يا رافع السبع الطبــاق بلا عــــــــمد = يالرب يالـــي قدرتــــك قـــهـــاره
سالك استر عالعبد يالفرد الصـــــــمد = واشفق علية اذا كشفــت اســـتــاره
والفي صلاتي عد ما ساجد سجـــــــد = على رسول الدعـــــوه المخــــتاره
وسلام عد مالنوب يجني عـــالزبـــــد = يلقي بغية من رحيق ازهـــــــــارة
من روس وادي العين لاقـــرن الوتـد = ومن شرج هبري لين روس القاره
يا مرحبا تعداد ما راعـــــــــــد رعد = واعداد ما هلت مزون الـــــشــاره
بلّي بعد غيبه رجـــــــــع لاهله ورد = من بعد ما انقطعــت جميع اخباره
يا مرحبا مخصــــوص بك يابو حمد = حيا بلي هو قد ضـــــــــوى لاداره
كم قلب هلا بــــك وكم خاطـــــر برد = من بعد ما قد عدت طــــــفيت ناره
حياك بين الاهل يالوعل الكـــــــــرد = كم حيد في زامك دعست اصــباره
خاويت في شبّـــتك صعــــران الريد = كم من صحيبا لك طــــوال اشباره
واهل الجهة بالجـــــود كلا لك شهـد = والمرجله كلا يــقـــول اشـــعـــاره
رحـــــال ذك الايــــام كل حين ابلد = ومــاك عالصـــدام ف المــطـــاره
وبعد باتوجـــــه الى شبــــل الاســـد = احـــمـــد بقـــلـــبي يا كثـر مقداره
بازفله تبريك ما يحـــــــــصى العدد = له ولشقيقه ولجـــــميع انصــــــاره
والاهل والاخـــــــوان شايب او ولد = وللنقعه الزهرا نــــــــــزف ابشاره
للكل شف ماهي لحد من دون حــــد = مبروك والهم انجـــــــــــلى بغباره
والشكر والتقدير لاي شخص اجتهد = وابذل ولحسب فايده واخــــســــاره
البعد مثل البحـــر له جـزرا ومــــد = والبحر دايم يتـــــــعب البحــــــاره
والبعد يالجاويد اهله في كـــــبــــــد = علبوش يا دنيا النـــــــــــــدم غداره
ما شي في الغربه ســوى كثر النكد = تقطع رقــــــاب اســـيــــوفها بتاره
واليوم باب الهجر والبــــــــعد انقلد = الله لا يــــــعوّده يلـــعــــن عــــاره
قوله وانا عالشعر لي ســطوه ويـــد = اسبح وسط بـــــحــــره مع تـــياره
جيبه قواقي ريحــها كـــــادي ونـــد = واطوعه بالـغـصب واشــعــل ناره
يا ناشدن عني فانا سالــــــــــم حمد = من روس قــوم ومشيــــخة و وزاره
وزران عباســــــــــي على ابا وجد = ساسي قريش اعــــزومــــها جباره
ماري بقومـــــي لي في الهيجا سند = ميخيب منهم بايـمـنه ويــــســـاره
وختامها صــــلوا على الهادي حمد = لي خصه الله في الرســـل واختاره