المشاركة الأصلية كتبت بواسطة خالد سالم بن مهناء المري واصل سلامك لي يصم الراس صم=يالشاجع المقدام ياصقر الصقور بحفيك ياالغازي الى اما تقول تم=باالكنش لي تدقعه زينات الجرور

كل من حفى الغازي حمد يسقيه سم = أنك تبى بالكاس والا بالغرور
الكنش والباروت لي أروع علم = وحطيت انا ساسي ومكنت الجسور
كل من مشى من فوق دربه بيسلم = وصاحبي قاطع أشارات المرور
لنته تبى تطلع لارؤس القمم = مسكين ماتلتام ماخذك الغرور

اطلعت واتعليت والمقصود تم=وادحق بعرقوبي على حنشان عور
وانته تجي واتروح ياراعي الغنم=والتاليه قسمك وقع فقره وكور
اغفر مقاتيلك سلم والله سلم=خمسين لي دفنوا وقدهم في القبور
لاقلت دوري انت ماقالت نعم=واحناء الا قلنا لها دوري تدور

كمين من قبلك تحطم وانهزم = للك قبر شه محفور مابين القبور
ابغاك عبره شوفني بين الامم = ماهمني لوجبت بن هام الطيور
ياصاخبي لوكان شي نخوه ودم = اعبر معي من حيث ممنوع العبور
الشادليه لي تصم الراس صم = دور حطب عالنار لاتباها تفور

ابليس بانقسمه لي هو ماانقسم=هاجس معي باروت لذعرته يثور
عامد وسط وادي وفيه ارجال جم=قلعه حصينه قال بو سالم وسور
بعطيك كلمه باتزم الراس زم=كلمه وتبقى دوب عند اذنك تحور
الموج لاتقابله لاشفته لطم=والي يجيد الطعن يطعن في النحور

مابا الحطب مشكور يادار الكرم=باكز في راسك وقل ياخير شور
نابن مهناء نار في راس العلم=نتصدّر المجلس وسيعين الصدور

مادام يجريلي في الحلق النسم = باعلمك وشلون تنطيل الخشور
عادك طري عظمك مبعد أنقسم = باحطلك شفني على جنبك كسور
لنته من القبله ولا صوط القثم = ترقص على المزمار زي رقص الحجور
تمشي كمى العميان في الليل الظلم = الناس تطلع وانت عادك في ندور
لي ضاري المضبي يمل اكل الكزم = تمر الصفاري قد تركته للسعور
قصري معزز بالحشم هم والخدم = ماشي رخم توصله واصغار الطيور

المشاركة الأصلية كتبت بواسطة خالد سالم بن مهناء المري مابا الحطب مشكور يادار الكرم=باكز في راسك وقل ياخير شور نابن مهناء نار في راس العلم=نتصدّر المجلس وسيعين الصدور

كل من مدح نفسه يذم النفس ذم = ماحد شهد لك غير اهلك والصهور
مانا عمودي شيخ من دار الكرم = رح واسال التاريخ عامر الدهور
مايوم قد وطيت صوتي به نهم = لي ماوقعلي صقر تلمخه الصقور
وش جاك يالمهتوف عاوادي حمم = مابطلع منه ولاخمسه شهور

ملقي مكاسر حمر والقسم سلم = مانا مثيلك ودف دارك بالجدور
في ساعة الشدات بامص العجم = يابن مهنا وانت تعمل عالدبور
وان كان ماجربت في دنيا ندم = لاصعدت باردك مع الوادي حدور
ولتسهن وجبه سمينه بالدسم = ماشي سوى الباروت ياعبد الشكور
وان قلتي باجيب اشياء من عدم = لي جاك مني مايصل حتى عشور
مادام راسي بايشم الريح شم = لاجلست باخليك من حيثك تدور

نسمك باوقفه واقسم لك قسم=انك معد بتجيب في الدنياء عشور
ولاعاد بتجي عاالمبادي والقيم=بحرقك في نيران تلهب في كيور
انته حيا الله شيخ ملقيتك حكم=مانا قبيلي جلد في الشده صبور
ضحكو على الشيبان لي منذو القدم=باالشعوذه قالوا قرينا في الزبور