طلب كل ماتبا ياروح نبض القلب ياسيده=وخذ مني مرادك والطلب يافارق الغزلان
اكيد الحب لك في القلب مايحتاج تأكيده=تأكده الدموع اللي جرت من داخل الاعيان
واسمك دوب يطرالي واتمتع بترديده=ياأيات الجمال وياشقيق الورد والريحان

المشاركة الأصلية كتبت بواسطة سبع الليل (المشاركة 331382)

لكل واحد مهماته وتمهيده وتجديده = ويسعى دائما في شانها ان يعتلي ويبان
ونا لمهمتي موعد اكيد وزاد تأكيده = رفيق الدرب لي دايم وعوده بالوفاء تنصان
خلال ايام با يظهر جديد الصاح ومفيده = حقيقه با تحل إشكال لجله خاطري تعبان
علينا الصبر رغم انه مرير وجارح(ن) قيده = ولكن الفرج مرجو من الواحد عظيم الشأن

عشقت الزين من صغري وروحي دايما فيده= تعالجني من اوجاعي بنظره ياغصين البان
وحبك في شرايين الوزيري سار ووريده= مع دمه وصرت انــته بقلـــبه ســــيدالحــــلان

المشاركة الأصلية كتبت بواسطة سبع الليل (المشاركة 331474) ياجماعه حد يقدر يبحث لي على هذه المشاركه ماظهرت بالرغم انه تم عندي اعتما دالمشاركة لكن ماظهرت الله يبارك فيكم من البارحه وانا ادور عليها ما بانت لي في الموقع ولكم الشكر

بابني عالصوت لكن مادري ايش ذي جرى قدها فضيله=ايش عادنا باقول في راعي المروه والجميل

كل مانوين اقطف من الشجره ثمر ضيعت خيله=ماعذر نلقي لي بصر مادام خيلي بالف خيل

المشاركة الأصلية كتبت بواسطة المخشني (المشاركة 331444) بدع جـديـد خلّوا المشاركات بيتين بيتين ما نبغى مسرّحات على شان كل شاعر يجاوب على كل مشاركة أيش بكم الليلة البارحة كذا كذا بدع ولا إنضبطت السمرة؟ كيه الليلة خميس مضوى جمعة جربوا الصوت أدناه وعمر الذيب بايبدّع في وصف اللبة والفاروح والقرع والمملي وبنت البارح ... إلخ: تهيّضني النخيل الباسقه والطّلْع و ِ نْضيده=يقول المخشني في العشق خلّوا قافكم حنّان وتُرْكوها السياسه ... كلّها يا كذب يا مْكيده=وروّح عن قليبك قالها شوه النبي العدنان الحديث الشريف ( روّحوا عن القلوب فإنها تصدأ كصدأ الحديد ) أو كما قال. محمد بن سعيــد بن مخــاشــن

ذكرت الوقت لوّل لي عبر في الديس والريدة=وايام الدراسة قل لخالد مع غصين البان
نلف داخل حدود الجامعة يدي على ييده=ولكن الظروف القاسية بتفرّق الخلان

المشاركة الأصلية كتبت بواسطة ابوهاني1 (المشاركة 331490) لكل واحد مهماته وتمهيده وتجديده = ويسعى دائما في شانها ان يعتلي ويبان ونا لمهمتي موعد اكيد وزاد تأكيده = رفيق الدرب لي دايم وعوده بالوفاء تنصان خلال ايام با يظهر جديد الصاح ومفيده = حقيقه با تحل إشكال لجله خاطري تعبان علينا الصبر رغم انه مرير وجارح(ن) قيده = ولكن الفرج مرجو من الواحد عظيم الشأن

كلامك يستحق ياصاحبي حفظه وتمجيده=لأنك شخص نضربك مثل في الجود والاحسان
ولاتشل هم عاد الله يفعل كل مايريده=وكل مقصود لابد بايتم لاقدر الرحمن
وتكسب صاحبك لما تحط اييدك على اييده=وانا كسبتك وباقي الشي خله كان او ماكان

المشاركة الأصلية كتبت بواسطة خالد سالم بن مهنّا المري (المشاركة 331456) طلب كل ماتبا ياروح نبض القلب ياسيده=وخذ مني مرادك والطلب يافارق الغزلان اكيد الحب لك في القلب مايحتاج تأكيده=تأكده الدموع اللي جرت من داخل الاعيان واسمك دوب يطرالي واتمتع بترديده=ياأيات الجمال وياشقيق الورد والريحان