ذا فصل والثاني بدع بالقول=لاتعتذر يالهاجسي للناس
طلع صدف من وسط بحر اللول=شف سعرها زايد على الالماس

نهنيكم يالشعار على صوت الزمول = بالعام الجديد بصدق الاحساس
وعليكم مبارك و كل احد ينول = امانيه اللي ملاها في الكراس

الرعــــــــــد

سدة شبام العاليه ضايع علينا قفلها = مامعك خبر بللي وقع يابو عوض ماحد نباك
ولي يقع في العاليه كله بسبة اهلها = ان باتفر وان باتحط بايقع عشانا

اعرف حصون اهل الكرم من غلبها=والجيد لادعيته يلبـي لـك دعـاك
واليـوم عالسـده يجـاوب كلبهـا=ابو عوض لاجيـت باينبـح قفـاك
ايش من سلاله لي خرج من صلبها=عذال او شحاث مستنـي عطـاك
حـول الطهـاره بايظلـي قربهـا=هذه نصيحه والحذر يمشي معـاك

باقول بسم الله اول قول=باقول كل ماهو معي في الراس
عدنالكم قبل الغياب يطول=او يمتسح اسمي من الكراس

لا حول لاقوه وثم لا حول=مانع ضوى زعلان من دواس
دارت على راسه وراس افتول=عاشوا عزوبيه بدون اعراس

الرسالة الأصلية كتبت بواسطة طالب باتيس النعماني الاخ الزعيم قال هذه البيوت في موضوع هذه شهادتي للمشرف العام قال اخي الزعيم سدة شبام العاليه ضايع علينا قفلها = مامعك خبر بللي وقع يابو عوض ماحد نباك ولي يقع في العاليه كله بسبة اهلها = ان باتفر وان باتحط بايقع عشانا من عشاك يابو عوض وينك . وهذا جوابي عليه اعرف حصون اهل الكرم من غلبها=والجيد لادعيته يلبـي لـك دعـاك واليـوم عالسـده يجـاوب كلبهـا=ابو عوض لاجيـت باينبـح قفـاك ايش من سلاله لي خرج من صلبها=عذال او شحاث مستنـي عطـاك حـول الطهـاره بايظلـي قربهـا=هذه نصيحه والحذر يمشي معـاك

الذيـب (أنـا )لاجيـت بنقـر قلبهـا=( نعجة شبام ) اللي معي جاها الهلاك
والفحل باتيـس الـذي بهـذل بهـا=أنا أشهد انه فحل مايخسـر عـراك
وأمـا شبـام العاليـة ذي حبـهـا=ساكن فؤادي وأهلها فـوق السمـاك
مـن قـال فيهـا شيـن وإلا سبّهـا=قل له وقـل بانرمّـح فـي شـواك

يامرحبى با قو ال لهاعندي قبول = باتيس السد قوالة تطلع في الراس
الكلام الزين حمل من زين العدول = وفي ساعة صفى يطير بالنعاس

شرهوت قولك عندنا مقبول=مثل الذهب غالي ومثل الماس
وادي عدم يشهد ووادي حول=بانك كما القائد على الحراس

ياخيرة ليلة باتقع اقوال وفصول = من مثلك مانمل ونت من خيار الناس
رجال في الوادي شناب وفحول = وشعبة بامحمد لي فيها الخضر والياس