ابديـــت بأســم الله عـلاّم لســـرار = لي قدر الانسان نطفـه مهينـه
لاقــد دعــاه العبــد للـذنـــب غفّــار= يغفر ذنوب الناس لي راجيينه
ويقول أخـوسلطـان داحنــت شعّـار= في بحرهم ملّكت أكبـر سفينـه
لاقلت يالهاجــس غطـس بحرلفكار= لعــاد تنــدر ثـــوب وألا فلينــه
لاغصت وسـط البحـروالبحـرغـدّار= هاجسي وأعرفلك روابع متينه
بغيتك تجيـب الـدر لي غالي أسعـار= حتى ولو دره أهم شي ثمينـه
هتها هديــت شيـخ عز(ن) ومقـدار= عالجود والمعروف ربه معينه
مبخـوت بـن سـالم بنـاء للكـرم دار= سوّس قواعدها بمدت يمينـه
لاجــوه ضيفانــه زهــم شبّـو النــار= يدسم لحاهم بالجنوب السمينه
يفــرح بطــرشــانـه إذا جـــوه زوّار= حيّاء وسهلا تنقري في جبينه
فيه الكرم والجود وأشـروع لخيــار= وألعز وألناموس به كاسبينه
ياكم كسى اليتمى وياكم كسى العار= وكمٍ يتيمٍ قد مسح دمع عينه
عالج مريض وشل من حمله أوزار= قلبه كبيـر وبايسعلـه مدينــه
كافل أمم فـي النـاس كبـار وأصغـار= ماقد خلق مثله ولاحد قرينـه
كل من حداه الوقت والحمل به جـار= لا جاه يقضي كل همّه ودينــه
ذخر(ن) لنا سيطه على كـل لقطــار= ماهي غريبـه والعرب عارفينه
ما اليوم باعاود معي باقت أزهـــار= با الفل والريحـان والياسمينــه
أعمارنــا تجــري وذا ألـوقــت دوّار= ندعي عسى كل عيد من عايدينه
هــوذا نعــده مــن طـويليــن لعمــار= وندعي من المولى يطول سنينه
ألجــود والمعــروف منــه إذا ســار= لو ماخلق مبخوت فا الجـود وينه
هذا كـلام الصـدق والصـدق ما بــار= وألحــق بايـــن مايـغطــى يقينـــه
ولا مـن حمـل منشـار سمّــوه نجــار= كل شي وله أهله ولا الخلق عينه
وصـلاة ربـي عــد ما الغيـث قـد ثــار= وأعداد ما الراعد سمعتــو حنينه
علــــى محمــد الـف مليــون مليــــار= شفيع كـل النـاس لـي ناصرينــه