|
من مساجلات الدان الحضرمى 1354هجرية : يقول المغنى والشاعر سعيد مرزوق : لما قعوضه نا نويت العزم سارح جا بن يمانى قال لا تسرح قبلك رصاص الشرف والباروت ذالح بوفي كلامي قلت له جاء خط مشروح رد الشاعر مستور حمادى : ذا فصل والثانى خرج فى بير رازح واحد دلى دلوه وبا ينزح والدلو ما جمّل جرت فيه الفضايح جرذان كلن الدلو يومه كان مطروح فقال الشاعر جعفر عبيد : الناس لا طرحوا نا مانا مطارح على الخط لا قالوا لزم تطرح ماحد يبيع الولف بيعه بالمصالح ريت المشاغل كلها يا سعيد لشحوح |
موسوعة كنوز الشعر الحضرمي فعلا إسم على مُسمى يعطيك العافيه إيُها المُبدع دائما أستاذي الفاضل / عمر خريص . وياريت يتكرم أحد مشرفي سقيفة عذب القوافي أو أحد أعضاء الإداره النافذيًن بتنقية هذه الموسوعه وإزالت الأشواك التي وضعها المشاغبون في هذه الموسوعه وتوجيًه تحذير جاد وصارم لكُل من يحاول تعكير الصافي الزُلال تقبل جُل تقديري وإحترامي لكُل ما يدونه قلمك الناصع . |
اقتباس:
ملكة القوافي وسيدة الابداع شهد الملكة شهادتك اعتز بها وأفتخر ونسأل الله بأن يعينني على طرح الجيد والمفيد من مخزون التراث الحضرمي الضخم وارجو أبو صالح الاستاذ عقيل بأن يفعل بقتراحاتك لما فيه مصلحة السقيفة تحياتي لك وتقديري واعجابي . |
خبروها قصيدة للشاعر الكبير حسين أبو بكر المحضار ــــــــــ خبروها بماضيها وماضي بنيها ** علها تزدهي فخراً وتزداد تيها أمنا الشحر لو قالوا لنا الهند فيها ** مارضينا وجاوا كلها مانبيها ** مسقط الرأس حيث الساس والناس لجواد ** منزلة عاد من سابق وشداد بن عاد كل من غاب عنها وقت رأسه لها ناد ** كيف وأمها ضبه وضبضب أبيها ** أمنا الشحر كم شلت وربت وحطت ** رافعة رأسها دوب الزمن ماتوطت كل من دعاها استجابت له على الصوت نطت ** راضية بالقسم منهم لي يجيها ** صابرة شاكرة عاموبقات الليالي ** عاصروف القدر وخطوب مثل الجبالي صالت أتعاب جم ولحد مثلها بايصالي ** وأنتهى الخطب وأنتصرت على معتديها . ـــــــــــــــــ |
قصيدة للشاعر محفوظ صالح باحشوان ــ اهلا قمر سيئون شعشع نوره ** عذراء المدائن عاشقة حبانه كل غصن يتحرك يبا لقيا القمر ** تتفتح ازهاره تشب عيدانه والحيط بايعطي من أحلى الثمر ** من العنب والليم أو رمانه ترقص له أغصانه يزين سوره ** نشر عليه ألوان من ريحانه كلين يتفنن قدر مقدوره ** يبغا شعاع النور يعلي شانه يبغا القمر بضيافته كل ليله ** يبغى يغني في السمر عادانه أحلى الليالي في الطويله ساهره ** عالبسط وأهل الدان سر الحانه بالشعر يملون الليالي العاشقة ** وضاع نور الشعر في خلانه لا ياقمر سيئون يانور العيون ** في القلب لك مسكن ومن حلانه يادرة الوادي وياعذراء اليمن ** ياجنة أهل الدان يافنانه ـــــــــــــــــــــــــــــــــــــــــــــــ |
[SIZE="5"]قصيدة المحضار يأهل الطويله ــــــ ياأهل الطويله علينا يدكم طائله ** واسلابكم فاتكه وسهامكم قاتله حتى الظباء عندكم تمشي وهي جافله والريم ماتنقنص ويكابرين الوعول ـــــ مادام قلبي بكم عاده قوي الصله ** واحبال ودي لكم بالحب متواصله مازلت كل من طلع من عندكم نسأله عنكم وعن حالكم واصغي لكل مايقول ــــ مريت بالساقية ولحقتها باقله ** مرعى يهيض وتربه للعمل قابله أما البساتين كل بستان فوقه هله دائم من البير يسقونه وماء السيول ــــــــ وعاد كم من نويفه زاحيه نائفه ** واخيالها عالسعف من كبرهن عاطله تظلني من شموس الهجر والقائله وأثمارها تشفي العله وتطفي الكلول ــــــــــــــــــــــــــــــــ [/SIZE] |
قصيدة لحداد بن حسن الكاف ـــــ فصل ياأهل القرن شلونا ** واطرحونا حيث ماترضون في محل ترضون فضلا ريضونا ** بي مرض من ولفكم متعوب شو دواي الليم لي في بير مشهور ـــــــــ نسنسوا بالدان واحيونا ** عندكم من مات حد تحيون ظيفكم والظيف واجب تكرمونا ** خلع راشد فيه لي مطلوب إن حصل والا كفى ولعاد بازور ـــــــ عالوفاء والشرع شوفونا ** لاننا من ناس لي يوفون حيث بيه ضيق خاطر نسمونا ** بيت باأسمع حنين النوب والجناء إن لا وقع معذور معذور ـــــــ ياصحابي كيه ذكرونا ** أن سكتوا وانكم تهذون وإن سرحت للطويله ودعونا ** في أمان الله قولوا دوب والعيادة باتقع في خير وخيور ـــــــــــــــــــــــــــــــــــــــــــ |
قصيدة لحداد بن حسن الكاف ـــــــ قال الفتى لي قلب شوق لك ** يالقرن واشتقت الى غيدك وغزلانك ياسفح عامر سعد من حلك **والا ملك في داخل الحمه تملك خير لملاك ــــــ حتى الشبب مشهور في خلعك ** وأثمار حلوه فيك والنكسات في اغصانك تتمايل الاغصان في وسعك ** من غير شك يوم الغذاء معجون في طينك وفي ماك ــــــ وعادنا اتعجب من غصنك ** أخضر ندي راوي يطل بالزهر بستانك ياغارة الله لي نفح طلك ** مسك اعتبك في خلط عودي دوب ينفح طيب رياك ـــــــــــــــــــــــــــــــــــــــ |
تستحق العنوان ( موسوعة كنوز الشعر الحضرمي )بالفعل هي كنوز ثمينه
سؤالي للمشرفين لماذا لايثبًت هذا الكنز الثمين حتى لا يعاني المتابع ولا الكاتب صاحب الموضوع في البحث..؟!! المشرف عمر خريص لك جزيل الشكر؛؛؛؛؛ |
اقتباس:
شكرا شاعرنا الجميل الخليفي الهلالي أنت صاحب ذائقة شعرية اصيلة .. تحياتي لك ــــــــــــــــــــــــــــــــــــــــــــــــــ ــــــــــــــــــــــ -( من روائع التراث الحضرمي-- للشاعر حسين المحضار )- -** سلم ولو حتى ** سلم ولو حتى بكف الاشاره يا من على قلبي وليت الأماره نا عبد نا مملوك لك وانت سلطان ليم في الحيط زاحي ورمان ********************** مريت في الموكب نهار الزيارة خليت خلق الله تمشي حياره من شاف حسنك و حد الله سبحان ليم في الحيط زاحي ورمان *********************** خليت في الموكب جميع العداره تحتك خدم وأنت رئيس الاداره يمشين خلفك عا يسارك وليمان ليم في الحيط زاحي ورمان ************************ طارت على من نار حبك شراره خلت في الليالي سهارى كلين رقد طرفه وأنا بات سهران ليم في الحيط زاحي ورمان ********************** قد لي سنه بعدك ولا جبت ماره ماشي فوائد غير دائم خساره محد يخلي صاحبه دوب خسران ليم في الحيط زاحي ورمان ********************** جرعتنا في الحب كأس المراره قاسي علي قلبك شبيه الحجاره ما لان قلبك والنبي عاد ما لان ليم في الحيط زاحي ورمان .. ********************** |
| الساعة الآن 12:09 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir