يالله بحسن الخاتمه قبل الندم = في عشر موسى سطر في صفحه جديد
سرح بنيه والوكل عابلكرم= تلحق قليدك حيث ماضاع القليد
واللحم لافاتك تلاحق عااللخم=ياحصن نايف فوق عوره والرشيد
ثوب السلف واللوم في الدنيا وخم=من قال يجرحني عسى رزقه يزيد
لو جات عدمه للمنقس والكدم=كيله حشف ماتكون عن كيله نضيد

الحاج لبى في الجبل والقصد تم=ياراد ياعواد عود كل عيد
مولاك طم منك يحادي باالامم=ان راض قلبك باالولد هو والحفيد
جاك العور ياالذيب وخطيت الوضم=واللحم عاالمشكاك والحارس بعيد
قدره من الرحمن زل منه وثم=فوقه حراسة صاحب العرش المجيد
وجهه كما المصباح في الليل الظلم=ذي من حرامك صام حلقه والوريد

قلبي يدق قال الطبيب العام=مزقتها ورميتها في الماد
والموت ماهو من قلق واوهام=مامن كلامه قشعرت لاجساد
والكون له حكمه من الحكام=خيره عليه عاده الا زاد
والقلب مؤمن والجسد خدام=لا لي شني فيها ولا حساد
يبشر برحمه طيبه وختام=مولى المحاسن والطريق الجاد
يابورشد تهوي قلاع الشام=لاتجيب حذفت شقف للريشاد
وان نطشت بطنك من اّكل الجام=مولى القضاء حضر لك الجلاد

هذه القصيده مرثاه في المرحوم العم عمر بن سالم عمر باقديم رحمه الله واسكنه فسيح جناته حررت بتاريخ 7ذي الحجه 23/10/2012م


bism2

في سبع ذي الحجه وصلني علم من دوعن حزين=
من ( شبو ) سنحي من مغارات الاسود الكاسرين=
صبح به العاني عليه قبل خت يوشع تبين=
بوفاة بن سالم عمر نعم الرجل بوسالمين=
باغتني المرسول بغته باالخبر في طين حين=
وانا من البغتات مسقوم المعايش من سنين=
( بغتات تتواتر ) علي من مالك البحث الزبين=
خلت عظامي مثل عود الراك وركيك العظين=
بكيت واشتقيت عافقد الجمال الموشرين=
وحمدت واسترجحت له باالحمد رب العالمين=
ذا امر من رب السماء محتوم عاالناس اجمعين=
بكيت فوق القبر ودعيت المهيمن والمعين=
يجعل ثرى قبره من الريحان والفسحه يزين=
روضه من الجنه وداعاً سعف ركب الصالحين=
على ثرى بشرون رحمات المهيمن والمتين=
عاالسابقين الاهل وحنا عااثرهم لاحقين=
راحوا علي الشيبان كل ساعه تجر موزع حصين =
ذيهم (مجالسهم )مدارس نافعه ومدرسين =
خذته دروسي منهم ودرست عن كم من فطين=
موزعي غادر من حصوني والمجالس خاليين=
تنعى على الراحل وتسخط عاالبقيه والبنين=
لادخلت لامجلس بكت عيني وجريت الونين=
كم من محل قد كان يرنف باالوعول الحانيين=
واليوم فيه الطاويه خالي واهله ميتين=
راح السلف واّتا خلف بطال ومساره مشين=
لاعقل راسخ فيه لا حكمه ولا خلقاً حسين=
قنفور ولسانه ذلب فيها تشيب باالجنين=
عاالعاقل الحاذق لسانه مذلبه ياغافلين=
تبعوا هوى الانفس ولهو العصر والنهج المحين =
ومن عوايد اهلهم وذبورهم متنصلين=
بكيت وتنحبت عامثواي والكنز الثمين=
ياصنصله ياشعب شتنه ياالمحاقي والصفين=
وين المجالس والمحابي والحروز الاولين=
اّنسي طهم والمشبك المصموم يعبر باالرصين=
والحمد له والشكر ملبوس العباد الشاكرين=
من مقبرة بشرون رديت النظر عاالنايفين=
وعلى ديار رحاب وديار الخبه والقاطنين=
والناس بطن المقبره ماهم بحالي داريين=
ياالحيد يادكمة شبربر والقصور العاليين=
مالي اراء قتمه وقتره عامحيلش والعرين=
وسواد جاثم عاسيالش والشعاب المفرعين=
مالي اراء منش الصفاء منزوع واهلش ضاميين=
قالت خلوا مني الاكابر والرجال الخيرين=
من بعدهم بدلني المولى بعالم ثانيين=
افعالهم قد زادت السقله نكد ومخازيين=
البغض فيهم والكراهيه خوه متقاطعين=
والجار ماله عطف عاجاره ولا هم سادين=
صبحت مساجدهم رياضه بئس فعل الساكنين=
والحسد قاطن بينهم والبغض والحقد الدفين=
زرعت عداوه بين اخوه واقرباء متناسبين=
وتكاشموا باالشين ذي لا عقل يرضى به ودين=
هذا جوابك عاخطابك مختصر للسائلين=
قالت ازيدك قلت يكفيني صوابي غامضين=
قالت اراء فيك البكاء والدمع زايد والانين=
ورحيم تنهج باالبكاء مابين امه قاسيين=
يجهل مقامك منهم كلين لاتبقى حزين=
تسودهم قتره اذا اتيتهم رحمه ولين=
قلته كفى يارب سلم ياامان الخايفين=
ولا معي غير الدعاء للاهل كل ساعه وحين=
درب التراحم والتسامح من صفات المؤمنين=
الله يهديهم ويجمعهم على الحق واليقين=
من غض على نفسه رضخ راس الحناش السامين=
كرهه بفرحه عند نزع الروح قل للصابرين=
باتلحقوها حين ماتضوون لاحفره وطين=
والختم صلوا عاالنبي طه امام المرسلين=
عدد حنين النوب ذي ملقي في جبوحه حنين =

ومولى الصومعه مهتم بهم وان صاح يامالي =قصار البخت جينه سيب كل وحده بغت منه ربع وثمين
وسيد المملكه خذه السدم والقيل والقالي =مصايب قوم عن قوماً فوايد والتعب والجعث باالمسكين
وجابوا الهجن والخيال ياسالم منيبالي=سبب يدعي سبب وتعظمت ربك يساعد فوقها ويعين
امازيقي ربيعي في الجزائر حكم سركالي=مخطط عسكري منه الهواري حر عنده حبحب السكين

المشاركة الأصلية كتبت بواسطة عاشق رماله (المشاركة 742743) درر يابو الجويد الله لا يحرمنا منك ولا من ابداعاتك سجلني واحد من متابعينك على طول