لك سلامي يصل ياذي بدعت المقوله=شلّ منّه وخلّ لهل القلوب السليّه وان بقي قسم عط منّه لأهل الرجوله=ذي يمدّون كل ظامي بشربه هنيّه قال شعفان باب الجبر نعرف دخوله=مالبا شي عطاء .. ماجيت لجل العطيّه جيت لجل السلى .. وان قد تعكّت قفوله=نعبر الباب ذي كانت قفوله بتيّه مشكله يومنا قلبي يتابع فضوله=قاصد الخير ماقصده دروب الاذيّه |
اعذروني على الغياب ولكن غصب عني
واسمحولي بالفصل
ياهاجسي ذلحين في وقت الطلب=اسال على طالب وهت اعلومه اسال عليه اليوم قلي وين هب=يطعن بقصبي حدها مسمومه شف مصر واسرائيل وابلاد العرب=والشرق الاوسط كلها منظومه واجيوشها توقف مع كل من غلب=واشعوبها من حقها مظلومه |
انستنا وارحبت ياذيب الذيب=احقوقنا من سمح هي مهظومه والقائد العربي يفرت عالشنب=وان حنت الرعدان تقطب سومه وان حد ركز راسه ولاجاء عالطلب=البيت لبيض بيقطب حلقومه هذا كلام الصدق مافيه العتب=وشعوبنا لاعدائها محكومه |
وقعوصحا بك قل لمرعي في مطب=ما بينهم تدرج حنش مسمومه وتقول عيدك ذا الولد ما فيه طب=لما متى ما بيصحى من نومه كلاً يقايس في حسابه لا حسب=ون حد غلط يا ناس ما بالومه كلن يحط لومه على الثاني يسب=لان الثقة ما بينهم معدومه |
جزاك الله خير
|
شفنا بلينا في عصابة بولهب=قلوا لبو طارق يشد اعزومه ثوره لبار ياقيادات العرب=ردوا جيوش اعدائكم مهزومه |
قلوا لبوطارق كلامك يرتغب=فيه القوافي كلها مفهومه توزن كلامك في ميازين الهب=كل القوافي عالهدف منظومه ناصح لنا طالب يوافق عالطلب=ماباه يوثق ياعمر في خصومه لاجيب بارده ركز راسه غلب=ويقول كل شيطان معي له ثومه |
الله الله ماروعكم ياشعار السقيفه......
بس عندي سوال للمشرف طالب باتيس وين الشعار الباقين امثال الجعيدي والحامدي وبن ماضي رغم مشاركتهم في بعض المواضيع الاخرى... واين الشعار السابقين امثال باعمران وسبع الليل والشيخ والرعد |
هلا وسهلا
ياعسكر وين الغيبه وبخصوص سوالك عن بعض الشعار ماهم موجودين في الزامل لا يخفى عليك ان بعض الشعر ليسى شعراء زوامل ولا يجيدون الزامل وهذا امر طبيعي وان شالله يشاركون معنا من عنده القدر على ذالك |
يقول طارق حس عظمااني حطب = ماعاد قامت للعرب شي قومه ياهاجسي ماليوم جا وقت الطلب = هت لي معااني وافيه مزمومه يا مرحبا بالشعف عد مالنود هب = وعداد مالصايم دعى في صومه شاعر وفي صف الاوائل انكتب = لله دره ما تقل اعزومه ياصاحبي خل الملامه والعتب = من نام خله يهتني بحلومه مادام حبل الجبر يا خوي انقطب = انته وانا بنحرر القيصومه مرعي وصل جاب الجواهر والذهب = والماس والياقوت وسط اهدومه غيب علينا هكذا ما شي سبب = ماهو سوى دايم وهو في نومه يا مرحبا به عد مالكاتب كتب = صاحب وفي 0 مبعد نسيت اعلومه ونظرت بو طارق تحزم بالسلب = ان شي خطا بيصحح المعلومه يوخذ ويعطي دايما عند الطلب = حتى ولو جارت عليه اهمومه باتيس نايف شب فوق النار شب = الخصم بايمسكه من حلقومه يرسل بيوته كنها كير اللهب = باتحرق الفيروس والجرثومه والشيخ طالب شفت في فعله عجب = قايد وتلمع عالكتوف انجومه خاض المعارك ما تعذر بالتعب = لكن من بعض الجفا بالومه والقصد يالشعار شوماشي سهب = لا ما انتكس ابليس عا درثومه لا مارجع مثناتنا صقر العرب = من شان نوهد من زعيق البومه مابي قهد مادام فوق الناس رب = كلن في الدنيا يشل مقسومه |
كلاااااااااااااااااااام يابن حيدور
لامانتكس ابليس عادرثومه ههههههههههههههههههههههههههههههههههه صح لسانك ان شالله نشوفه مثل تمثال صدام |
اشباب مطلوب الفصل الجديد
الفصل مدحوق امتلاء هوكوا وازتملوا ذيب سعد الغلابه كم من قبيلي كسرنابه والذيب سعد هووووووووووووووووووووو |
الفصل من عندك يابوراضي
|
ذا فصل ياعسكر فتحت الباب=وين المدافع والذخيره خلك معي بالطرد الكذاب=ذي هو يعرقل عالمسيره |
ارق التحيات للمشرفي ورواد سقيفة الشبامي. فبعدغياب ليس بالقصير عدت لهذا الصرح العظيم
وكلي شوق لهذا الملتقى الرائع وهذه مشاركه متواضعه بمناسبه العوده ===========================================
الأدمي مهما بعد او غاب = يرجع لربعه والعشيره وألى السقيفه عُدت يالحباب= وفي غيرها باقول خيره فيها الشرف والعز والترحاب = والفائده فيها كبيره والشعر فيها دائماً ينساب = واشياء خرى فيها مثيره فيها الشبامي لاقرعت الباب = مايلقي الشقعه مطيره ينوّرويكثر لك من الترحاب = وذا فرق مابينه وغيره |
يامرحبا به ذي طرق عالباب=يامرحبا شيخ العشيره الشيخ عده خيرة الاصحاب= في كل حاجه نستشيره |
حيا عدد ماماطره صباب = في كل شعب وكل ديره بالشيخ لي فرت على لشناب = كنه جمل قايد قطيره |
هذا الزمن ياصاحبي غلاب=وصفه معي ضاعت تعابيره الذيب ذي يعوي بلا مخلاب=مكشوف باره في قناة الجزيره |
بايوقف الشيبه بجنب الشاب=لاجات لقوام المغيره باتسمع الصياح والنغاب=من خور مكسر للقويره قد شفت عسكر كشر الانياب=ردوه ياصحاب البصيره فوق المقص يدي وعاضراب=لايحسب ان يدي قصيره |
الاخوه الشعار عندي اقتراح لكم
وهو عدم زيادة الابيات على بيتين لكل شاعر لفتح المجال للبقيه واذا رغب بمشاركه اخرى يحق له المشاركه بقصيده اخرى مستقله وايش رايكم |
اللي تشوفه يابو فيصل
بيتين بيتين |
كلام في محله يابو فيصل والى الامام
|
وانا مواافق يا بو فيصل بيتين بيتين
بس يا خي لاتغيب عليناا واجد خلها يومين يومين ههههههههههههههههههههههههههههههه تحيااتي للجميع |
وين القصيد وين الفصل
عندك يابن حيدور والا شف بادحس بايفصل |
|
العفو يالجواد عن الدخول فيما بينكم . ولكن حباً في مشاركتكم
ذا فصل والثاني عسا نلقا محل = وسط السقيفه بانكن الراس فيه شولي زمن تعبان دوّر عا جمل= واتعبت لكن غصب بادور عليه ماشفت شي مثله ينوّد بالثقل = من دلني لو نص عمري باعطيه ماهوا كما الحشوان ذي يمسن همل =وبايسابقهن وحتى القيد فيه |
يالشيخ شف باداس هيجه قد رحل=واليوم في لسواق من بايشتريه يهويت ثم يهوين ماله شي مثل=والوم بالجمال يومه مايبيه |
الحمد له والشكر معطيني الأمل = ويمكن يعوضني وحصله شبيه وان كان ماحصلت مثله باحمل = صيحه ومسبت خلف هيجي باخليه |
سبقني الشيخ يا بو راااضي 00 هههههههههههههههههههههههههه
ماباتبع قوم المكايد والحيل = مابسمع هرجه تجيني من سفيه قولو لطاالب لي يشاور ماقتل = يدي على يدك وبالغزي عليه |
مابانزل حتى وذي سدي نزل=ومن علاني للمعالي باعليه وأن قد غفل هاجسي عقلي ماغفل =وان قد ضربت العرم شوني ماخطيه |
هكذا ياشباب
نرحب بعوده الشيخ للسقيفه وفي انتظار الباقيين من الشعار |
حقك ولك ياولد سلطان الدول=خيل الوفاء والعز دايم تعتليه يومك تحب الطعن دايم في القبل=صاحبك ماتبيعه بجودك تشتريه |
حيا بمن قوله كما طعم العسل = ان حد سما الاجواد طالب باسميه مايخرج العوجاء ومثله مايزل= وأن حد خطى أو زل قله ماعليه نحنا وساع اصدور منه نحتمل = وبالزيانه لارسا بملي دليه |
يا هاجسي ماليوم قم خل الكسل=هت من لحون القاف ذي عقلك نسيه وارحب ببوشيخان ذي جانا وصل=يامرحبا بالشيخ يامرحيب بيه صاحبك لاكذ زان .. خل منّه وسل=وان عافت اطباعه تحمّل واتّقيه |
مسموح لشعار تغيير الفصول=من بايجيب الفصل ذي نرضابه هاتوا لناقافي في المسمر يطول=باقول حياء بالوفي ذي جابه |
زُرت المواقع كلها عرضاً وطول = وفي السقيفه كلي شي نحضا به الجبر والتقدير من كل النسول = واطباعهم في المرجله تتشابه يالشعف عا باب الزعل طارح قفول= وكل صاحب يحتمل لصحابه |
قولك مثيل الغيث ومثيل السيول=مثل المطر ياشيخ من اسحابه عندك لنا كل المخارج والحلول=والكنش والباروت قوت اسلابه |
كيف البصر فاهل السبب واهل الفضول = اهل الدجل والعالم النصابه ماليوم يا لصحاب دقو عالطبول = لما حصان ابليس نكسر نابه |
يامرحبا بالقول ذي هو خير قول=ماشي كما قول الصدق نرضى به قبول يابوشيخ عاقولك قبول=قفل الزعل مطروح عا ابوابه |
لاحول لاقوه علي صعب النزول = وبعضهم يالشعف يتزاهابه دعوتي له بالعقل مالاقت قبول = ردوه ياربعه ويا أصحابه وان كان متراجع تباني ايش قول= ماشي بيدي غير نتحذابه |
الساعة الآن 06:34 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir