زمان أغبر زمنّا ذا ومنّه يا الخُوه كابد=تساوت في نظر عيني حبوب اللول والصهدود
زمان الفوضى خلاّقه ... زمن عشرين كالواحد=وذي في قاعة الغبّه هو ألاّ راح لا هليود

قصصنا قال بوفيصل حمد كل يوم نرويها = وفي الواقع حكايه ثانيه وانته بها معلوم
مشيتوا قل لبورائد قفى شلات ناسيها = وكم عاقل يفوا الشيح منهم قد صبح مغروم

سمع لاخوك ماحد عنهم سائل = ولو تمسي ضروبه عندهم رعدان
ولا شي فايده قد قالها القائل = قوافلهم همل وكثرها قعدان

وخل السرلي هو بيننا اجل=ولا تسمي في البسطه ولا الدكان

كل من طلع في حيد عالي=ماعذر ما ترقل رجيله
وبي راجع لا تحت نازل=وبايبيت جاي هاب
اما زوالك او زوالي=هذي السنه ياباصليله
دام انقطع حبل التواصل=لاحد يعاتبني عتاب
في سد طويلات الدقالي=ماشي معا السنبوق حيله
لو ساعده عشرين عامل=تجد يفهم يمسي هباب

إمعاد شي في القافية كلمه ... ولا حتى وتد=نعصب به الخيمه ... وبو شاكر من أم سهمين قام
إن شي معاكم صوت ثاني شنّفوا به من نشد=وألاّ سرينا مثل بو شاكر يبا يقضي مرام
وقال عندي ضيف وش ذا الضيف لي طب البلد=في منتصف ليل الشتاء والظن وصل من أرض يام

للواقعي دور وحصلته في المجلس معي=ولعاد مني بيعذر مادام قع ضمن الحضور
آذيتني واتعبتني اول زمن يالواقعي =واليوم منك بانتقم بارميك من سبعه قصور

نا مانصدق غير صوته لادخل في مسمعي=باقول هو او ماهو هو افكار جم عندي تدور
بادوّر الفكره ولاما شي اعترف لي بادعي=عالجني المارد يجيب السحر من وسط البحور