يامرحبا بك الف والراعد يحن=قولك في الزامل صفاء له كل بال
هت لي خبار الناس في ارض اليمن=اهل المدن مره وبدوان الجبال

ياللي تبى اخبار من بندر عدن= وخبار من اهل الصحاري والرمال
الناس في راحه وكل واحد سكن= الحمد لك ياربنا عاكل حال
لولا مغوبتكم علينا وعالوطن=البعد والغربه كما شل الثقال
يالله عسانا نجتمع يا بن حسن=في وادي الرحمن وبانشرب زلال

يالرعد باتكثر في الموصل فتن=والنار في بغداد بتزيد اشتعال
من بعد ما راح المحنك وستجن=بتشوف اشياءمن خبيثين العمال

صدام لمريكاء مسوي مرجحن=قصده يباء يلقي كما الريس جمال
لما ندر له ذي يسن السيف سن=واسقاه كاس السم في يوم القتال

حسره على عنتر وعا بن ذي يزن=والفارس المغوار بوزيد الهلال
لي يطحنون الحب لي ماينطحن=بالكنش والباروت مصروف الطوال

لكن في القادات عندي حسن ظن=كم من بطل مغوار يضرب به مثال
معهم قنابل وزنها الفين طن=ندعوا لهم بالنصر من رب الجلال

الحذر يابوش تدخل لليمن=اليمن فيها صماصيم الرجال
ان كنت نايم من على فرشك ذهن=واحسب حسابك قبل ماتشد الرحال

راح الاسد لي خلى امريكا ء تئـن = خلا جثثهم في الشارع والدم سال
ماحد مثيلة في القادة ذولا خين = لي ضحـى بأو لادة مـامثـلة محــال

ضحى باولاده وماله والبدن=والله ماضحى بها يوم القتال
سلم وهو مختاف لامريكاء يون=قلبه على ماله وحاله والعيال