تصبحون على خير وجمعه مباركه على الجميع |
فصل جديد
من خبار العرب ذا الوقت يا ما بحالي = لنطفاء كير في الأوطان شعلوا مئة كير نعرف المخشني والسبع من قوم مالي = والوزيري صحابه ضيعوا زانة البير |
اقتباس:
سيب لي في الشـّــكل وسيوب إلـ عمّي وخالي ما خدعنا بشتنه خلف جوبه ولا زير في رحاب إنبـِـطِـح ... بالقبوله لا تبالي ما نحا ألاّ في القبله سلبنا كزامير |
اقتباس:
يالذي هو يخابر هت جواب السؤالي=وين لي كسرّوا دار المساكين تكسير ماتشوف العرب مابين واطي وعالي=لاتلوم الذي هم طالبون بتحرير الوطن يارفيقي من عبوس الليالي=فرض واجب علينا نشطر الحيد تشطير والذي قد وصلنا من خبيث الفعالي=وانت عادك تباء تصدر ثلاثين تقرير |
اقتباس:
يالخشيني تري النجدي يروم الشمالي=وانت عادك مطوّل في الشرح والمزامير زفوا الوعل ذي عامد بروس الجبالي=خمستعشر نفر شف كلبوهم مصاقير ماكفاهم عصير التوت والبرتقالي=قلدوا الباب والقوا عالزوافر مسامير |
اقتباس:
عارف المسأله يا خوك كل شي ببالي ما نبا الشـّـرح وإبغى حرق كل الشـّـعـاطير بعضهم خير من قربه وزغ أو سحالي في الخفاء عا يدبّر لك صنوف التدابير |
اقتباس:
سُلبتك جزم يا محمد تهاب الخيالي = وأهل شتنه تراهم دمروا أم جنزير وإنت معروف خلف الثور تعمل بمالي = مثل كندي الخشب منته هلالي كما الزير |
اقتباس:
إيش لك في الإجابه وإنت أنسان صالي = والإيجابه لدى ذئ يزن لأهل التدابير وأنت يالسبع لا تتبع كلام الملالي = من تبعهم ترى ما شاف نعمه ولاخير |
يا الله اطلبك يامولا الكرم ولجلالي = يسر الامر ياميسر جمع التعاسير وصلح الشمل بين اجنوبنا والشمالي = لايقع قال ذا مره وذا سالم الزير كلها الناس تتكتل وياضيق حالي = يوم شوف الخوه عابعضهم بلجنازير |
اقتباس:
بو حسن صاحبي مرتاح والقلب سالي=بس ساعات يقلب ما يجي عا التعابير واكثر الوقت يرطن لي بككع وكالي= عينة اهل السواحل جامعين القشاطير واكثر الوقت ف المخزن بجنب الطبالي=عاتجارته هو واهل الذهب والدنانير مامعه ف السياسه غير كثر الجدالي=قام يحسب فوايدها سوى والمخاسير والسياسه تياسه ضغطها ضغط عالي=والملك ذا حسبها مثل صيد العصافير |
الساعة الآن 06:03 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir