سقيفة الشبامي - لاحول ولا قوة الا بالله

سقيفة الشبامي (http://www.alshibami.net/saqifa//index.php)

- سقيفة عذب القوافي (http://www.alshibami.net/saqifa//forumdisplay.php?f=24)

- - لاحول ولا قوة الا بالله (http://www.alshibami.net/saqifa//showthread.php?t=59354)

اقتباس:

المشاركة الأصلية كتبت بواسطة عمر الذيب (المشاركة 429516)

تمنيت العداله جات ضربه ماتوقعها=ولا ياليتها ضربه لنا ضربات نوعها
يمينيه يساريه ولي في الظهر ما تشتاف=تجلت قوة السطوه وغاب العدل والانصاف
الا يالحاكم العادل فيين العدل ماشفته=خساره ياخساره ليه درب العدل ضيعته
ولكن قبلكم قد ضاعت الذمه على من خاف=تجلت قوة السطو وغاب العدل والانصاف
خريف النخل لي في النخل سي صاغر وشي باكر=تقاسمه الشرح والطير لي ميح وهو عابر
ومولى النخل يكفيه الكرب والليف والقراف=تجلت قوة السطوه وغاب العدل والانصاف
معد شي زين في الدنيا متى ماغابت الذمه=يقل العزم يابو فضل وايضا تنقص الهمه
وتتراجع ورى كل ما تلاشت دورة الحذاف=تجلت قوة السطوه وغاب العدل والانصاف
معد شي قال بوطارق عمر في يدنا حيله= معد معنى خلاف الله نشكيله ونبكيله
علينا دمدمت هذي السنه وتكا تفت لحلاف=تجلت قوة السطوه وغاب العدل والانصاف
طلبتك ياصمد ياحي ياقيوم يادايم=علينا لاتولي في الزمن يابلكرم ظالم
ضميره نيم وعيونه عليها طاغيه لدفاف=تجلت قوة السطوه وغاب العدل والانصاف

لاحول ولا قوة الا بالله

نص رايع تتجلى فيه حبكة عمر الذيب الشعريه التي لايختلف على تقييمها نفران
وغزارة الشعر الحقيقي كفو يابوطارق سجل اعجابي بالنص

اقتباس:

المشاركة الأصلية كتبت بواسطة عاشق قهوة الرواعي (المشاركة 429522)

ارحبووو صح لسانك قصيده في محلها والقصد مفهوم يالنشمي عساك عالقوه------بومطلق التميمي

اخي التميمي
لك كل الشكر على مرورك الذي اعتز به

الرائع دوم رائع وأنت شاعر لايختلف عليك اثنان عملاق وتعرف متى تقول الكلمة تحياتي يالذيب .

اقتباس:

المشاركة الأصلية كتبت بواسطة مبروك بن ماضي (المشاركة 429541)

حضور شعري صاخب من شاعر يتكيء على تجربة ثرية وغنية بالجمال

وقصيدة مورقة بالشفافية كقلب شاعرها النقي

صح لسانك يابو طارق والله لايولي عليك ظالم

سجل اعجابي المتجدد بحرفك الجزل

مع تحياتي الطيبو وتقديري الجم ،

لك الشكر على مرورك يابن ماضي
الذيب

اقتباس:

المشاركة الأصلية كتبت بواسطة عمر الذيب (المشاركة 429516)

خريف النخل لي في النخل سي صاغر وشي باكر=تقاسمه الشرح والطير لي ميح وهو عابر

جميل جدا هذا البيت احسنت وجزاك الله خيرا ياخي عمر

من أروع ما قرأت من أشعار حضرمية ... بدون أي مجاملة أخوي عمر الذيب

تمنيـت العدالـه جـات ضـربـه ماتوقعـهـا ... ولا ياليتهـا ضربـه لنـا ضربـات نوعـهـا
يمينيه يساريه ولي فـي الظهـر مـا تشتـاف ... تجلت قوة السطوه وغـاب العـدل والانصـاف

ياسين عليك يالذيب .. ماتستاهل .. وصف غاية في الروعة والطرافة .. وعاد اللي في الظهر مشكلة بغت واحد مرقب الله يرحم (بو حسن) ,,

الا يالحاكـم العـادل فييـن العـدل ماشفـتـه ... خسـاره ياخسـاره ليـه درب العـدل ضيعتـه
ولكن قبلكم قد ضاعت الذمه علـى مـن خـاف ... تجلت قوة السطـو وغـاب العـدل والانصـاف

كنت توقعته عادلا .. وخاب ظنك فيه .. أحسن الظن يا أبو طارق .. ومعاد بنلاقي قاضي يالغالي لو ضاع اخر الحكام .

خريف النخل لي في النخل سي صاغر وشي باكر ... تقاسمه الشرح والطير لـي ميـح وهـو عابـر
ومولى النخل يكفيه الكـرب والليـف والقـراف ... تجلت قوة السطوه وغـاب العـدل والانصـاف

(حكمه لطيفه .. حد دوب يجني خريفه .. وحد نصيبه من النخل كربه وليفه .. والكل يجني .. الذيب ماهو كما السقاف .. تجلت قوة السطوة وغاب العدل والانصاف) >> اعذروني انسجم ابداع المحضار معا ابداع الذيب ^_^

معد شي زين في الدنيا متـى ماغابـت الذمـه ... يقل العزم يابو فضـل وايضـا تنقـص الهمـه
وتتراجع ورى كل مـا تلاشـت دورة الحـذاف ... تجلت قوة السطوه وغـاب العـدل والانصـاف

الزين هو شعرك واحساسك العفوي أخوي .. وأشياء كثيرة زينه في الحياة وفي السقيفة وفي المسابقة .. فكن جميلا ترى الوجود جميلا ..
وصوت أبوفضل وعوده كما زين.

ولا قصور في بقية الأبيات بس اخاف أطيل أكثر عليك يا أبو طارق

نص استمتعت به كثيرا

دمت كما أنت راقيا في طرحك

أخوك سالم السقاف

لا نستغرب اذا اتي مثل هذا الكلام
من الشاعر الجميل عمر الذيب
فهو اهلاً لمثل هذا الكلام
تقبل مروري
اخوك صالح باعمران

لافض فوك يا ابا طارق