|
اقتباس:
|
صبحكم الله باالخير والمسرات |
هاجس معي يمسي يحن في الراس مثل الحنذبور = واذا طرب يهطل مثيل الغيث والطهب الغزور = |
اقتباس:
|
ابوجمال والضيوف الكرام يقولون في قديم الزمان احد معالمة البناء باطرفي يقول الشعر على صوات .... وسرح معلم البناء باطرفي يبني عند احد بياعين اللحم في قرية مطروح بوادي دوعن وبياع اللحم مغني واذا خلص باطرفي قريب المغرب هو وعماله وعزموا للرجوع لبيوتهم قال لهم الليله سمر وشرك لحم وكانت الناس ساليين وجلس باطرفي 10 ايام يبني في بيت الجزار وهم كل ليلة سمر والجزار يسجل عاباطرفي وعاالعمال وفي الاخير جلسوا ليتحاسبوا فطلع الزايد على المعلم باطرفي خصم اجرة 10 ايام الجزار وطلع الزايد عاباطرفي فقال باطرفي تلك البيتين
ولعاد باجيش يامطروح = شرك السمر زاد عاالتسروح= |
فصل
يامؤسس المجلس في المجلس تمن=بعطيك جبرك كل واحد بايموت قال الجويد عادني ساهن سهن=ساهن من الغبه على السنار حوت |
اقتباس:
حيا بذي قوله وسط قلبي سكن=بسري معك لوكان عظماني ربوت ماخاب ظني فيك والعمله عين=ياقرش حن مابا يحنين السنوت |
اقتباس:
ياالشاعر المصيوت لك عشقه وفن=بعد الميازر مايخلقون الهروت
|
اقتباس:
فطنه ذيهوا في دروسه مافطن=ربه نما ربته زرات الوقوت يابن حسن عد شي بصيره في البطن=حد بات متعشي وحد من غير قوت |
اقتباس:
لاغرموبي بارطن زي من رطن=وان كنت عاقل باسكت مثل السكوت صنعاء شكت قال الجويد باحسن=قالت عدن ماتستحي مع حضرموت |
اقتباس:
جابوا ثمامه للنبي جد الحسن=ربطوه داخل بيت من عز البيوت وجلس ثلاث ايام مابين الفنن = يتسمع القراّن وصلاة القنوت وبعدها فكه ولا شل الثمن = وعفاه ذي نسجت عليه العنكبوت شل من سلوكه واتبع نهجه وغن=للظالمه قدره وللساعد صموت ماماتت الرحمه على ضرع اللبن=وعلى يباس العود وطيور الخبوت |
بسم الله الرحمن الرحيم مساء الخير وين الخليفي وين الضيوف الكرام شي سمر ولا النوم مكسب |
فصل
محكوم مجلسك ومشيد=واهله لهم من بطي عادات مشهوده من غير شاهد ولا مشهود=ياصاحب القصد والمقصود |
يقول الشاعر محمد صالح باحفي رحمه الله
يارز باكستان منته كما المزه=حمدت ربي عشره اكياس في الديوان موزيه باخذ من الحمي على شان المزيز=
من عزني لا مكاني جيت باعزه=بسقيه عاحوض زمزم ماهو عاالعين العزيزيه ذيهوا عمد عاجالها عبدالعزيز=
بغيت مسراحي الباكر معا الفزه=تركت جده ومكه لاجل بن فايز وفوزيه مافيه شي زايد على زوبع وفيز=
مالي ومال التجاره بالها كزه=هاوي جنوب اليمن ذي سوسوها ناس كوزيه باكيل باالمصباح ياالهلباء كزيز= |
ويقول الشاعر العم الجويد سالم باعمر باقديم من ضمن ابيات له عاصوت
فصل والثاني عطيت الجبل رصه = من منكم يطلع مثيلي يرص باروت ورصاصه = وين الذي عنده في المسبت رصاص
باعطيك الحكم وانته فهم نصه=وخل قسمتنا تقع نص بنص لاتعكس نصاصه = ياصاحبي ماشي كما قسمه نصاص |
السلام عليكم ورحمة الله وبركاته يادار المعقله
|
ويقول الشاعر حسن بن محمد باصريح الصقع رحمه الله
غن يامغني بصوتك ثور المهتجس = وثوروا عاشقين الصفوا واهل الهجوس باثور في واجب الاخوه معد باجلس = لو عادني باجلس مابايجيني جلوس لو باغبر عندكم سبعه شهر محتبس=في شانكم باصبر عاقيدكم والحبوس ماشي معي قول راسي من قواله فلس=يصبح كما الصارفي لا قد عجز الفلوس لا يامرد الحياء في كل ماقد يبس=يامخضب اشجار تحييها وقدها يبوس كلين ينقح على حيد النشم والحسس = بن جيب نقاد ينقد في النشم والحسوس حيد النشم لا عدمت النار منه قبس=وقبس بها في فتيل البافتيله قبوس واليوم كل من لقاء له شال بني لبس=وعسى لنا خير من شالاتها واللبوس ماتشوفهم باالقصاع الخمر في كل دس=ولا تظن شي نفاعه من عيال الدسوس كل نوب لا قد نوى عاالعكس بايعتكس=ولعاد تسهن بغيه من نواب العكوس شاعر بدوي هذه من بعض ابيات له جوب عليه الشاعر علي سعيد السومحي
عليه تنس عاتمام الجبر عليه تنس=في جبر صاحبي هبي ياعلاوي نسوس ومن القدر خب في دنياك ولا جلس=ين المقدر على الواقف وذيهم جلوس ومن الشكاوي نشف ريقي وحلقي يبس=ولعاد باجرح الكيات ذيهي يبوس ابشر بسعدك ياخليفي انت والضيوف الكرام ويقول حسن باقديم
كرهت الولف وكرهت الصداقه واللسن حمراء= وراس الهام افضل من زماله كلها جرذان= |
اقتباس:
وعليكم السلام ورحمة الله وبركاته ابشر بسعدك يادار الحكمه بنروح حطب عندك وعند الضيوف الكرام وعن منتدى شبامي مايردنا الا الموت منكم تحياتي لك وللجميع |
ابشر بسعدك انت والضيوف الكرام ومنتدى شبامي وحلانه واثر وعد انتم السكين ونحنا اللحم وعاد ذا الا طشوش ربي عرفني بك وباالكثير من امثالك حظي زين وحظكم زين في باقديم منجم واثر وعد وخاطر منجم لاتملكه مكتبه ولا استديو حظكم زين وحظنا زين بكم وبمعرفتكم والبوق بوق واكرر هذه طشوش عاخزى الفاشلين مابنا شي قهد الصدق صدقه واللوم ماهو لنا ولا لكم لا غير ياطارف ارفع كما ماقال الشاعر احمد محمد باقديم يقول
ذا سيل في الشعب طامي يامطرف رفع=وقل للمحبين يامحسن مكان الرفوع ويامحسن الصبر يوم الصبر طب الوجع=والرازق الله محد مات في الوقت جوع خابوا وعابوا محبيني ولو باقطع = مالحقت شي فصل من ذي وسعوا في القطوع وابيات كثيره لي عوده لااكمالها قدها الا نخوه في العظم الموت عندكم ويقول شايف محمد الخالدي رحمه الله
ابو لوزه على مقيل ومسمر = وصلني هاجسي يقرع بطاره يقولي مااليمن قلنا له اجدر = بتاريخه وعزه واقتداره عريق الاصل من عنه تذكر = ونبراس المعاني والحضاره وعني من نشد ولا تخبر = نمر معروف من وكر النماره قعيطي يافعي من ثروا حمير= ومن مكريب لن تطفى شراره وبين اهلي وقومي ناس جبر=احييهم تحيه في حراره لي الحق اهتري باالاهل وافخر=واقول الحق عنهم في جداره وظهري لاجبل ماباتأثر=ولا خشى بوق يفزعني هداره رجالي من ثمر لا الحيد الاحمر=لساعات الطلب رهن الاشاره سنان القبيله في شامخ اعصر=ولول سيلهم في كل غاره وجيش اردم عرمرم نار تسعر=من اتحداه بايحرق بناره فلا يجهل بنا الطامع ويسخر = يسمينا بااسماء مستعاره لنا مايثبت النخوه واجدار=ونصرت من طلب منا انتصاره انتم اهلي وناسي وصحابي احييكم تحيه في حراره وقصيدة الخالدي كبيره ويقول حسن باقديم
كرهت الولف وكرهت الصداقه واللسن حمراء = وراس الهام افضل من زماله كلها جرذان= المنتدى مليء بشعراء كبار لهم التقدير منا والاحترام شكري لهم والرثاثه لااهلها تصبحون على خير وهكذا ضرب حراوه ... هوذا شغل وصلابه ومسار زين وسعفه وشغل قبايل ياتبعونا عاخبيط الرماد او حيابكم لاغير فره ابشروا بسعدكم ياهل منتدى شبامي من شعراء ومثقفين وادباء وحلان قدركم عاالراس مايردنا الا الموت منكم والخيل والميدان ابشروا بنخلي الحاسد يورد للاطلاع غصب تحياتي والعفو من اي هفوه وكما ذكرت سابق
لا باتناسب عاالنسب دور ودر = دور لذريك عانسب عاخال زين ماتشوفهم ذي عاالنسب مادوروا=ماتشوفهم باالعين راحوا لافيين |
كفاك هذا الكلام ياخليفي انت وحلان منتدى شبامي من كتاب وادباء وشعراء وحلان ولا من الان تكريم لكم بااجلس صاحي لحتى القابله رضاء لكم وباتسمع شي لم يشهده اي منتدى ان غلق بحر المكلا باقديم بيغلق قلنا لكم طشوش ذه وقدها الا قشبه في العظم ونخوه والهدل وخبيط الرماد واللوم ماهو لنا ولكم ولا نحن رهينه للرهدله ذا شعر وموروث ضروري نخلد فيه ذكر زين واللين ماجاب شي والرحمه ماجابت شي والصدق ماجاب شي ماشي الا ياصبر عاخبيط رماد ولوم وذا مايكون عن الصريح منتدى استضافهم سنوات وسعفه وزماله معاد لها خاذ عصبه بمعرفات هول وتصلط وذم شي مايرضي الدين ياهكذا بغوا او فروا هكذا دلول الرجال حاشا لله ماهو كذا طباع الخيار الله يهدي ويصلح اقل مجرد باقديم في مجلسه وزاحي به لوحده خلوكم على سيركم في منتدى استضافكم والجبر والجميل هذا مابغوه بغوا المضيقات والمعرفات الهول والشتم والتصلط ولأ ماهم معكم تحياتي لكم |
من يحب الخير يكابد ويصبر على وجع الكيات ومن يحرس إلا لمصلحته فسوف يهرب ويدوّر على الفقيات
السقيفة الشباميه لها ناسها ورجالها وشعرائها وأدبائها وقرأئها وزوارها ورياضييها وفنانيها وهم صامدين لا تلين لهم عزيمه ولا تكسر لكم شكيمه ولكن من أختار الهروب عندما تلعلع الصليات خوفاً وجبناً وحب للذات والمصالح فأنني أقول لهم مع السلامه فأبتعادهم خير من بقائهم هنا لأنهم ينظرون لمصالحهم وبأنانيه مطلقه ويظنون أنهم الضوالمنير وماهم إلا خسوف سرعان مايزول فليل السقيفه الشباميه يزهو بنور الكواكب السياره في الليلة الظلماء أبا الجويد أنتم والمخلصين للتراث والشعر والفن والأدب والرياضه أنتم الكواكب السياره التي لا يغيب نورها الوهاج وبريقها الأخآذ عن السقيفه الشباميه العامره. هذا قولي ومن بها رأس تنعش؛؛؛؛؛؛ |
اقتباس:
صبحك الله بالخير .. أشكر لك ولشخصك الكريم الرفيع الاصيل , هذه الكلمـآت الكبيرة التي لها مكانة بالقلـب .. دمت ذخرا بارعا متميزا نجماً مخلصا لسقيفة الشبـآمي . وصبحكم الله بالخير جميعاً دمتم بحفظ الله . |
اقتباس:
اتحاديوووووووووووووووووووون حتى المووووووووووووووووووت شكرااا للكبتن والعفو اتركني اعود للخليفي ورسالته وتعقيبه والمسيل والقصب تحر في الواجبات من سنه وكتاب ورحمه |
اقتباس:
هذه القصيده ل حسن محمد باقديم حررت بتاريخ 11/11/2012م ( بعنوان )
من جعدها سلموت بو سعفه عقد متزقلات=تنعش بتاج الملك عاالمسرح امام الغاويات الطبل في المسرح يحن هنوه لكن ياالمروسات=تفرح لهن من راسها ( فلفل ) كبر عاالحاسدات عازينة المولى بديع الخلق رب الكائنات=حساد غايتهم تعارضها السنن والواجبات تدني ولا ترفع سلوكيات شينه مكرهات=للركب والسعفه ( ثقل ) للصحب والعشره صفات من قامها وحفظ مراتبها ظفر باالطيبات=دعها لهم تحفه اّثر مونس سطور مخلدات يستنشقون الورد ذي فيها روائح نافحات = ويقرؤون الرعد واّيات الكتاب البينات يانزلت الرحمه عليهم والسكينه والثبات=يا شاطحة لاعمال خلتهم غثاء للذكريات bism2
من جعدها سلموت بو سعفه عقد متزقلات=تنعش بتاج الملك عاالمسرح امام الغاويات الطبل في المسرح يحن هنوه لكن ياالمروسات=تفرح لهن من راسها ( فلفل ) كبر عاالحاسدات عازينة المولى بديع الخلق رب الكائنات=حساد غايتهم تعارضها السنن والواجبات تدني ولا ترفع سلوكيات شينه مكرهات=للركب والسعفه ( ثقل ) للصحب والعشره صفات من قامها وحفظ مراتبها ظفر باالطيبات=والصيت والشهره وزين الفعل خلد ذكريات ( الجود هذا ) والفساله ذيك هي والسيئات=( والعشرقه هذه ) وطناز العشارق في النبات له غيث يتهطل وله مروس فروعه ناترات=ذا ( رابيا يعلوا جفاء يذهب ) مكارم عاليات وذاك يمكث في تخوم الارض فيه المنفعات=ضربت لنا الامثال نزلت في خطوط مسجلات ليل السقيفه باالكواكب والنجوم الزاهرات=زاهي ولا با ينطفي نور الوجوه المسفرات فوقه درك ورجال وحراسه حروف مسطرات =فيها الرياضه والادب فيها مناهج واجدات وحنا لحب الخير مانهمر مكاوي حاميات = تعلا السقيفه واهلها علو الجبال الشامخات ولا شكيمه تنكسر فيها دروع محصنات= ومن ختار الهينه لسنا من اهل الهينات والنصح والتذكير رحمه ينطعم سكر نبات=والقلب رحمه والضماير طيبه هي والنيات ماجيت ليكم ناكس الطربوش ياالباكربشات=مدنف ونتطلب رضاء تغلب رواسي نايفات بل جيت من نهر النبي نسقي الحلوق الضاميات=نشرب وود الطيف والصاحب موارد هانيات والركب والعشره ثقيله عند محمود الصفات=من باع عشرة عام في ساعه ضوته اللايمات النصح حالي وان تكرهون العسل والحاليات=حبالكم برقابكم مثل المسد متمكنات والحوض ذي منه شربتوا في السنين الماضيات=عفتوه ياخلوا العقاعق باالطرب متسليات لاغنت الوحده على الرده وصلن الثانيات=وخططوا صيلع ونسره باالزلل والمخطيات ياطست باحاوه ومقدح باجبع والقاصرات=ياالغيل والغيال والشرقي حسر متغلقات ( لا الدين يرضى به ولا السنه ) امور محرمات=ولا كذا طبع القبائل والشروع الوافيات تمر (اللثب ياالعار ) يامهدي لدرب الصائبات= والعقل تاج الادمي عند المصايب والشتات نخاطب الجاهل بلين القول هو والمحسنات=دعها لهم تحفه اّثر مونس سطور مخلدات يستنشقون الورد ذي فيها روائح نافحات =ويقرؤون الرعد واّيات الكتاب البينات يانزلت الرحمه عليهم والسكينه والثبات =يا شاطحة لاعمال خلتهم غثاء للذكريات |
العفو والسموحه والقلوب شاش واسره واحده لدعم هذا المنتدى والثانيه العفو معد نشوف الخط القريب قدنا باالنظارات لنا النور ولكم من ارحم الراحمين طبتم وين الواقعي في شوق لحضوره ولحضور الجميع ونقول للكبتن ان شاء الله نخصص صفحه للرياضه ونطلب المهله منك ومن الاديب الطيب الاستاذ رياض باشراحيل وعدناه نطلب المهله منكم من اجل نؤخذ اول مشوار لدعم المجلس الذي اسسه الخليفي بانعطيه مده زينه من الشعر الشعبي العام ثم بنعود ان شاء الله لكم وماتشاؤون الا ان يشاء الله رب العالمين , |
bism2
يامن خزاينك لاتغلق ولا تختلي = عبدك بغا الخير وبغا العافيه والسكون وبغا صلاح العمل والشان في كل شي= يامن اذا قلت كن كل شي باامرك يكون وكل شي باامرك وتقديرك لنا ينقضي=ياقاضي الحاجه اجله همنا والحزون نسئلك بااسمائك الحسنى وباالاسم ذي =موسى فلق بحر به وتفجرت له عيون وتعمر الكون به اخره والاولي=حتى جرت به في الغبه وساع الخنون الملك لك والثناء والحمد يامعتلي=حمداً جزيلاً يفوق حساب ذي يحسبون ثم صلاة الله وسلم على الهاشمي=عد الحجر والشجر والقطر هو والمزون من غيث صباب له راعد وبارق قوي=شرب الهناء فيه من حيث الضماء يشربون عاحيث ماالحال يتحفظ حديث النبي=يد الكرم باتناله حيث ماهو يكون ذي عاهدوا الله باالاخلاص في كل شي=انعم عليهم وامنهم كما المؤمنون بافكك قيود ملويه ولا باشكي=القيل والقال مافاد الذي يشتكون باقول يانفس طيبي في الزمن واصبري=كل من صبر نال يابخت الذي يصبرون دنيا الندم كدرت عاكل خاطر سلي=قل للسليين حسفه يوم تتكدرون ويوم مانظر لكم وادي ومرعى مري=المشط ذي فيه ينفع عود جاوي دخون هذا الذي شق عليه في الزمان الغثي= ولا الطرب ذي معي منه تغيب الذهون ومعي هويه وهاجس للمعاني قوي=يخرج اللؤل من تحت الغبب والدفون فاحت معي يوم عاد الدندنه تهتوي=واهل الغناء والدرافه يرغبون الفنون واليوم قلة وقل الصفوا ذيهوا معي=ظهرت صفف ثانيه شعار مايهتوون عسى برحمه من العين الرحيمه تجي=يصلح بها الحال والعوجان يتسمحون قال السمح رزقي ميسر ودربي بتي=لا فيه شخره ولا غبره حفت كل نون والختم صلوا على طه الحبيب النبي=عد المخيله وعد سبالها والمزون |
انا موشي بمجلسي تكريماً لكم وللمشاهدين والحلان وللمنتدى ورواده وادباه وكتابه والشعراء الخ ...... خلوا باقديم في مجلسه راضي لوحدي ومن جاء للمجلس بحوار هادف وكلمة طيبه عاالعين والراس وليس معرفات وشتم لاترضي مؤمنين صالحين ولاهي لبس لبوحضرم .. وتجابروا وتراحموا كلين في شاكلته ويجزع القطار باالخير والرحمه وتشابكوا الايادي عاالموروث والتراحم والحوار الهادف تحياتي بعد هذا الكلام ايش عاد هذا القوم تبغا ووجهة نظري من رحمه وعطف للجميع كونوا دعائم لمنتداكم ارفعوا الشحنات والغل الذي لايليق بحمران العيون ونحنوا موشيين في كل الاحوال دربنا زين وركبنا زين ومسارنا ان شاء الله زين طبتم |
يالله ياقاضي الحاجات تقضيها=ماتنقضي الا وبك ياقاضي الحاجات ياذي رفعت السماء والارض واطيها=ياالواحد المنفرد ياواسع المدات وباالنبي صالوات الله تمليها = خيذان ماتنتقص تعتاد باالمليات |
اقتباس:
بل نحن جميعا مع آلاف الزوار يستمتعون بما تكتب في مجلسك وبما يكتب ايضا باقي الشعراء في مجالسهم !! وأجدها فرصه لأدعو باقي مبدعينا من الشعراء للعوده الى السقيفه وطرح مالديهم من إبداعات !! أشكرك من الصميم !! |
السلام عليكم ورحمة الله وبركاته صبحكم الله باالخير |
يقول الشاعر سعيد باحريز
ياحيس باغلقك لا جبت المزاحي والقلم=باتطرح القادي وبايصبح ذراعك بنتين التمر حبه والحشف نقضمه وعبر عاالعجم=وتشرق عليه الشمس ماندرى بها تشرق منين |
يقول الشاعر سعيد باحريز رحمه الله
باسين بسم الله بتوسل وبسئله الورع=من سكرة الدنيا وكشف الحال في يوم الحساب والموت مامنه مفر ومن طغي قله رجع=وان مارجع حسبه الى ماستغنم التوبه وتاب يستغنم المخلوق مادام الحياه فيها وسع=يخرج من الدنيا على سنة محمد والكتاب |
نتكلم الصدق لانداهن ولا نواسي = ومن رمانا بشر بانكتفي شره ومن جاب حسنه يخذ حسنته مردوفه=ماننكر الجود والمعروف والاحسان |
باقديم حاضر محضر لاتقولون ماحضر حد الخليفي الهلالي |
من بعد ذلحين باقري صحابي قران= مقدر ولا حوق رجلي ماتصلبي مكان= |
اقتباس:
معلم يابوالجويد يستفيد منك المتذوق للشعر اشياء كثيره رايد وشامخ هذا القصيد ولا بلاش |
اقتباس:
نعم نعم والله أنك حاضر محضر يا أبو الجـــويد وشوفنا لازلنا نتحفّظ الدروس الجميله من النثر والشعر دي تلقيها علينا بالسقيفه يالمقدم يعطيك العافيه؛؛؛؛؛ |
اقتباس:
حياك الله يابوجمال ولعاده وقت شعر في جميع الامور ماهو في الشعر اعتلا الخافض العالي اختفض في شتى المجالات في المبوه والمشيخه والتقدمه والمراجع كل شي باالعكس والشعر كماه واحوال الحياه كلها والعاقل البصير يترقص من الحيره واصبح عرضه للزندقه والتهكم مولى الحكمه والعقل في حيره وهموم وان تكلمت كلمة حق ياويلك والجيد والنزيه مشتوم ومهضوم ومذموم خلها في الغموش جهش العاقل يجهش وبشر الصابرين وذكرت الشعر وجهة نظري وعلى حزري كانوا شعراء في حضرموت في الوديان والصحراء والساحل على عدد الاصابع في كل منطقه كان مايتعرض للشعر الا اهله واليوم نزلت دوعن باتحمل 2 زيزوات شعار ومن وادي عمد كما ومن العين ومن الساحل ولو لاقيتهم في مفرق الطرق ماخرجت منهم 2 شعار اليوم كثروا وياويلك تتكلم معهم كثر كلام وربوط وشي يفزع كل شي انقرض في جميع المجالات الشعر وغيره واذا وقع بينهم شاعر فحل اكتمت وصمت وفوق ذلك طالوا المنابر باالترجيم والسخريه ومحذقه وعرف فاضي فوق ذلك وتاتيه باالحجه لكي تقنعه ماقتبض وفر مزنبل وفروا مزنبلين شي يفزع ونرجوا الله السلامه من تبلته بلاوي يهرع الى الصلاه ويقراء القراّن والحديث ويرتع ويرتاح قلبه والعفو والشعر وراه كثر كلام وحش ومشط وغثيث وربوط .... الشاعر تحكه وقت المحك في سمره في زامل في جميع المجالات هل يعطيك الجواب الشافي المقلس باالمعاني الجزله او لا ونعطي مثال عاذالك مختصر يقول كرامه الحضرمي
يابرجف شفني بغيت الحق ذيهوا ماتسلم= غصبن بغيته منكم انك تريد او ماتريد= قاله برجف
حقك معك وانك تبا حقين خل الناس تعلم= ياالحضرمي خل الشبع واما القصيد الا قصيد= للتوضيح الحضرمي يقول شفني بغيت الحق ذيهوا ماتسلم .... ومن هنا قاله برجف حقك معك والابيات الاعلاه معروفه وهي طويله اختصرنا بس لتوضيح الفكره والشعر واليوم معد شي هو وراحوا اهله ونعطي نموذج ثاني يقول حمد باقديم في ليله كنا نسمر انا وياه فقط احمد باقديم
انا حبي لصنعاء فاق وصف الناس ذي توصف وتتكلم= لاان العاصمه وجبالها الخضراء جميله خلت الهدهد يخبر عنه سليمان= حسن باقديم
الى حبك لصنعاء حبنا لا اّم القرى والبيت ولزمزم = وللهادي وابا الحسنين والزهراء وللصديق والفاروق ولعثمان بن عفان= وسرى السمر عاهذا المنوال وعلى حزري كان كم من طميره وهديله قليلين ونعطي نموذج في عام ال86 كان سمر حضرته واّتا واحد مسلم باتوم والسمره ملانه كان سمر وشعار تقرح من المعانق حاضر بحاضر بدع وجواب متسلسل سمره فيها برجف والحضرمي وباسومح فقال باتوم
ذا فصل والثاني جر الصوت جر= والسومحي جرار
رد المغني والجميع وقلنا والسومحي صاحب وجار فعاد باتوم وقال انا بغيتها والسومحي جرار ردينا والسومحي صاحب وجار السمره مزحومه ازيد من 400 فيها من الحضور اصر وكررها بغاها الا والسومحي جرار وكان الشيبه برجف رحمه الله حين وضع الجمره عاالبوري برجف رجل هادي رحمه الله اخذ برجف البوري وناوله باتوم في برقته وطنز الدم وباسومح اديب قال خلوه لو يعني ويفهم الكلام باعطيه جوابه ولاكنه طميره وشلوا الرجاجيل باتوم كانوا مثله نطش وقليل واليوم في جميع المجالات كثروا يامسلم تسلم وبشر الصابرين وجهة نظر خاصه او انا غلطان ياخليفي |
اقتباس:
أنت شفّيت العقبه وطلعت السنود واليوم ماشي أمامك حسر وحيود أنته على شبو متربع والناس من حولك شهود طبتم؛؛؛؛ |
اقتباس:
هذه القصيده ل حسن محمد باقديم حررت بتاريخ 12/11/2012م bism2
ذي قال لي شفيت عاالعقبه تعديت السنود= واليوم داخل شبو متربع وشهدوا لك شهود= يعيش وتعيش الضماير ياالاسد ابن الاسود= مافي الضماير بيع وشراء عن غريسين الجدود= التبر في معدنه والجاويد باالجوده تجود= والصدق صدقه من صدق يكرمه خلاق الوجود= يالله عساني كون متربع على زين العمود= للعدل والانصاف ذيهوا يرضي الحق الودود= وعلى التراحم ذي يصون الركب ويعز الوفود= والطبع واللهجات جم مالي بلهجات الزيود= لهجتي من لهجتك والجهمي مزقل في العدود= صب المطر من رحمة المولى يقشعرن الجلود= سهم الضعاف المؤمنين الليل والامه رقود= والحاس والحساس من يرعاه رحماته تذود= جور الضماء يغصبك ترحل لاهماليل الرعود= عقده تساورني كما ميساور الغصب الشدود= مكسور خاطر والدمع جرح دفافي والخدود= نزاع مابين الكرى والعين ماذوق الوهود= وميول للخلوه على خاطري وفوادي تسود= حبيتها حب السباعه للمغاره والاسود= خلوة بكاء لا شد وغاها عاعظامي والجسود= طهرت وصبغت الوضوء فيها وطولت السجود= قال النبي يااتي زمن كله فتن وسنين سود= يهرب بدينه المرؤ منها لا شناخير الحيود= ظهر البسيطه جرح من فعل النصارى واليهود= ومن الربيع اليعربي والقتل والنهج الدود= العفو مطلوب والعيظه في المقبلات ...... تصبحون على خير |
| الساعة الآن 03:59 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir