المشاركة الأصلية كتبت بواسطة بن احمد (المشاركة 336303) السلام عليكم ورحمة الله وبركاته فصل جديد يشباب اذا سمحتو بعد اذن المعزب سلام الله سلامي ماصدح بلبل وغرد= باسمي قال سالم خصه الشعـــاروالناس الجميـــــع بغيناها على نيه ونبغى البدع والرد= في الحبكه وف المعنى سوا عالصوت واللحن البديع سالم باوزير

حزين الدان هذا ... منّه الغيّان يشرد=يبا شرحي يطوّب به يخلّي العقل من رأسه يضيع
ونا بصبر وبا صابر يلُمّا الفي يبرد=عسى السّرحان في الغونه يجي لا ( شرج هبري ) أو ( نفيع )

نشدت الذيب لا عظمك صنك يومك تكبّد=خِبِرْني عن دواء ناجع ينسّم بك ومفعوله سريع
فقال الذيب إكحيلان ذي خدّه مورَّد=يذب العافيه في كل عظمانك ولا تمسي وجيع

المشاركة الأصلية كتبت بواسطة عمر الذيب (المشاركة 336377) يعين الله يعينه من بلا ترخيص ورد=تنهصه الجمارك والمراقب كل ما علق وجاء بيبيع ومن سالم ولد احمد وصلنا لول وزمرد=ومنه في انتظار التبر والا لماس وزهور الربيع عمر الذيب

سرق كلاّت أبوهم في عتق وإن كان محفد=وجمركنا إلى جيب المجمرك ذي يعامل بن بزيع!!!
وعاده صاحب الجمرك يناصحني ويشهد=بأن القرش لبيض لا كسبته بالسماحه خير ريع

انا قومي وبن قومي وكل الناس قوميه=ولا سالة حويره با تسيل التخم والريان
جرذ في البيت بهذلبي كلاء عشرين جونيه=حمد تكذب تقول ان العراري تاكل الجرذان
حمد با حنيص

فتحنا الباب بسم الله في ليله ضبابيه=تجي وتروح شارات السقيفه لي بلا الوان
ولكن لجل صوت الدان بتصبر هنا شويه=بغيتك يا محمد بن مخاشن تكتب العلنوان
عمر الذيب

المشاركة الأصلية كتبت بواسطة عمر الذيب (المشاركة 336419) انا قومي وبن قومي وكل الناس قوميه=ولا سالة حويره با تسيل التخم والريان جرذ في البيت بهذلبي كلاء عشرين جونيه=حمد تكذب تقول ان العراري تاكل الجرذان حمد با حنيص

سلامي قال بو صالح على وديان مرعيّه=ذكرناها ... وحل فيها صحاب الجود والإحسان
عسى يا ذا الكرم تصرف بشر جوها حراميّه=بلد لحقاف تحييها ... ترجّعها على العدّان

المشاركة الأصلية كتبت بواسطة عمر الذيب (المشاركة 336424) فتحنا الباب بسم الله في ليله ضبابيه=تجي وتروح شارات السقيفه لي بلا الوان ولكن لجل صوت الدان بتصبر هنا شويه=بغيتك يا محمد بن مخاشن تكتب العلنوان عمر الذيب

كتبنا يا عمر ياما كتبنا دون أهميّه=ولا حد قد قرأ المكتوب لُمّا صرت أنا حيران
وصيّحنا على المليار ... يا أفراد نشميّه=هلمّوا وإدخلوا مرّه سوى لا ساحة الميدان
ولا حد يستمع لي كلّهم ما حد معه نيّه=ولا بدوي ولا حضري ولا حامد ولا حمدان

المشاركة الأصلية كتبت بواسطة عمر الذيب (المشاركة 336428) يلعن ابو النت على شغل