الواقعي
01-12-2012, 12:42 PM
إهداء إلى الواقعي
حـــــــــــــــــــــــزوم القــــــــــوم
يا الواقعي هات نبغا علومك=من بعد ما غصت في وسْط غبّه غزيره
كل يوم عا الناس تشكي وتبكي=وتقول عمري عبر في الهوى مظلوم
.................................................. ..=
من بعد ما اصّلت حليك لسومك=في الجدفره ما يخالف يقد عا النصيره
واليوم كنّك على الحلي تتكي=با تٍكْسٍرٍه قبل ما تصّله للسوم
.................................................. ..=
يا العلب من بعد ما حت دومك=وصلبت ويبست من بعد ذيك الخضيره
قد كان مسقاك من خير منكي=يبست عروقك ومن ماءالكرع محروم
.................................................. ..=
يا المبتلي بالهوى في همومك=عايش معذب وحالتك حاله خطبره
ولغير بلجود لا عاد تشكي=خل الشكيه على الواحد القيوم
.................................................. ..=
وان صحت وان لحت ما حد يلومك=عا جرحك اصبر وعا الحاليه والمريره
ما دمت مطعون من نصل تركي=قصبي قديمي سلب حدها مسموم
.................................................. ..=
كنك معا الوقت نقصت عزومك=قد كنت تشبي ترص في الحسور الشتيره
لا انته حمومي ولا قول حلكي=والا سياسي حراكي كما باعوم
.................................................. ..=
يا مقدم الربع يا رمز قومك=انته حزام الفشق والسلب والذخيره
ارجوك تجلاه ريبي وشكي=شي فرق جم بينهن بعلبك وبروم
.................................................. ..=
وش صار ما بين امسك ويومك=حبك وقف ما انطحن في الرحى المستديره
وراك خفيت ولعاد تحكي=باللي حصل والذي صار يا الصمصوم
.................................................. ..=
قفيت تركت حتى صرومك=والقفت لبنان خليت شبه الجزيره
عا وجهك اقناع والإسم حركي=والسر لي كان مخفي صبح معلوم
.................................................. ..=
اعداك فرحوا وفرحوا خصومك=وانت السبب جبت للناس ضوله ونيره
واحرشت ما بين مدني ومكي=خليتهم كل واحد كما المغروم
.................................................. ..=
مشكور يا القرم كامل لزومك=تشهد لك الناس بالفضل في كل ديره
في ساعة الضيق بتقول دركي=دايم تصدى لها يا حزوم القوم
ردي المُختصر على رنين الوتر بعنوان (يا وادي اقديد مكثر سمومك)
جبت المنجم يطالعلي نجومك=اخبرني اسرار ماتنعد واكثرها مثيره
=ما يكشف السر غير انسان فلكي
=عنده درايه باخبار الفلك والنجوم
يا ولد وزران فرّحنا قدومك=ياعود هندي اذا دخن مميز في عبيره
=لكن في المدخنه عود يعكي
=منّه طلع ريح ذكرني بريح الثوم
بعير باداس من ذا لي يسومه=ما يعرف انه في المدحر يقود القطيره
=حمّل حمولك اذا قده مركي
=لكن ورا (...) لايمكن يقع مخطوم
يا وادي اقديد يامكثر سمومك=بالصبح والليل واوقات الغبش والظهيره
=قد كان لي فيك دارين مُلكي
=ترّكتهن رحت لا عندل بشق لحروم
مسقاك خارب ونشفت شف عتومك=ولعاد شي فيك حتى غصن ظيره
=لي فيك حلان ما واحد يزكّي
=لو رحت وابعدت شو ماشي عليّه لوم
يا نادي القرن طوّل شفه صومك=ما جبت شي كاس من شان الجموع الغفيره
=واحد يبدي وواحد بس يعكّي
=ضاعت مهابتك فالملعب قبل لخصوم
بدّل دفاعك وغيّر في هجومك=ومدير فرقتك قم حدد مصيره
=هت لك مدرب ذكي دانمركي
=من شان جمهورك المسكين لي مضيوم
حـــــــــــــــــــــــزوم القــــــــــوم
يا الواقعي هات نبغا علومك=من بعد ما غصت في وسْط غبّه غزيره
كل يوم عا الناس تشكي وتبكي=وتقول عمري عبر في الهوى مظلوم
.................................................. ..=
من بعد ما اصّلت حليك لسومك=في الجدفره ما يخالف يقد عا النصيره
واليوم كنّك على الحلي تتكي=با تٍكْسٍرٍه قبل ما تصّله للسوم
.................................................. ..=
يا العلب من بعد ما حت دومك=وصلبت ويبست من بعد ذيك الخضيره
قد كان مسقاك من خير منكي=يبست عروقك ومن ماءالكرع محروم
.................................................. ..=
يا المبتلي بالهوى في همومك=عايش معذب وحالتك حاله خطبره
ولغير بلجود لا عاد تشكي=خل الشكيه على الواحد القيوم
.................................................. ..=
وان صحت وان لحت ما حد يلومك=عا جرحك اصبر وعا الحاليه والمريره
ما دمت مطعون من نصل تركي=قصبي قديمي سلب حدها مسموم
.................................................. ..=
كنك معا الوقت نقصت عزومك=قد كنت تشبي ترص في الحسور الشتيره
لا انته حمومي ولا قول حلكي=والا سياسي حراكي كما باعوم
.................................................. ..=
يا مقدم الربع يا رمز قومك=انته حزام الفشق والسلب والذخيره
ارجوك تجلاه ريبي وشكي=شي فرق جم بينهن بعلبك وبروم
.................................................. ..=
وش صار ما بين امسك ويومك=حبك وقف ما انطحن في الرحى المستديره
وراك خفيت ولعاد تحكي=باللي حصل والذي صار يا الصمصوم
.................................................. ..=
قفيت تركت حتى صرومك=والقفت لبنان خليت شبه الجزيره
عا وجهك اقناع والإسم حركي=والسر لي كان مخفي صبح معلوم
.................................................. ..=
اعداك فرحوا وفرحوا خصومك=وانت السبب جبت للناس ضوله ونيره
واحرشت ما بين مدني ومكي=خليتهم كل واحد كما المغروم
.................................................. ..=
مشكور يا القرم كامل لزومك=تشهد لك الناس بالفضل في كل ديره
في ساعة الضيق بتقول دركي=دايم تصدى لها يا حزوم القوم
ردي المُختصر على رنين الوتر بعنوان (يا وادي اقديد مكثر سمومك)
جبت المنجم يطالعلي نجومك=اخبرني اسرار ماتنعد واكثرها مثيره
=ما يكشف السر غير انسان فلكي
=عنده درايه باخبار الفلك والنجوم
يا ولد وزران فرّحنا قدومك=ياعود هندي اذا دخن مميز في عبيره
=لكن في المدخنه عود يعكي
=منّه طلع ريح ذكرني بريح الثوم
بعير باداس من ذا لي يسومه=ما يعرف انه في المدحر يقود القطيره
=حمّل حمولك اذا قده مركي
=لكن ورا (...) لايمكن يقع مخطوم
يا وادي اقديد يامكثر سمومك=بالصبح والليل واوقات الغبش والظهيره
=قد كان لي فيك دارين مُلكي
=ترّكتهن رحت لا عندل بشق لحروم
مسقاك خارب ونشفت شف عتومك=ولعاد شي فيك حتى غصن ظيره
=لي فيك حلان ما واحد يزكّي
=لو رحت وابعدت شو ماشي عليّه لوم
يا نادي القرن طوّل شفه صومك=ما جبت شي كاس من شان الجموع الغفيره
=واحد يبدي وواحد بس يعكّي
=ضاعت مهابتك فالملعب قبل لخصوم
بدّل دفاعك وغيّر في هجومك=ومدير فرقتك قم حدد مصيره
=هت لك مدرب ذكي دانمركي
=من شان جمهورك المسكين لي مضيوم