|
اقتباس:
هذي نصيحه عامه يالمخشني أنشيتها = ما قصدي الأخوه عساهم سالمين وغانمين الصقر له عندي معزه من زمن منسيتها = اما الملك ومعزته متوسده موقع مكين ومعزتك يا صاحبي قد لي زمن عليتها = فوق الثرياء واعتبرك اليوم سيد العارفين |
سلام
دعت علي العاليه الصفراء وانا لبيتها=ياأم اليتاماء ياكنان الراس يالعقد الثمين لومابغتنا ارضنا ماقلت انا مابغيتها=مهما جرى مهما حصل العرق في بطنش دفين كل ماملكته لجلها وبكل مامعي افديتها=شهدوا علي ياناس وباتشهد يساري واليمين ماهمنا الغربه ولا همي طرق عديتها=الجود والمعروف باقي والشرف حبله متين |
اقتباس:
يا سبعنا هي منبع التاريخ يُذكر صيتها = حارسها الرحمن يا صاحبي عا مر السنين خانه خليه داخل الديوان إنته مليتها = يا مرحبا بك بيننا مليون بل شفها ثنين |
اقتباس:
مشكور ياملك اليمن لجل الشرف حبيتها=مشكور عالترحيب وتأنيس يالعقل الفطين نحن خوه وعيال عم ليلة سمر قضيتها=تحيا بها الارواح وقلوب السلاء والعاشقين |
(( فصل جديد ))
دار بصعر يا صحابي تشتكي شوها عليله = وينهم أهل التُقى يا ناس والرؤياء السديده وين ربع إكلب هو والزير لي ردوا الجليله = أو كما هجرس سكن في قصر ما يمُلك قلِيده |
اقتباس:
السبب منها وفيها سايرت حرمه دويله=سايرت ذيك الشيوعيه ونقاض العقيده لي يباء الاصلاح يتعاقد مع روس القبيله=لايقع فردي لحاله يحتكر كل مايريده |
اقتباس:
اهل الدار خلو دينهم وتبعو بانبيله = شرو شجرة الشيطان وامسو بعقولٍ بليده ياملك بشر ان كان شي اخبارٍ قليله = تشرح الخاطر و نفتح بها صفحه جديده |
اقتباس:
يالمِلك لي تركوها في البلاء كم من قبيله = سكنوا صبيان فيها عقولهم يا ذئ يزن دائم بليده الحمومي شف مع سيبان يا ذئ يزن رضيوا بالغليله = سلموها للدلل لقفوا بها يا صاحبي وادي عبيده |
جُمعه مُباركه عالجميع . |
سلام
الله يبارك في ايامك جمعه مباركه علينا وعليكم وجميع المسلمين
|
لي كلوها خمستعشر حصلوا بقعه سهيله=شربو الصافي وخلو بو محاجم عالحديده ريته الا عالسواحل مادخل وسط الغليله=الغليله من دخلها ولا مامعه مسكه تبيده |
اقتباس:
عبيد حم كذاب لتصدقه هو مولى الدغيله = با عنا يالسبع من أجل الدلاه باليُمن ذيك العديده في زمانه بن منصر صاحبك هو لي خليلُه = وإنت تفهم بلإشاره لي نقوله يا صديقي ما نعيده |
اقتباس:
عادنا باقول كلمه ريت شي باليد حيله=بيعة القمراه وقعت وشلها كلين بيده ماستفدنا من عبيد الا المهونه والفشيله=ريٌض الفقعه وخل الزرف في داخل بريده ماتجي غير المصايب من وراء النفس الرذيله=لا يقع اويقعلك ياسعُيد شل سعيده |
اقتباس:
عادها أشياء خفيه جم خفوها خلف خيله = حِققُه قولوا لبو جمعان لي كلْ الف عيده حِققُه ووزن بميزان الذهب جسمه وذيله = إيش من هِر يا صديقي لي قمر زائد وزيده |
اقتباس:
( تم الإقتباس من أجل تعديل كلمة الدلاله ) |
اقتباس:
هههههههههههههههههههههههههههههههههههههههههههههه ضــــــــــــــحـــــــــــــــــــــــكتنا |
اقتباس:
نسال الله أن نكون جميعاً من المُستبشرين الضاحكين يوم الحساب . بس إيش لي ضحكك يا بو جمعان في كلامي أكيد شي ما أعرفه أنا . |
سلام
اقتباس:
ضحكت من كلمة حققه |
شاعرنا الرائع ملك اليمن حفظك الله لدي ابيات للرد ولكني لست ادري هل يجب ان ارد ببيتين فقط ام انني استطيع الرد باكثر من ذلك؟؟. .يعني عشره ابيات او اكثر:).. مستنيه ردك يامليكنا:) |
اقتباس:
الأخت الفاضله الكريمه / الماسه ( النادِره الثمينه ) ..... حفظك الله ردي الرد البليغ الوافي الذي يبلغ الهدف . وينير كالنجف ولا يُهم العدد زاد أونقص . تقبلي جُل تقديري وإحترامي وخالص تحياتي . |
اقتباس:
وش فيها حُققُه غير ماهي صرفعة فياجين معشرة شبام !؟ . نورنا الله ينور عليك يا بو جمعان والمثل يقول : - ( أهل مكه أعرف بشعابها ) وأهل شبام يقولون :- ( إذا معرفت فتح ثمك ) يعني أسأل . |
اقتباس:
الفضول قتل عزوز |
هِركم مسكين يا صاحبي لكن البلاء منها الحليّله = لي كلت لحم السقل بنت الدلل لي هي تليده وإنت فاهمنا ونا فاهِمك شف لي بيننا كيله بكيله = إيش من دعوى بكم كُلين قد سلم قليدُه |
اقتباس:
ملايين الشكر على الرد الضافي الذي يدل على رحابة الصدر وسعة الافق..واتمنى من الجميع ان يتحلوا بنفس صفاتك الكريمه.. وارجو ان لااثقل عليكم بابياتي المتواضعه..واؤكد ان هذه الأبيات ليست موجهه الى شخص ((ملك اليمن))او اي شخص..واللي على راسه بطحه:)
كلّ واحد كذّب الثاني وكلّن يدّعي له=والكباد اتحرّقت من جور دلالين فيده ياعرب وين الأمانه والديانه والفضيله=كلها كلمات صارت للشّعار وللمكيده لاتسل حزبي ولا عرّاب يقنص للوعيله=إستمع للحر لي هو دايماً يشكي وجيده مامعه ظهر وسند من قَبْيَله والله وكيله=كم جُرع يتجرّع المغبون في عهد الرشيده ((والخمستعشر)) في التقرير نهبت للمكيله=خسّرت ميزان وتخرّب اساس(ن) ماتريده قالوا: احكوا ثرثروا واتجمعوا بميدان خيله=وانسوا التقرير خلونا نعيد اللي نعيده نطحن الماء لما نتعبكم ونشبعكم حليله=نقتل اللي يعترض من اجل عصبة ((بن عبيده)) نتهمكم بالخيانه والصناعات العميله=ثم نترككم تعانوا امراض باجسام (ن) هميده يكفي منّك ذا التجاهل لامتى انت تحيله=للزمن وترحّل آماله من الخطه الجديده حق للمظلوم يتظاهر على من هو يغيله=حتى لو جاوز في المطلب وهو خالي بايده لاسلاح الا هتافه وانت تضرب ((بالمسيله))!!!=عار والله عار ان البطش ضده تستزيده حل اي مشكل قبل ماتولع النار الشعيله=واطعم الجايع وإكسي للعرايا والشريده ((والوثايق))كون طبّقها ولاتاتي بحيله=في التفافك تعريه والعسف باتشرب صديده وانت يالعاقل سِمَعْ شور الحِكَم وانصت لقيله=لاتغطي الشمس بالغربال صُنعُه من حديده ذي نصيحه لاتثرثر هيبتك تبقى قليله=للعمل بادر وصحح في مسارات(ن) عديده راجع احساباتك اللي كنت تحسبها جليله=قبل لاتندم على مافات في ساعه شديده إن ظلمتوا اليوم مابايطول هذا الليل ليله=فجر لابد مايشعشع عا /////////////////////////نا نشيده لاتهدد شعب جايع بالحروب اللي تجي له=الحياه والموت تتساوى اذا انت تبيده |
اقتباس:
حافظ عليك ياهرنا المسكبن من شر بالثعيله=ظلموك يالماثوم والقوا لك صور وسط الجريده حيتك عمد في الغار والا بانشلك الى صليله=وهناك بيقع لك خرف ياخيل بالخرفه النضيده يارجال نحن الا نتسلاء والخواطر صافيه ولا بيننا الا كل خير الحمد لله الدنيا بخير مادام فيها ناس طيبين مثلك لا عليك هت ماعند القلوب صافيه والسمر زين بين الحبايب لا توخذ في خاطرك شي ولا باخذ في خاطري شي عليك نحن اخوان ونتعارف |
اقتباس:
ما بينها التسعين والأربع إمورٍ جم جليّله = وبعدها الزيدي أخذ بالقيس وأروى يالعميده والماس والمرجان له لي في البلد والخنشليله = يالشافعيه خوفنا عا أهل السنن وأهل العقيده هذا جوابي مُختصر ما با رمي رميه ثقيله = والتسع تعشر قد مضت أما سنه هذي جديده |
اقتباس:
هذا من لطف وحسن خُلقك وأخلاقك يا بو جمعان تسلم وتبقى دائماً عزيز وغالي . بس برضه دققه صُبح ومساء لاتكون من الذين شملتهم دعوة الجيلاني !! تقبل جُل تقديري وإحترامي لشخصك العزيز . |
اقتباس:
حيو الملك حيوه لي جانا واعطانا دليله=أقوال منها نفهم المستور ورموزه المفيده بلقيس حره وامنا أروى ابد ماهي ذليله=ولاأمه للزيدي او للشافعي.. بل سيد سيده والماس والمرجان ضاعت في الخزاين والرذيله=والناس تشكي ربها ..عساه يرحمهم عبيده لا لاتخاف اليوم عا اهل السنن واهل المسيله=الدين قرّب بين لخوه والمجاميع البعيده واما المذاهب واختلاف الراي مايفسد لجيله=يفسد بها الاخلاق لما تبتعد من ذي العقيده واما التستعشر عليه ان ينتقص او هو يطيله=لابد مايرجع لرب العرش لو كانت مديده اما جنان الخلد يشرب عذب منها سلسبيله=وتكون فيها المستقر يحيا حياته إلسعيده واما جهنم تشتعل بالنار له ياويل ويله=يندم ولاينفع ندم في ذنب ما يقدر يحيده |
اقتباس:
( تم الإقتباس لتعديل كلمة - لطفك - ) |
اقتباس:
ماكلمة دققه ذي اول مره اسمعها غير مانقلب السحر عالساحر اظاهر ان الدعوه وصلتك هههههههههههه بايجيك الخير يابوالنوب |
ذا فصل والثاني أبو جمعان قالقني قلق = ممعاه سده ما كنه ويقول با نجار با سوي غلق ساكن شبام العاليه وما حفظ حتى الفلق = أما أنا يا صاحبي عالم ومتعلم مغيبها العلق |
اقتباس:
يلبس حرير الهند بوجمعان مايلبس خلق=ولا قد دعته العاليه حمل حموله وانطلق قابض براس الفيل مايقيض بخشفات الحلق=ياكم وكم من هيج قد برٌك ومن خوفه صلق |
اقتباس:
بعطيك صا بونه غْسِلهُ النيّل خل جسمك يلِِق = معروف لبُسك طان يا صاحبي خل كُثر الزلق الفيل رمزه إبره وإنت لق رمزك سلِق = والهيج لي توصفه قد نهشله شف كلب السلق السِلق الأولى التي في صدر البيت الثاني : - جمع سلقه ( وهي فرش من خوص النخل ) . السلق الثانيه التي في عجز البيت الثاني : - نوع من الكلاب ( تستخدم في رحلات الصيد البري ) . |
با ين إن الفصل ضيق . بودي حد يطرح فصل جديد |
اقتباس:
إلى أبو حســـــــــن
والله لك وحشه كبيره قل لخلي بو حسن=أمسى غريب الدار ( ف ) أوربّا عسى عود(ن) حميد وتْعود ( ف ) أحسن حال لا عند الحبايب والوطن=وعادها سمرات توقع عندكم جمعه وعيد وذكْر بعده عافيه يا الأجودي لا تنشطن=مأجور أبو هيثم ألا يا جيد قد خلّفه جيد يا ريتنا نقدر نزورك لنْت في داخل عدن=لكنّها برلين با تعجز محمد بن سعيد يا عم صالح با يطيل الله عمرك بس ذهن=عزريل أظنه قد كتب إسمك على لسته وقيد بطّل في المسيار ذي ملقيه في وادي تبن=إقنت ويا شيبوب بطّل في هوى خرّد وغيد محمد بن سعيــد بن مخــاشــن |
اقتباس:
إيش لي حصلّه صاحبك يالمخشني هرجك ترى لي مفتْطن = هل هو تجنن أو مرض أو جاءه بندق من بعيد جب لي خبر مظبوط يا بن عمرو شف قلبي حتن = عا صقرنا المشهور في الوديان لي با سه شديد |
اقتباس:
الصقر ما به شي سواها العافيه يا بو حسن=وإفـــْرحت لمّا عرفت إن صالح مِغِط جفنة عصيد شف خوك ملقي له كذا مسيار حتى في بَرَن=لا يظن شي يخفى إذا تظاهر بأنه في الصعيد بَـرَن = عاصمة سويســـــرا. محمد بن سعيــد بن مخــاشــن |
اقتباس:
من بعد ما أزعجتنا طمنتنا يالمخشني بالقول والفال الحسن = يستاهل الجفنه أبو هيثم وأنته أيش قسمك يالعنيد لتقول ما لك قسم لك محراكها يالمخشني خل الفتن = والصقر عاده شاب أما انت شيبه يا محمد بن سعيد |
اقتباس:
( تم الإقتباس لتعديل بسيط ) هذا ردي يالمخشني وخائف عليك شفنا جم من رده صقر الوديان . |
سلام
ياملك عز نفسك ولا تنسى ان بوصالح قبيلي متزن=بيغير عاملكك وباتمسي ضحية غزو خالد بن وليد شوفك ومحسي بك تزر الحبل وتعيق المعايل والزون=شف ذي رقابه ملتلته ترسل بصندوق البريد |
| الساعة الآن 02:52 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir