ماقدر عافراقك يالمحب لو دقيقه=ماقد عافراق الدار كله والاحباب
والذي عاب في صحبه وترّك رفيقه=بحسبه من قلال الخير ماكر وعياب
للمصالح يخب يلهث ويكثر شهيقه=يطوي الارض بقدامه مساييل وشعاب
أه لوضاع مجهوده وضيّع طريقه=يمسي الليل مثل الشول عالق بكلّلاب
لا انطرح في الوقاء جنبه ولا بل ريقه=وان سمع صوت هذوه قام يجري قداء الباب
ياخساره على الميناء ومصفاء البريقه=ياخساره على جبره وحسي المعيقاب
ضاعت الارض والاموال واشياء عريقه=والسبب في نفس اطلقه راشي وكذاب
بعد ذا لي حصل من بايقول الحقيقه=من قوي قلب بايكسّر مفاتيح لرهاب
وين لي قاموا البيعه وختموا الوثيقه=وين لي قسموا التركه على خمسه احزاب
اختلف رايهم حتى الشقيق هو وشقيقه=كل واحد على الثاني يكشر بالنياب
واحتجوا كل ابوهم وسط غبه عميقه=والمطبّل يدوّر له مغني وقصّاب
والجماهير مابين المرق والسليقه=مادروا بانها لعبة مصالح وانساب
كل واحد يباء يظهر وينصر فريقه=كل واحد يفكر في الطري وين والغاب
صبوا الزيت فوق النار شبوا حريقه=في الميادين شبّت بين جالس وخباب
والمداوي يباء يسعف بصوره انيقه=لكن الشيخ يردف بالبلاطج والاسلاب
والمهم في عروس الدار تبقى طليقه=او تعيد النظر ونعود أخوه وأصحاب

الله عليك يالسبع اسم على مسمى والله=
اتحفتنا بهذه الدره الجميله لله درك ولنا دررك=
لاتحرمنا جديدك يالغالي اخوك صالح بن هلابي=