ليلة النور نارت في السقيفه علينا = بانقدم تهانينا لأبنا عمامي

وان بيكيتوا كماكم شوفوا نحنا بكينا = عينت اثنين خلقوا ياصحابي توامي

المخشني والسبع هو والذيب = وطالب معا خالد سعيفه

والشيخ لي هو يحكم الترتيب = يسقيك من صافي كريفه

والجيد بو زايد نعده نسيب = مثل المقدم با كتيفه

وقناصنا هو للهدف بيصيب = لو كان عاروس المنيفه

والطيف نا باقوله مرحيب = يكفيك يالطامع بطيفه

عاده مجمل لي ملانا طيب = بلغيه عنوان الصحيفه

وعلي ولد حامد دعه بحبيب = لنه من الأسره الشريفه

قولوا لبو شاكر ظهر لتغيب = ياصاحب النفس اللطيفه

وعيون هي عن اختها بتنيب = لا غابت الماسه النظيفه

وان حد نسيت اسمه خره بنجيب = ابيات فيها بانضيفه

وشبابكم والله هم والشيب = ما مثلكم وسط السقيفه

يالف ياحيا باعز حبيب =ياصاحب النفس العفيفه
كله كلامك مكتسي تهذيب =مايصدر الا من عريفه

المشاركة الأصلية كتبت بواسطة سبع الليل (المشاركة 326100) يالف ياحيا باعز حبيب =ياصاحب النفس العفيفه كله كلامك مكتسي تهذيب =مايصدر الا من عريفه

وانته وزير اوقافنا وخطيب = يالسبع ياولد الخليفه

تستاهل التشريف والتنصيب = مثل الرئاسه لك وظيفه

المشاركة الأصلية كتبت بواسطة الطامع (المشاركة 325974) اسمحوا لي بهذ الفصل كهدية للجميع المخشني والسبع هو والذيب = وطالب معا خالد سعيفه والشيخ لي هو يحكم الترتيب = يسقيك من صافي كريفه والجيد بو زايد نعده نسيب = مثل المقدم با كتيفه وقناصنا هو للهدف بيصيب = لو كان عاروس المنيفه والطيف نا باقوله مرحيب = يكفيك يالطامع بطيفه عاده مجمل لي ملانا طيب = بلغيه عنوان الصحيفه وعلي ولد حامد دعه بحبيب = لنه من الأسره الشريفه قولوا لبو شاكر ظهر لتغيب = ياصاحب النفس اللطيفه وعيون هي عن اختها بتنيب = لا غابت الماسه النظيفه وان حد نسيت اسمه خره بنجيب = ابيات فيها بانضيفه وشبابكم والله هم والشيب = ما مثلكم وسط السقيفه

مشكور يا الطامع أبد ما تعيب=شاعر يسر سمعك هذيفه
يا بحر زاخر جيب كل ما تجيب=بحر العرب إنته و سيفِه
شعّار جم أبغى لهم ملهيب=إيجوك طيفه بعد طيفه
واحد تسمى فاطمه شرعيب=وواحد دعا نفسه عفيفه
ببعد قدا الملديف وِسْرَنديب=ولا نكالفهم كليفه

المشاركة الأصلية كتبت بواسطة المخشني (المشاركة 326121) مشكور يا الطامع أبد ما تعيب=شاعر يسر سمعك هذيفه يا بحر زاخر جيب كل ما تجيب=بحر العرب إنته و سيفِه شعّار جم أبغى لهم ملهيب=إيجوك طيفه بعد طيفه واحد تسمى فاطمه شرعيب=وواحد دعا نفسه عفيفه ببعد قدا الملديف وِسْرَنديب=ولا نكالفهم كليفه محمد بن سعيــد بن مخــاشــن

الظن هو فيكم ابد ميخيب = يامن سبق غيثه قنيفه

قولك بغيه لي طعمته صبيب = وقت الشتا ينفع وصيفه

باشوف قدامي شرر ولهيب= وكهور في الرمله شهيفه
بترول في صحراء يباء تنقيب=بتجيبه اليد الخفيفه
بيجيبها سالم ولد باذيب=هو صاحب السمعه الشريفه

المشاركة الأصلية كتبت بواسطة الطامع (المشاركة 325974) اسمحوا لي بهذ الفصل كهدية للجميع المخشني والسبع هو والذيب = وطالب معا خالد سعيفه والشيخ لي هو يحكم الترتيب = يسقيك من صافي كريفه والجيد بو زايد نعده نسيب = مثل المقدم با كتيفه وقناصنا هو للهدف بيصيب = لو كان عاروس المنيفه والطيف نا باقوله مرحيب = يكفيك يالطامع بطيفه عاده مجمل لي ملانا طيب = بلغيه عنوان الصحيفه وعلي ولد حامد دعه بحبيب = لنه من الأسره الشريفه قولوا لبو شاكر ظهر لتغيب = ياصاحب النفس اللطيفه وعيون هي عن اختها بتنيب = لا غابت الماسه النظيفه وان حد نسيت اسمه خره بنجيب = ابيات فيها بانضيفه وشبابكم والله هم والشيب = ما مثلكم وسط السقيفه

اورانيوم يحتاج له تخصيب=وإصابته ماهي طفيفه
ابيات زينه مرتبه ترتيب=تفرح بها النفس العفيفه