اليوم جبتوا غاز خليتوا الحطب فالمسحره= ولعد رشنتوا عود له نبه كما عود الدخون
لو يعرفوا الشيبان ليهم في طراف المقبره=يمكن بأمر الله يقوموا يحرقوا نص الحصون

قيايستها بالطول ماجت عا قياس المسطره=واتخالف التمتير فألستره وحتى فالركون
كل ما نفضنا عود يغدي هبو ياهل المجمره=ما شي كما عود السمر يامن بغيتو تجمرون

بنادم ذي يكد ماضن حد يحسده عاكده= ورزقه بايجي بالغصب من بمبي ومن لاهور
ولو الثقلين توقف كلها ياصاحبي ضده= بأمر الله وتقديره يحصل رزقه المصرور

مهما مست تعصر على الجلجل جمال المعصره=ماشي لها من تخ ما تعصره يالي تعصرون
هذا كلام الصدق والتزوير هو والثر ثره=من طبع دكتا تورك المعروف بو اربع عيون

ونا بسمي وعن نفسي مع الجاويد بانافس=وباتوكل على ربي عساها تصيب ولّا تخيب
وباجيب العلوم اليوم من برقه ومن قابس=وباورّد دلايلها بحسب الدور والترتيب