سمع يالقبيلي
هذا موقع الشبامي قرف عسل بغيه نخب اول ولن نسمح للذبان تحط عليه ان معك نحل يجني في خير مجنى هاته ومرحب به وانها الا من الذبان اللي ارسلتها ارجوك يكفي و لاتجعل الموقع عرضه لكل من هب ودب .
اما كلمات الاغاني مالنا ولديانة الشاعر اذا كان شعره بالعربيه الفصيحه . عنتره وامرؤالقيس من الجاهليه ولايستطيع احد ان يعترض على اشعارهم .اما بالنسبه للمرحوم محمد جمعه فهو ادخل نوع من الايقاع الهندي القريب الى ايقاعاتنا وليس الدرامز والطبل اللي جبته لنا .
والعتب على ابو محمد وابوصالح اذاكانت لهم معرفه فيك ان ينصحوك بعدم الاقتراب من هذا المكان اذا كانت هذه هي مواد عرضك.
نسال الله لك الهدايه
دمت في خير

ايش بك يابوصالح
انا مامنعته ان يتنفس بس مايتنفس في وجيهنا ياخي يدير وجهه بعيد عنا ويتنفس والاّ يكتم مالنا وماله
كثير منتديات ترحب بمثل هذه الاغاني وسوف يكون فيها عضو مميز .اما نحن فتخصصنا تراث يمني عنده من هذا التخصص يجيبه ونقبله وله بوسه فوق الراس
خلو المجاملات يابوصالح والله اذا سمحتم بمثل هذه الاغاني بانفتقد الشيء الكثير ولا باتنفع قولة ياريت
وسلامتك

انا مافتحت الرائعة معي الحمد لله على ذلك 0

يمسيك بالخير يابومحمد
لادهرت ريم ولادهرت تنّار خلو المجاملات وانصحوا صاحبكم يبعد الخرابيط حقه. يمكن انه فن بس ماهوعندنا نحن لانقدر مثل هذه الفنون هذه الفنون لها اماكن اخرى تقدر فيها اما نحن عندنا بدوي واصحابه وبس
دمت في خير

سامحني ونا با توب
 

على هونك يالمقدم .. لا تنطبع وخل الحدة .. رسالتك وصلت من اول كلمة .. وقلنا لك لك خذ وخل محد ياخي يفرض عليك تسمع شي ما تبغاه .. ومحد يا خوي تنفس في وجهك .. الحكاية وما فيها مقاطع فيديو موجودة والعالم كلها تشوفه وتسمعه .. اذا رغبوا .. وفيها - في نظر البعض ، وأنا منهم - مزية الفكرة الجديدة ..

واي مشاركة يرى المشرف انها لاتناسب موقعه فليحذفها .. محد بيزعل منه ..

واذا كنت انت مشرف ايضا .. وهذا ما نتمناه .. فقم بحذف اي مشاركة لا تسرك منا .. الترطاس ورفع الضغط .. وقلة الحيلة ما شي داعي لها ..

وانا ذكرت لك الغرض .. ان في هذه الدنيا الناس اجناس .. اشكال واصناف .. اراء وانغام .. وما تراه انت عسل بغيه مختوم في قرفه .. يراه آخرون قمة السفاهة و التفاهة والسقوط .. لكن كل واحد يفعل ما يعجبه .

وصاحب الموقع هو الضابط بينهم يفرز الرأي ويختار ما يصلح في نظره .

هذه اسمها سقيفة الفن والنغم .. على اطلاقها .. لم تكتبوا عليها سقيفة ( التن و المقدم ) .. وبعدين انا حر اشارك في السقيفة اشارك في منتديات اخرى ... اي شي يعجبني أو أرى فيه فائدة لغيري سافعله .. بامكان المشرف ايقافي اذا رغب .. بامكانه طردي .. هو حر في سقيفته .. لكن ليس له اية سلطة على افكاري .

نسأل الله ان يتقبل دعائك لي بالهداية .. كما ادعوه ان يهديك و( يهدي سرك ) و ازيد .. أثابك الله على كل مشاركاتك الهادفة !!! :)

سلاما

ماحد منع افكارك اطلق عنان افكارك الين تصل بها الى الكوكب الجديد وتجيب لنا اخباره ان فيه مجال للسكن وان باتبقى تغثي بنا بانروح اليه وبانشل الدان معنا والتنه والمرواس والهاجر
ونحن عارفين انها سقيفة الفن ولكن الموقع اسمه الشبامي يعني له من اسم المدينة التاريخيه نصيب ولااظن ان ماتقوم بعرضه في الشبامي يتفق ورسالة الموقع واعضاؤه.
بامكاني اتجاهل مواضيعك ولااطلع عليها وهذه حريه كما تقول. ولكن اقول لك يااخي هنا ناس يسمعون بدوي زبيروربيع باشراحيل ومحمد سعد والمرشدي وعطروش اسالك بالله هل تتناسب مواضيعك وهؤلاء الفنانين؟
انت مثل واحد مغرم بالكره والرياضه وجاء الى عند بدو عمرهم ماشافو الكره وجالسين يدندنون بأشعارهم وهوكل شويه يقولهم اللاعب الفلاني جاب هدف في الفريق الفلاني. بايحتملوه مره مرتين وبعدين بايقولون له ياخي روح بالكره حقك عند الناس اللي يفهموها بعيد عنا
ونحن من خلال ردنا هذا نوجه رساله الى صاحب الموقع ونقول له ترى الوضع خطير ويتوقع غزو من هذا النوع في الوقت القريب اذا لم يكافح مثل هذه الاشياء
ولازلت ادعي لك بالهدايه .وادعو الله ان يبعد بلاويك عنا
دمت في خير

نبي عدى يالمقدم

حر وبرد يامقدم.. أدخل الرابط واستمتع برقصة شبواني على كيفك هدية لك ولمرتادي السقيفة
http://video.google.com/videoplay?do...&q=yemen&hl=en

باتجيك العدي بدعانا
الله يرزقك رزق واسع
لكن الله يطول عمرك لاتحط مثل هذه الاشياء
الله يخليك ارجووووووووووووووووووووووك
ولكزيل الشكر

والله انك نشمي يابومحمد
مشكووووووووووووووووووووووووووووووور فعلا على كيفك كيفك