاهر باقرب وقت ممكن . تحياتي لك
يابوصالح وشكرا مرة ثانية على ماتقدمه لنا من فن راقي .

[طالب النعماني]

تسلم تسلم يابوصالح
على هذه الابيات الرايعه
قصيده معبره ورساله لمن يعناه الامر
تم التثبيت

[ميزان العقول]

قصيدة اروع من رائعة
وتسلم على هذا الدرة الثمينة

وتمنيت ان هذه البيتين لم تكن في القصيدة والمعنى في راس الشعر وليس في بطن الشاعر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قاضي وسـارق ولا حاجـه يوفّرهـا؟؟؟؟؟؟؟ موعظ ولايات في المحضـر يرددهـا

وتحـت طاقّيتـه هرويـن ومـخـدّر ؟؟؟؟؟؟وافيون والفاليوم هـو لـي يورّدهـا

[يسلم صالح بن عكعوك]

تسلمون والله ع الردود الحلوه ولا هنتوا ولنا لقاء قريب يا ابو فضل وان شاء الله نجتمع ع الخير

[ابوفضل سالم]

اقتباس : المشاركة الأصلية كتبت بواسطة يسلم صالح بن عكعوك

تسلمون والله ع الردود الحلوه ولا هنتوا ولنا لقاء قريب يا ابو فضل وان شاء الله نجتمع ع الخير

نشوفك بالسلامه يا بو صالح والله مشتاقين لك كثير

( متى الايام باتعطيك فرصه نلتلقي يا زيـــــــــــــــــن )
على شاهي ومغنى للدنا يا نفس لا ترضيــــــــــــــن
حرقت اقلوب عشاق الهوى وارشنت في طرفيـــــــن

تحياتي لك ( ابو فضل سالم )

[بوشايع]

يعطيك العافيه على هاذي القصيده الرائعه ولا تحرمنا من مشاركاتك الممتازه يا بن عكعوك