يا شيب عيني من شهير الشامه = شحنة شهابه شرشحت من لامه
شكت على الخدين لونٍ((((ن)))) يشجي = ويشربك الإحساس وسط احلامه
شد الرحال القلب شدّة عاشق = صوب الشموخ الشركسي وإلهامه
شاعل شموع الشوق والحنيه =شعلل شعاعه وإشتغل بفلامه
يهدي شبابه شربةٍ معسوله =تشفيه من برد الشتاء وسقامه
ما يشتري من شارع الشربتلي=شغله تحقق غايته ومرامه
راكب شبح شامخ وشايف نفسه = شيخ الأصاله شيمته نهّامه
شجرة ربيعه بالثمر مشهوره = تشبع خواله كلهم واعمامه
شمس الشموس تغار من مشياته = والليل يشكي من جروح إسهامه
لا شافه العاشق غدا به طايش = ومن غير ما يشعر يشد إحزامه
تصلح له الشيخه شمال وشرقي = اما الجنوب يشلحه صمّامه
شفته شبيه لشي شاغل فكري =شجاعته تشهد لها اعلامه
وبنت الشيوخ إتشوشت شاشتها= تشكي شجنها للزمن وايامه
من بعد شِله فاسده منبوذه =طاحت بشر اعمالهم منضامه
من قوم (0000 ) لي تعشو مظبي = بعده تشتت شملهم وحطامه
جوها طروشٍ((((ن)))) طُرش طرو ماها = واللي مطرّشهم طريح اوهامه
شاويش شايش شلها مغصوبه = شبعان شاهر عربدات احكامه
نشوة شماته شكلّت تشويهه= واصبح شبه شاذي شعاب إتهامه
يالله عسى رشة شرار وشوبه = تشوي مفاصل شبكته وإلزامه
يرحل ويترك شانها في حاله = او ينشر العدل القوي بسلامه
ويالله بليله شاحبه مشؤومه = تشقى بمشروع الطمع وازلامه
بنت الأصاله شرحوها بدري= شبّو على الجسم البري آلامه
يا صاحبي شاب الشعر بعيوني = شطّب على شط الهوا وانغامه
هذي تشاويش الظلام الدامس= فركوش حركوش الهبل وهيامه
(شخبط شخابيط ) القلم واتلخبط = ما شاف من خلفه ومن قداّمه