رب يسر لنا في كل شي ماتعسر=ايش هذا الزخم ياموردين المصدر

قال سبع الليالي مانباء غير الابجر=لي ترباء على الصولات صعد وحدر
بايصل في ثواني قبل يوصل معمر=للوطن بانسافر فيك يابن معمر

المشاركة الأصلية كتبت بواسطة خالد سالم بن مهنّا المري (المشاركة 329711) شخص فنان متميز كلامه مشفر=صعب تفهمه الا ان شي معك كود نمبر والمحبه وفاء واسرار قوه ومصدر=عاد قلبي معك ياضبي في الشعب لخضر تسرح الصبح والمضوى اذا الليل غدر=للو طن بانسافر فيك يابن معمر

بن مهنا صحيبي لازهمني واشر= باتجهز وعن دعوته ماباتاخر
ون صفاالجووتكدر وصفر وحمر = باتحزم ولتحزمت ماباتقهقر
كنني من جنوده لي معه فلمعسكر= للوطن بانسافر فيك يابن معمر

المشاركة الأصلية كتبت بواسطة سيف بوزيد (المشاركة 329745) شفني الا تمزح حب هذوي وهذور=وانت باتقول هذا العذر لي مايبرر ريتني مثلكم في الشعر مضبوط نشعر=للوطن بانسافر فيك يابن معمر

عذر مقبول يا صاحب ... تهروج تسمّر=طاب ممساك ما ذلحين شفني تسهور
ويصبح الصبح با نغبش لرزقي ندوّر=للوطن بانسافر فيك يا بن معمّر

الخشيني يروم اللوز ذي هو مقشر=مابغا الليف وصماد الحور والحورور
ريته الا سمع شوري ولكنه اقشر=للوطن بانسافر فيك يابن معمر

المشاركة الأصلية كتبت بواسطة عيون المكلا (المشاركة 329748) رب يسر لنا في كل شي ماتعسر=ايش هذا الزخم ياموردين المصدر

لجل خلي صلبت الراس والقيت منكر=خفت لا حد ينافسنا على زين احور
لكن الوقت عاكسنا وحلمي تبخر=للوطن بانسافر فيك يابن معمر

المشاركة الأصلية كتبت بواسطة سيف بوزيد (المشاركة 329736) ماشاء الله عليك انت استاذ تعجبني بصراحتك بس يقولون غلطة الشاطر بعشر اليس كذلك ؟ المري شاعر فحل ويعترف بشعره الجميع ونبصم له بالعشرين ولافيه شي بس انا ابغي اشوف حد ينكرها اولا بطريقة شعر ومزاح واخويه وليس نقد او تشهير فنحن لن نصنع عشر مايصنع هذا الرجل له التبجيل والشكر والتقدير والمعزه والأحترام وارجو ان لايتأثر مني 00الموضوع اخوي وجس ذكاء للشعار وماشاء الله عليك فهمتها وهذا من حنكتك الشعريه تحياتي لك وللمري وكل الشعراء

المشاركة الأصلية كتبت بواسطة سبع الليل (المشاركة 329764) لجل خلي صلبت الراس والقيت منكر=خفت لا حد ينافسنا على زين احور لكن الوقت عاكسنا وحلمي تبخر=للوطن بانسافر فيك يابن معمر

المشاركة الأصلية كتبت بواسطة خالد سالم بن مهنّا المري (المشاركة 329766) سبع الليل..دربك خضر اثرك..في العشق..كلامك زين..وفي الزامل الله يقول الحق..

من خريف السقاطر ما بقا غير مثمر=والمثامر لغيري مهي للهام لبتر
قسمي الا الورك والروف وان كان منحر=وانشدو اهل خيله والذي تحت عجزر
للوطن با نسافر فيك يابن معمر