انا قبضت اراس ماقبض بالرجول=يدي على البندق وعالضرابه واحسب خروج الباب من قبل الدخول=العيب هو والهون قفل بابه |
غلطان واتسرعت لاتقع لي عجول = وارجع وباتشوف الزعل وأسبابه وباتعرف اني شلت عا ظهري حمول= وقلت مانبغا هنا نتجابه لكن رفيقك ماتنازل للحلول = مسوى يفرت دائماً عشنابه ذا ذي حصل وان كان لك شي قصد قول= ومن سألني باعطيه أجوابه |
قل للمشهر في ميادينه يجول=والخصم باسابق على غيابه والبخص به ذي مالحق له شي ذلول=كل ماوقه له غصب بايرضابه بنصحك لاتتبع خبيثين الدلول=واحسب حساب الذيب ذي بشعابه واحسب حسابك في خروجك والدخول =من قبل ماتصبح ضحى لنيابه |
ان حد عوّر ماشاف او عينيه حول = ويضرب هدف ملتام لاماصابه ذكرتلي في الذ ئب ذي يمسي يزول= اكيد يعرف عن اسود الغابه |
وش لي حصل ياناس صلّوا عالرسول=ذي عين صابتكم .. لها منصابه وانكم تبون الشور .. قصروا ذي يطول=وان شي حصل دفنوه تحت ترابه |
ذا فصل والثاني لذيذ النوم عل = من يوم شفت الشيخ زود في الكلام نحنا معه لاقد طلع ولا نزل = واليوم كثر في عتابي و الملام ان شي معه حجه لباها في عجل = مازال عاد الجبر جم والاحترام وان ما معه مسوى الخرافه والدجل = مابا يشل الجوهره من راس هام! |
الشيخ وسط المحضره سوس وحل = وحافظ على الجيره وحافظ عل الذمام وجات زله قلت يمكن شي خلل = في الكمبيوتر او غُلط ابن الكرام ما كان يقصدها ولكن قد حصل= وبايزول القُتم ويزول الغيام واتكررت ووجدت نفسي في محل = لازم ارد ولاتوكل والسلام وفضلت رد ومن بدا منه الخلل= بايعرفوه الناس ذي معنا تمام وأن قد قبل للصلح مثله باقبل = وان قد دبروالله ماعطيه اهتمام |
بين الجماعه واجبي عجل بحل=لبغا عدايل يالرجاجيل الحشام ومن قبل بالصلح له عندي محل=ومن رفض بخرجه من صلح السلام |
ابغاك ياطالب تصلي عالرسول=وايضاتسلم عاعلي واصحابه واحسن تترك في المشاكل والفضول=والي على بالك تقفل بابه هذا ردي على القافي الاول وساعود الى مساركم |
ابغاء الرضاء والمخيره مابا الزعل=وعلى السقيفه من عبر يضرب سلام لان الكلام العيف ماله شي محل=والا طرح عابابها شوكي وزام |
عشره ميازر وفي وجيه اربع قبُل = الحق بانعطيه لأن الامر هام وان كان ماعدل ترى يدي تصل = وبانجيب الحق منه بالخصام |
لنتوا تبونا ننتقد عند الدلل=اليوم قد نحنا على سدة شبام والهيج ماله عذرمايشل الثقل=والا قطعت الراس مره والسنام |
لاجل المخوه والصداقه بحتمل = دح الجبال النايفه هي والدقام وباشلها والله ماهم الثقل = وخل من جلس يجلس وكل من قام قام وبامد له يمناي بنسا ماحصل= نحنا خوه واصحاب عاماً بعدعام |
كلاااااااااااااام وينكم ياشباب
|
اربع مواتر ليد طالب باتصل = في ساحة الناموس بازر الحزااام ماباتعذر لو حصل مهما حصل = العز عندي طارحه اكبر وسااام يالشيخ ماشي في كلاامي شي زلل = لكنني شوفك تدور للخصااام تقديركم عندي كما وزن الجبل = لاتفرقون الشمل من بعد الوئااام |
كلااام هكذا ياشباب
|
حياكم الله
يا طالب قل للشيخ يصغر كتابته يا أخي صرنا كما الحولان نروح يمين ونرجع شمال يخرج خارج نطاق التغطيه( الشاشه) ونحن نلاحقه . وبارك الله فيكم على إثراء هذه السقيفه بالاشعار الجميله. |
اشكرك اخي حضرمي 2003 بخصوص ان الخط كبير كان ذلك في مشاركه واحده فقط لم تنسق بشكل
صحيح وطلبت من الاخ طالب تعديلها والظاهر ان بوراضي نسي. واعتذر عن ذلك . وبعدين مابيننا واسطه تستطيع ان توجهني مباشره. وان كان الخط في كل المشاركات كبير ارجو ردك بسرعه كي اتلافا ذلك في المستقبل . لك خالص شكري وتقديري |
اشكرك اخي الحضرمي على ملاحضتك وان شالله سوف نقوم بتعديل الخط للاخ الشيخ سابقا الباش حاليا
واحب اعلم الاخوان الشعار بان الشيخ بعد اليوم لم ترونه ابدا لانه غير الاسم الى الاسم الجديد الباشــــــــــــــــــــــــــق نرحب بالاخ الباشق ورحبوا معي جميعا |
اخواني وزملائي الاحباء
كنت في السابق اكتب في بعض المنتديات تحت اسم الباشق وفي البعض الاخر بالشيخ ولكن عملاً بنصيحة الكثير من الاخوه الذين نصحوني بان اكتب تحت اسم واحد لما في ذلك من كسب للوقت والجهد فقررت الكتابه تحت اسم ( الباشق) فكل الحب والتقدير لكتاب وزوار سقيفة الشبامي |
شكرا لكم إخواني طالب والباشق على هذا التجاوب مع تمنياتي للجميع بالتوفيق
|
حيااااااااااااااااك الله ان كنت الشيخ او البااااشق
لكنني مازلت منتظر الرد هههههههههههههههههههههههههه والخواطر صااافيه تحياااتي للجميع |
اخي طارق اسعد الله اوقاتك. ويؤسفني ماحصل من سؤ فهم وخلاف ولكن يقولون مامحبه الا بعد
عداوه والله لايجيب عداوه بيننا . وبخصوص انتضارك للرد اعتقد ان الباشق ليس طرف في الموضوع ولكن لكل بدع جواب اليس كذلك؟؟؟؟؟ |
ذا فصل والثاني بدع يالباشق=هت لي خباره ذي تقدم صفنا هل صاحبك عاده معانا صادق=والا رجع ذلين واقف ضدنا |
اشياء خوافي بيننا ياطارق=والله ماضنيت تعرف سرنا غاب القمر ذي كان فوقي شارق=من فوق وادي عمد غابت شمسنا |
نرجوا منك التقيد بيتين بيتين في كل مشاركه
ولكم الحق ان تشاركون باكثر من مشاركه حتى مائه مشاركه ولكن لاتتعدى الابيات الاثنين من اجل اتاحت الفرصه للمشاركه اكثر |
اقتباس:
|
على الجبر والمعروف بانتسابق= وان حد دخل مابايفرق صفنا من الامر هذا قل طالب واثق = ومن حكم في الساس حّكم في البنا |
الحمد له والشكر شفت البارق= يبرق ويرعد والمخيله فوقنا بشر بها الحراث قله سابق= قل المعاذر سيل مقبل لرضنا ودايم الرحمه تعم والرازق= الله ذي عالم بذي في قلوبنا والشمس ذي غابت سناها حارق= منها كريم الوجه بايلطف بنا |
كل شي توضح بعد كنش الصافق = ليلة مسى الشباب يردف بالغنا القو عماير من ثنعشر طابق = لجل الجواني فرطو في ارضنا |
حياااك الله يالشيخ ما بيننا الا كل خير ان شااء الله
وفعلا لكل بدع جواااااب و تبقى اخ عزيز وغالي تحيااتي للجميع |
لانته بغيت الصدق ماشي فارق=لكنه المكتوب هذا حضنا لاخيرفي الحاوه ولا في الحاذق=من يوم دار الخيل في ميداننا |
الفرق والواضح لاتكون مناافق = لما متى واحنا كذا في فقرنا الذيب يسرقنا وشعبه سااارق = واحنا نقلب كفنا عا كفنا |
باقول كلمة صدق ما بانافق=ذي با ينافق شو مصيره للفنا شوكم لكم مسكن بوسط الخافق=والنبض يهديكم عبارات الثنا |
ماشفت ردك لوّلي ياطارق=يومك تقدّمته علي وسبقتنا شف لي يحب ارضه وفيها عاشق=مابايهمّه فقرها والا الغنا |
حيا الله الشعراء وكذلك عشاق الزامل
الجمال في شعرك وانت صادق = ومحبتنا للوطن راسخه بفوادنا احتفالات اليمن بالعده والبيارق = ولعيدها الرابع والعشرين هنينا |
الشمس غابتت والقمر ذي شارق = بسري بضوه خاف اوصل للمنا أن كنت ترغب خلنا نترافق = خطوه بخطوه مانغير خطنا وأن كنت لاشرقت تحب اتسابق= منته سعيفي في التطور والبنا |
اقتباس:
وطلعت ناقصه من حيث الوزن وقمت بتعديلها واقتباسها لكم من اجل يتبن لكم معناها وتحياتي |
اقتباس:
للعلم سوينا بننا شاهق=دستورنا واشعار حزي ديننا لكن صوتك في المساجد خافق=مايوم قد شفتك تصلي بيننا ماتعرف اني شمسي بيد الخالق=والخيل في الدنيا معرض للفنا |
وينكم ياشباب
هوكوا وازتملوا ذيب سعد الغلابه كم من قبيلي كسرنابه وتلذيب سعد هووووووووووووووووووووو |
الساعة الآن 11:58 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir