سقيفة الشبامي - ♥ ♥ رومانسيات ♥ ♥ مساحه لكل الأعضاء

http://up.3yonhala.com/files/exlb9fwakdhjbmnpj8gl.jpg
أنا يامصر حتة منك
لوسألونى يوم عنك
هقول دى أمى وأمك
ولو بعدت يوم عنك
الشوق يحدفنى لحضنك
********

بحبك على الرغم إنى
كنت عايشة فى سجنك
بنوه ولاد الديابة
وحطو فيه الغلابة
وبقيتى يامصر غابة
وموال على الربابة
بيقوله المداحين
يروى العطشانين
ويزيد فينا الحنين
ونشتاق لريحة الطين
********
بحبك يابلد الشغالة
حرفيين وناس عتالة
يغنو الهمة يا رجالة
ما تصبح يا حر عالة
********
http://up.3yonhala.com/files/exlb9fwakdhjbmnpj8gl.jpg
بحبك سواقى بتدور
ترمى الشوق للبحور
وتطرح غناوى زهور
وتخلى القمر يدور
********

بحبك فى السمسمية
ونسمة فى البدرية
وفلاح فى الفجرية
يشق الأرض المروية
*********
بحبك صبية بتتغندر
ضحكتها زى السكر
وعم عطية بيكركر
ويقول شيئ ومقدر
********
بحبك نيل بيروينا
وبخيره عمال يهدينا
وعم خفاجة يقول لينا
رضاك يارب علينا
*********
بحبك غنوة فى المواويل
وضى سارح من القنديل
وع الدوار يقول قنديل
عاشق يابنات النيل
***********
http://up.3yonhala.com/files/exlb9fwakdhjbmnpj8gl.jpg

بحب ترابك يحنينى
وسدك رزق بيعطينى
وطيبة دايما تخلينى
اقول بحبك يانور عينى
***********
بحبك سطر فى الكراس
يشعل دايما قلوبنا حماس
يقول العلم هوا أساس
يعلى مكانك بين الناس
**********
http://up.3yonhala.com/files/exlb9fwakdhjbmnpj8gl.jpg
بحبك تاريخ عظيم ومجيد
بحبك فرحة فى يوم العيد
وبقول دايما هاييجى أكيد
ونشوف يامصر عصر جديد
نشوف أمل بيبدر خير

وخيرنا ما ياخده الغير
ونهضة ورزق علينا كثير
يمسح دمع كل فقير
حلم بحلم بيه ليلاتى
وأمل بقوله لكل خواتى
الخير جى فى الزمن الآتى
حلم نفسى أشوفه بحياتى
لو تعرفي وتعلمي أنني بعشقك أد عيوني
http://up.3yonhala.com/files/exlb9fwakdhjbmnpj8gl.jpg