|
اقتباس:
هذه القصيده ل حسن محمد باقديم حررت بتاريخ 31/10/2012م مهداه لنادي الاتحاد ( الــــعــــمــــــيـــــد ) ( بعنوان )
خسارتنا مكاسب امر عادي=تزيد ابطالنا عزماً وعضدا وتعليق المعلق شل رقادي=وشد القلب والاعصاب شدا خساره فاذحه والقهر بادي=ولا يمكن يكون السيد عبدا وجف حبري وغلقته مدادي = غدت حالتي عاالتلفاز نكدا شراره حارقه وقت العنادي=نرد الخصم للخسران ردا نصبح نار من يجهل رمادي=سلاماً ( جمرة القلعه ) وبردا bism2
مشجع انتمائي اتحادي=لي الحق افتخر به واتحدى عميد النصر حبه في فؤادي=انا مرهون له قلباً وجسدا ومن ذمه كأانه شل زادي=وشل كل مامعي ذبراً ونقدا نمور النصر وعميد النوادي=ولاله في النوادي قط ندا غرسنا الخوف بنفوس الاعادي=في الملعب وقبل الشوط يبدا لنا جمهور لانادى المنادي=جموعاً غافره تااتيه وفدا منصات المدرج باالايادي=تصفق له وباالالحان تشدا وهو باالحانها مطرب وشادي=يبادلها الفرح يداً بيدا ثقه متبادله تكتيك هادي=حساباتاً لها جزراً ومدا لنا التلفاز يزجل والروادي=لنا هيبه لنا مركز وودا لنا اهداف ذهبيه تقادي=وضرباتاً تهد الشبك هدا لنا خبره لنا كبتن قيادي=وتشكيلات ودفاعات سدا لنا ولنا وحققنا المرادي=لنا الاستاد والتاريخ سندا مراتب خالده مركز ريادي=بطوله اتحاديه ومجدا ونيل المجد له بر واجتهادي=وكاساً ( قار ) ( مر ) تعباً وكدا خسارتنا مكاسب امر عادي=تزيد ابطالنا عزماً وعضدا خساره فاذحه والقهر بادي=ولا يمكن يكون السيد عبدا وتعليق المعلق شل رقادي=وشد القلب والاعصاب شدا وجف حبري وغلقته مدادي = غدت حالتي عاالتلفاز نكدا شراره حارقه وقت العنادي=نرد الخصم للخسران ردا نصبح نار من يجهل رمادي=سلاماً ( جمرة القلعه ) وبردا |
السلام عليكم ورحمة الله وبركاته جمعه مباركه |
يشرفني ان اكون اول المشاهدين له>ه المعلقه ال>هبيه
ومن يرد على ه>ا الابداع المتدفق من عملاق الشعر وعميده المقدم حسن باقديم ولعلمك يابو الجويد انني من اشد المعجبين بابداعك المتدفق ال>ي يصم الراس ه>ا هو الشعر الى يقند الراس كلام حمران العيون انني انتظر كل ماتكتب على احر من الجمر لما يحمله من ابداع وجماليات رايعه تشد المشاهد ليقراء مرات عديده دون ملل فلك منى الف شكر وتقدير وكل عام وانته بالف خير وهردلك على الخساره فانتو قدمتو مباراه رايعه ولكن ه>ه هي الكره فيها فايز وخاسر ومعوضين انشاء الله |
اقتباس:
وعليكم السلام ورحمة الله وبركاته ذكروش في مدينة كان الفرنسيه الحمدلله عاالسلامه
ياشهد مذكور في القراّن فيه الشفاء= شروق عندش وانا عندي ردود الفياء= اسعدني مرورش واشهد ان في تماسك ابياتش نكهه تدل على موهبتش الشعريه تحياتي |
اقتباس:
حياك الله اخي حصن باجيف ماعليك زود اسعدني مرورك وثناءك وهذا دليل عليائك حصن عالي القمم وكلامك وذوقك يقند الراس فخور بمرورك تحياتي لك
ياحصن باجيف ياريته دخلك النبي= من جاك لاطال عمره كل سنه بايجي= عفواً من اي هفوه كتابيه |
وين الخليفي وين الواقعي وين سعوفي ماحد يخلي سعيفه حيث ماله سعيف مشطون لانريد الا السلام عليكم ورحمة الله وبركاته للتطمين وين الكبتن محمد نور معاد ردها في رفاده لابحالي ولا بقار تحياتي للجميع
خرج ذا فصل زاد الولف جم في القلب والخاطر= وليفي غاب والمجلس مغدر من غيابك ياقمر شعبان= يساورني القلق والشطن بين الحين والاخر= مليك الجسم عاولفه في المجلس يحن والبدر مابعد بان= ميول القلب عندي زاد جم للغايب الحاضر= سعوفي ولفهم يمسي ينازعني نزاع الريح للاغصان= علي غابوا وخلوني ضحية ولفهم ساهر= يهاجمني غزير الشوق والالفه عنيه تتعب الانسان= |
هذه سلوك الناس والدنيا ندم=لستوا بها سالي مرح وسعيدا صوب النغاله والمكايد مانسم=مجلسي خالي عشت فيه وحيدا مناظرة هجره ومنشور ارتسم=يحوكه الدعري وسوسن عيدا مفهوم لن يجدي ولا منه نجم=ولن يزيد الفاشلين رصيدا لاتفتلك ياساكن الحيد الاشم=سليت من عوش العطب تحديدا ابشر بسعدك والضماير بنك دم=للقاصره لسنا خدم وعبيدا |
اقتباس:
شبو عندي خيًر من كان وأفضل وأحلا = ما بظني عليها يا حسن أرض تُعلا
|
اقتباس:
ما شا الله تبارك الله عليك allahakbr |
اقتباس:
الف حيا عدد سكان اهل المكلا=ترحبه شامله ترحيب حيا وسهلا ياديار الكرم ماحد من الجود يخلا=والشيم والقيم والعيش والملح يغلا عهد كل شين يامولى المودات ولا=باقطف من شذاب الرازقي لاتدلا ماهو عابد زمانه من تعبد وصلا=والقمر لانكسف من فوق خلقه تجلا |
اقتباس:
عيدكم مبارك يالمقدم وعميد الشعراء وكل عام وانتم بخير غبناء عنكم ولكنكم لن تغيبوا عن بالنا ومكانكم رفيع ومكين في قلوبنا؛؛؛؛؛ |
اقتباس:
ونحنوا كذلك يعلم الله بما في القلوب غائب وحاضر في قلوبنا يشهد ارحم الراحمين وقدنا الا بانلتقي نومنا قالوا الخليفي وصل فرحنا كنا مشطونين وموسوسين خاف خاف شي صدر يامرحبا بك
فرحت بك مثل مافرح باالمطر والمزون= فرحت مدور على الدهمان بطن الدجون= لاشرف على دجن ولحق حانيين القرون= حياك الله يابوجمال رد الحياء فيينا بقدومك وبقدوم رحبة عين والجميع ياحيابكم تشابكوا الايدي عاالتراحم والحوار والاخوه وحنا تلاميذ في قطاركم نحب ونحترم الجميع تحياتي لكم
حيا بدلهي والقميشي = ذي مابدا خابت شروعه بتقول ذا جند الحبيشي=جاني منتر من فروعه |
يقول احمد باقديم
ياريت سيلة بن هلابي لا راس شتنه تنتقل = ولا حبب باينتقل لا بين عوره والرشيد= حسن باقديم
انته تباها تنتقل وانا نبا فيها نحل = لاكنني برحاب والبندر وقع قيدي حديد= حمد باقديم
حارب قيودك مثل ماصدام في حرب الدول = لو باتحارب 15 عام خل زندك شديد= حسن باقديم
لوبانحارب شفت ذيك المقبره شلت عول= وحمد وصالح والجويد عندهم بغدي قليد= حمد باقديم
ربك يحب العدل في الميزان والكفه عدل= وعمل على نيه ورب العرش يفعل مايريد= باحط قمر عاعمد والثاني على دقم الحبل= ذي ينقل الصوره من الوادي قريبه والبعيد= غاليين وعزيزين ولاكن الجويد بينام مدارس ولا بنسامركم وانا ماكهلت هذه الزرارات والبلاوي ولا خريج من تحت المدرس الشيخ عبدالله باقيس يعرفه ملك اليمن الايام طويله تصبحون عاخير |
وأنت من أهل الخير ولنا لقاء في الغد بأذنه تعالى؛؛؛؛؛
|
صبحكم الله بالخير جميعا .
|
اقتباس:
يالله صباح الخير وصباح الرضاء = يامصلح الاحوال في دنيا ودين تصلح موازعنا وتصلح امرنا = وعسى عمل صالح يقود الصالحين |
الشاعر سالم سعيد باصره يقول
لا يااليمن غلطان ذي سماش باالارض السعيده= وانتي حياتش بؤس مايرضاء بها انسي وجان= الجواب من الشاعر حسن باقديم
ربك يدير الكون ياسالم ويفعل مايريده= والصبر ولذي ماتجيبه السبع بتجيبه الثمان= نطلب من ابو الجويد اكمال ماتبقى |
هذه زامل للشاعر علي سعيد السومحي يقول فيه
باكل على فاقه وبشرب عاضماء=والنوم عاسلقه يقع ولا فراش ماهو مهم لا سرت عادرب السوى=ولحقت رقاع السقيه والقماش وان بادعي باقول للذيب العمى=لايشوف طلياني ولا يشوف الكباش وذي حكم في القاع وحكم في المساء=وجواهر الحاجات لقاها بلاش هو ينظر بعينه وهو يرعى بنا=ماشي مسيب للعقارب والحناش جواب الشاعر حسن باقديم
ماتؤكل الا العافيه مأكل وماء=تكسبه في بطنك ندم قصد المعاش والسير مامثله على دروب التقاء=ذي لاجدل فيها ولا فيها نقاش والذيب عاطريق السوارح لاعوى=مابيرد الذيب من زربه قشاش خلوه يتعشي في الكبش الحواء=ذي خمج العد الهني خس الكباش ماهو سوى وانتم تشوفونه سوى=قولولهم ذي باعوا الغالي بلاش |
هذا الزامل للشاعر حسن باقديم
ياسريع الدرك يارب برحمتك عجل=عاالمخبأ وراس الظلم يسقي ظلومه زمنت عاالنقب وعلى الصداره وجزول=والمقد في مضامي بهذله في صرومه والنوايا خبيثه والميازين ترقل = والقبيلي شحيح الحال والعبد زومه والتجينا تضرع ليك يارب تقبل = واسقنا باالمطر كل فصل تخصب نجومه |
في قديم الزمان رجل افحموه اهله باالزواج في احد المواقع وتزوج وانجب اربعه اولاد واربع بنات وعزم ان يتزوج المراّه الثانيه وجلس سنه ونصف يدور على الخال الزين وبعد سنه ونصف لقي قرية بين جبلين وخطب في بيت وتزوج وانجبت له المراّه الثانيه اربعه اولاد واربع بنات وفي يوم من الايام اتا طقم حكومي واخذوه الى قسم الشرطه فجاءو الاولاد اولاد المراّه الاولى الى البيت وسئلوا والدتهم عن والدهم فقالت اتوا الشرطه واخذوا ابوكم وهانوه ورموه في سطحت السياره فتحركوا الاولاد الاربعه الى قسم الشرطه ولتقوا بقائد المركز يسألون عن والدهم فرد عليهم القائد يمنع السؤال او سااتخذ اجراءات بايقافكم في السجن فخرجوا من المركز ورجعوا البيت ثم اتوا الى البيت الاربعه الاولاد عيال المراّه الثانيه وسئلوا امهم عن والدهم وقالت لهم مثل ماقالت الاولى وتحركوا الى الشرطه عند القائد وسئلوه عن والدهم وماالسبب فرد عليهم القائد بقساوه وعدم السؤال ان يرجعوا او يتم ايقافهم ولاكن اصروا على الاطلاع وقالوا للقائد لن ننزل ونفارق مكتبك لما نشوف والدنا وماذنبه او اوضعنا حيثه في السجن واخرج والدنا او عهد وميثاق لن تسلم مننا وفحم القائد وتحرك وانزل والدهم وسئل القائد الوالد كم عندك من الاولاد فرد عليه 8 فقال القائد قد اتوني اربعه واستعملت معهم اسلوب وخرجوا ولاكن هؤلاء الاولاد الاربعه اكحموني بااصرار وتهديد ( فقال الوالد هؤلاء الاولاد الاربعه لي سنه ونصف ندور على الخال الزين وهذه نتائج الخال الزين ) فقال الشاعر
لا باتناسب عاالنسب دور ودر = دور لذريك عانسب عاخال زين ماتشوفهم ذي عاالنسب مادوروا=ماتشوفهم باالعين راحوا لافيين يقصد الشاعر الاولاد الاربعه عيال المراّه الاولى اي بمعنى رجعوا عند امهم |
تنسب الخال ياتيك الولد =والبنت تاتي على عماتها
يشهد الله أنك زام المجلس زم ياأبوالجويد يعطيك العافيه تحياتي لك يالمقدم؛؛؛؛؛ |
اقتباس:
اوثن وعد بن خلي المجلس يقوش يابوجمال وماحصل من بداية تأسيسه فهو طشوش ابشر مايردنا الا الموت يابن الجاويد واثن وعد باشله وحودي كما ماتشوف ياالحليم ابن الحليم
( ماهمنا عوش العطب وبليس لازمر وصاح )=
اوعدناك كثير وحمول قناديل باقديم وشطون ومنغصات لاكنالوفاء جاي وعاد ابو الفاروق جارنا عبدالعزيز الجابري الا وصل امس وبايرتعش الديوان عنده برجاجيل وهو كاتب لي والجويد عنده مدارس وفيين الواقعي في شوق له وللضيوف الكرام تصبحون على خير
( فصل لاحول لا قوة شو الجابري من غبش بدر = جاني من الصبح باالبدري يدعي عليه وانا في الدار )=
وكل من جاب هفوه فيك عاجودتك باخاطر= ومن خلفك جبل منصوب = |
والله وهذا اسم عظيم حبيناك حبيناك محبه في الله غرست المحبه يابوجمال بشطاره وجداره فينا وفي غيرنا عندنا رجاجيل ثقال يفهمون قدر الثقيل حبيناك وخذ مني وقدامك اسم عظيم في الصلح الذي قامه باشراحيل وبوفضل سالم معا عباراته ركلت الحطب الخ ودخل ملك اليمن وجاب بيتين ودخلت انته وقلت لملك اليمن اترك المعلم ليس وقت هذا رمقها الجويد باحسن وغيره وانت الحليم وقال الجويد وغيره انتبهوا شو ذا بحر غزير الخليفي يفض مقاعد وتعوش به مقاعد قالوا شوفوا كيف يعمل في المداحن ويتعامل خلق تفهم الكلام وتعرف القيمه زرعتوا وحصدتوا مقام رفيع والهدف غزير وانت فاهمه ياالحليم ابن الحليم تعيش غرست الجداره وحبوك غيرنا والواقعي عهد وميثاق ياالولد ذهب في صحراء له كلام ثقيل وقصيد حكم شهدوا له غيرنا قبلنا فيه شناب تتذوق ماشي يخطيهم له لا الولايات باترحم قصيد منقح حتى لانطرح في زامل مايتعبون ذي يزملون باالقصيد الزين والمغموم يبهذل الزماله هذا من باب الذوق والنقد الغزير وله بليس مابافتح له وكثير حط هيبه ومقام عن كثير والاسم الاعظم قدمناه عندنا صدق في صدق ماشي زلبخه وخلق عانياتنا الحديث طويل وتصبحون عاخير |
اقتباس:
ذكرتني بجابر عثرات الكرام مخلوق شوفني حبه جم وأفتقدته كثير ألله يمسيه بالخير؛رجال كان يهز السقيفه هز ولكن تجري الرياح بما لا تشتهي السفن اما الواقعي ياخوي جالس في شركته هذه لأيام يمسي يحسب العدي كم دخل وكم خرج وتالي يروح في سفر لا فرنسا ولا المغرب يرتاح وبعدها يعبرعلينا للسلام هدم قافي لاغير أخيراً تصبح على خير وأنته من أهل الخير يا ابو الجويد؛؛؛؛؛ |
اقتباس:
الخال قالوا كالسلب بلجيك ولا بو فتيله = يا ويل من كانوا خواله من مقاطيب الحبال
|
الشكر موصول للشاعره شهد والجميع |
اقتباس:
بانرعض السيل المصبح ذي زحم = والرعد حن والسيل في الوادي يسيل مزنه من الغبشه على البندر ختم=حد الضمر والذبر كله والنخيل ياصاحب المجلس في المجلس نهم=وقبض على الجوده وعاالشرع الطويل المال ريسه في مكانه مانقسم=لاتقول شو الكيال في البركه يكيل |
هاجس معي مايجي في الزلات = دايم وهو قوله يجي موزون دنيا الندم ماهي على العادات = ماتفند العاقل من المجنون |
اقتباس:
اليوم ودوم . لا عدمناك يا عميد الشُعراء . |
صباح الخير وعوده إلى سقيفة الابداع والتميز
بعد غياب طويل وضروف خاصه |
اقتباس:
يامرحبابك ياالمبدع والابداع حقكم ولكم ياالخوه نحنوا اخوان ويشرفنا مرورك
مرحبابك كمل شهرك ثلاثين ليله = والتحم شعب يبعث مع مجافي حويره والمطر من كريم الوجه هو والمخيله=والمخوه تصون القافله والقطيره |
مراحب عميد الشعر والقلوب عند بعض والابداع حقك ولك
|
اقتباس:
يالله اليل يالهاجس زهم عالحليله =جيبها من شرف شمسان وحيود صيره لجل من له محل في المجتمع والقبيله=بن محمد حسن سيرته ياخير سيره |
اقتباس:
عداك العيب يالمشجري شاعر فحل والنعم بك وبالمشاجر كلها أخوك الخليفي؛؛؛؛؛ |
اقتباس:
ياحمد لي شهر منك ومده طويله=من معانيك يامولى الفكر والبصيره والمخوه في الميزان كفه ثقيله=ورث شيبان وتفك الحوال العسيره فخري الا بكم يااهل الغروس الاصيله=والدرك والمعاني والهجوس الجديره من مقد حول لا يبعث فروعي جزيله=سنح وكنان ومغاره وهمه كبيره قلت للخصم والتاجر ونفط المسيله=راس مالي وكنزي في الخوه والعشيره ذا ضماري وكنزي واعترافك فضيله=وان تنكرت ماتحجب شموس الهجيره زحي منقول لا راحت علي غنطليله=صبحوني كما الجند الحبيشي هبيره من يقول البقش غايه وهي لاوسيله=من طمسه الهوى فيها تخمج غديره |
اقتباس:
وانت مثله عداك العيب مافيك حيله=ماتعكر معاييني حصاة الطميره من عداكم عدى عيني بسبر الفتيله=ذا ضميري وشف كلين يعرف ضميره الطميره ... الانسان الابله المخبل |
انستنا وارحبت قل للمشجري = رحب من الخاطر وطيب النيه لاطابت النيات ماشي يعتكي = في كل شده باتقع فكيه |
يامن خزينك ملانه باالعطايا تجود=غثنا من الخير والرحمات في كل حين عبدك قرع باب فضلك ياالرحيم الودود=رافع يدين الطلب يامكرم الطالبين نطلبك غبشه ومغرب والخلائق رقود=وساعة يقول النداء ياارحم الرحمين نقول يارب رحمنا واعطنا في الجسود=صحه وتقوى ومضغه طيبه ماتخين تصلح عمال المحدر مننا والصعود=وبها يتم الحصاد الزين دنيا ودين زين العمل ذي يورد عاالقوافل ورود=عاحوض مولى الشفاعه سيد المرسلين ذي حن له الجذع والكفره رمدهم رمود=ولعاد خلى لهم مصباه ترشن رشين ياباسط الريش والجنحه فردها فرود=بعطيك مكتوب للحد المنيع الزبين صبح بضه حيث ماسوس وحل بوعمود=بوعبدرحمن ذي جوده ملا كل صين شرق وغرب على الوديان وعلى الريود=وعلى اليمن كلها من حيس لما العنين ان خبت الناس عالف الذهب والنقود=ولا على الؤل ذي له قيم غالي ثمين مايعتبر كنز كنز الادمي والفيود=معاملة طيبه واخلاق عليا ودين ذي باتصون القوافل في الوطى والسنود=من اّخر ازمان ذي فيه الدواسر دحين ان جيت بتسوق حنبه وان خطمته تقود=حنبه كما مثلها بتصيح ياغافلين محد تسمع صياحك والخلايق شدود=من جول لا جول صبحوا شدود ومحملين رجعت يارجل شلي في الزمان النكود=ذي صادم الناس صبحوا فيه متناشبين كلين عاصب قشوشه والسقاء باالزنود=يايروح العصر ياسرح معا السارحين من حيث ماتشط بعينك ماتحصل برود=ولاتحصل نسم خاطر ورحمه ولين عدى زمان التراحم وانقضت له عقود=وسنين فيها السلا ياخيرها من سنين فيها السليين لقوا نقش في كل عود=والصفوا راضي على اهله وهم راضيين واليوم وين الرضاء في وقتنا والهجود=ولا السكون التحق ونبيت امسكنين عسى برحمه من العين الرحيمه وجود=يصلح بها الشان والنيات معنا تزين زين العمل ذي يحادي عاالودود الولود=ذي انجبت كم وكم من جيد عاقل رزين ذي يحسب القارعه والمسأله في اللحود=وفي غواط الحفر من تحت تربه وطين
لا الولايات باترحم ولا الروس يرحم= والفرنسي من السابق علومه رديه= |
صبحكم الله باالخير |
اقتباس:
|
| الساعة الآن 02:49 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir