ما بونمر اليوم يتغزّل ### عينه من ذيك الغزاله
ونا ضيعتـــه غـــزالي ### وانته شل ذاك الغزال
ان حـــد معك لي حوّل ### شفها باتصلنا الحواله
لك كشفــت حالـــــــي ### يالله عسى بستر لحوال


البكري

مابونمر حاجز ونول =من سمح قد حضر نواله
ما با تأخرني نوالي =ولاحسب غلي النوال

باهدي لكم اول سلامي= يأهل الدرافه والمغاني
قد جيتكم قاصد وعاني = من شأن بارد السلام
ذا فصل والثاني كلامي =قلته لكم اول وثاني
يأهل الفكر وأهل المعاني =يالذي تفهمون الكلام

بارد سلامي لك واحترامي ### ذكّـــرتنــا اول زمانــــي
يومنا طــوف ذيـك المجاني ### كل الشكرلك والاحترام
اليوم يــوم مسك الختـامي ### يابــونمــر لــك التهانــي
عاخزاكــل حاســد وشــاني ### عسى يقع مسك الختام


البكري

يالبكري البستان ضامي =ذي بالثمر قدكان داني
ويعود ملكه لبن يماني = وعليه متحفظ وضام
واما الذيهوفي الشبامي =كلام جم نسمعه ثاني
مثل البغيه عالساني =لاجاء من مدينة شبام
لاتقول لي جاهل وعامي =يابونمر وقتي رماني
خلاني نضيع قراني =وبقيت من جيز العوام

يا حسفة الرّاعي على ذيك المحاليب

السيل جاء مردف وطامي =شل المزارع والمساني
ذي في سقم حق ولد باني =عبر عليها سيل طام

الخ ابونمر
الاخ سالم يقول القول قديم
وحاولت اثني عليه وعسى اكون توفقت


ورا التليـده رمحــت الحــلاب ### انقدوهها خاف جفلت من ثيابه
ولا باتخشـــع ولاتهتـــــــــاب ### مــن ذاك لـــي كانــــــت تهابـه
ياحسفة الراعي على ذيك المحاليب
************
الناس عابت مالوقت مايعتاب ### وين لي يفند خطاه من صوابه
العاقــــل صبـــــح مــرتــــــاب ### والعلم محفــــوظ فـــي كتابــه
والغش بين الناس له عدت اساليب

البكري