قهوة الصباح من حوفة ( معشوقتي جميلة الجميلات ).
رحلات الصيد المحفوفة بالفرح قد تنتهي بمصرع وعل ( المكابر ) وتتوج بمدخل ( زامل ) في القرية ..من العادات التي من وجهة نظري الخاصة يجب أن تحد أو تنظم .. الوعول تنقرض من بلادنا من الصيد الجائر .
بالحضرمي :
قال صالح أحمد المرو بانقيطة بلحمر :
على مولى القرون الحانية يا ونت الخاطر = صبح مزقول ع جنبه وهو اسمه جليل اقرون
دموعي سبلت يا بن عمر ع ذي به النافر = وهو مايستخي لا يا حمد للكنش والمرشون .
غرور اﻻدمي خﻻه بايده يكسر الجابر
ﻻن العدل غيب مالتحق في داخل القانون
قال أحمد عمر قرزيز بابلغيث :
توافيه المنيه والسبب من عمره القاصر = وكل مكتوب ومقدر يصيب المربعي ويكون
ومن طبع الغصيني ماعطيك الظهر ويكابر= يتمي قيم وان صبته بمخباطك يطق معكون
ولكن لاخطيته وانطلق بايصبح العاكر = مغطي بينكم ولعاد تلحق منهو المسهون
قال سالم البدوي بلحمر :
يحز في النفس ضربه بالعمد لوهو خطى عابر =وأما لا وقف ماهي شطاره ينزقل ويهون
مصيبه لانقرض من أرضنا واصبح من النادر= تجد مثله يمر فوق الحيود النايفه ودجون.
( بلحمر البدوي ) .

قهوة الصباح من الدمام
منذ ارتشاف قطرات السعادة من نهر الحب الجاري إلى اليوم لازلت اعتبره زمنا قياسيا .
مضى وقتي وأنا في خير ومسره = وحبي الأولي كل يوم يتجدد
رحيقه ارشفه من برعم الزهره = ليبقى القلب حي لاينقبض ويموت.
......
وقطرات السعادة بلسم الحسره = دواء أوهام وكوابيس تتردد
على مر الزمن تتغير العشره = ولحظات الفرح ماتمر سدى وتفوت .

جلسة مع الويتس أب في مجموعة الأحبة .
يخيل لي أكثر من مرة أن المشارك في المجموعة مني وأنا منه على اعتبارات احس بأنها :
مثلما عندي عندك ويعلم الباري من عليائه بذلك .
قلت البارحة :
السوق سوقي وأنا المسؤول يا الصاحب = وإن حد سألني عن الأسواق وتخبر
عندي جوابه وبالأسلوب اقناعه =أما البضاعة لها عن بن مخاشن سوق .
.....
باقول كلمة ولكن سدي الكاتب = يكتب كلامي وع الجاويد يتأمر
والناس بالناس والمخلوق إبداعه =يفرضه بالعقل والباقي لنا ملحوق .
......
ضحيت لجلك وأنت دوب لي ناشب =في الحلق .خائف من اليدات تتكسر
لاجيت بنصجك ترميني في القاعه = وتروح وتقول من سالم انا مخنوق .

جلسة مع من من من ؟!..نسيت حتى اشعار أخر !.
لإلهامي إشارات تترجم من ابتسامة ونظرة عين .
قلت قديما : ( بين النخلة والنخلة مسافة لايقيسها إلا أنا ) .
وقلت الآن :
يانزهة العشق في عين المكحل سلام = سلام من قلب تحييه ابتسامه بذوق
نظرة من العين تكفي مايهم الكلام = كلام للعين يطفي نار حرقه وشوق .

رد
 

جزاكم الله كل خييييييييييييييييييير