من بعد موت الأماني ما بقى فيني بقيه=ما بقى لي غير جرح{ن} يفقد العاقل صوابه
ما بقى غير الطعون اللي من الرحمة بريه=ما بقى غير الجروح اللي دعتني للكآبه
ما بقى لي غير حرف{ن} لا رحل يبكي عليه=ما عرف يوم الخيانة ولا ذرف حبره صبابه
كل ما غابت طيوفي يقلب الدنيا عليه=كل ماجارت ظروفي يحتويني في رحابه
يشعل أنوار المحبة لجل تعلن عن مجيه=يرتوي العالم مشاعر لا وصل حضرة جنابه
والجروح اللي بقلبي كل ماجارت عليه=ينهمر دمع المشاعر ينتظر صوت الإجابه
يا عذابي يا جروحي أرفقوا فيني شويه=لا متى أحمل شقاكم وأترك العالم و اهابه
لامتى ترحل حروفي وادري فيها تموت فيه=لا متى تشعل ضلوعي و تنتحر ياللغرابه
لا متى تدفن بجوفي كل أوجاع البريه=لا متى تسكب قصيدي في متاهات الكآبه
لا متى تبقى حياتي من عنى حظي رديه=لا متى همي وحزني والألم واللي جرابه
من بعد موت الأماني مابقى غيري ضحيه=لاقدرت أنسى السؤال ولاقدرت ألقى الإجابه