|
ديوان الشاعر حيدره محسن بن قطمان..((هديه من سقيفة الشبامي)).
اخواني واخواتي الاعزاء.
اقدم بين ايديكم مجموعة قصائد تميزت بااستقلالية اسلوبها وصدق مشاعرها التي تعانق مشاعر القراء وقوة حضورها الطاغي .. وتلك الاحرف ماهي الا عاكس للشخصية كاتبها الشاعر الخلوق الاخ /حيدره بن قطمان.. تقبلوا مني خالص تمنياتي للجميع بالتوفيق والنجاح.. ويعطيكم العافيه اخوكم/خالد بن مهنا |
عندما عبر عن احساسي كلام=وارتجف والدمع من عيني يسيل عندها جاوزت مشوار الغرام=وانكسر طوق الحياة المستحيل ياتمام الحسن يابدر التمام=يامثيل البدر مالك حد مثيل ياعطوف النفس ساعات الخصام=مستحيل انساك هذا مستحيل صرت مهتم فيك فوق الاهتمام=موت واحيا فيك واحسبني قتيل اذكرك بالليل والعالم نيام=عصر مغرب صبح ساعات المقيل الهيام انواع ياساس الهيام=من تهيم فيك مايعشق قليل يعشقك يهواك دايم بالدوام=والبدل مابا يبدل بك بديل والمحبة قوت والود انسجام=واللقاء مطلوب شف صبري طويل للشاعر:حيدره بن قطمان |
انا معذب في هواء بدوية=متحضرة في الخيمة البرية تسرح ولاتحسب حساب الدنيا=ولاتشوف الحالة الجوية احيان تمرح في خلاها الخالي=واحيان في زحمة مع اللفية فيها الخجل والعز عاده فيها=فيها البراءة والسمات الحية ايام تقضيها بشمس الصحراء=في صبحها والظهر والعصرية ترجع لخيمتها قريب المغرب=واطرافها من شمسها مظبية لكنها بنت العرب صمصومة=ولاتجي بالحاجة المخفية واليوم سرنا في علوم الدنيا=وايامنا بين العرب منسية وابراجنا فوق الصحاري تعلو=بالصف الاول بالكرة لرضية بترولنا غطا جميع العالم=واخبارنا بالصفحة الخلفية واهل الصناعة يصنعون الحاصل=قسم العرب مردية المردية نستورد اشيا تافهه ماتنفع=كيف الخبر يالاسرة الدولية العالم الثالث نزلنا تحته=وعالم الغابات ماشي زيه فيه القوي ياكل ضعيف البنية=اسود تاكل في اللحوم النية وطيور تسعى في غصون الغابة=واعشاشها تصبح هدف للحية هذة صور من حالنا موجودة=واشيا كثيرة في صحف مطوية للشاعر: حيدره بن قطمان |
بورك فيك أخي خالد على هذا الدعم اللامحدود لمبدعي هذا الصرح الشامخ !!
شاعرنا الكبير بن قطمان يستحق هذا وأكثر فهو ركن هام من اركان هذا الصرح ومبدعيه !! سيتم التنسيق لاحقا اما بإنشاء سقيفه تندرج تحت سقيفة عذب القوافي تكون جميع مواضيعها عباره عن دوواين لشعراء السقيفه ، او ان تقوم انت بإدراج موضوع مستقل يكون قوامه مشاركات كل مشاركه بها ديوان من دوواين شعراء السقيفه لتكون مرجعا على مر الزمان !! أشكرك اخي خالد مره اخرى وعذرا على إختراقي الإغلاق لموضوعك :) |
|
|
ياطول بعدك يالمسافر عن الدار=لاشفت كل انسان ضاوي لداره البعد ظالم والمقادير تختار=تختار حد من دون حد مش خياره والصمت مثل النار والشوق له نار=والمغترب مسكين مكوي بنارة والعمر فاني والملايين عبار=يافاهم افهم من صحيح العبارة دنيا حقيرة ماتظلي لتجار=قد باعت الفقري ومولى التجارة والمغترب لوغاب من كل الانظار=اكيد اهله كلهم بانتظاره امر علي ماشيت لو كنت امار=تستاهل الاشيخ فوق الامارة لاتعتذر لي ماتقبلت لعذار=والشهم كلماته دليل اعتذاره يافاهم القافي وسامر وسمار=سلام مني خص وادي سمارة وادي يربي له ذئابه وانمار=سلام للوادي وكل النمارة ياعز راسي لاقد الغيث مدرار=ياعزوتي في كل لفه ودارة فيها رجال الطيب ياكم مغوار=تحضر مع الغازين في كل غاره سلام لترابك وطينك ولشجار=واعلى الجبل والشعب دنت شجاره وان جاد سيلك بالحجل تطلع اثمار=تثمر ثمر زاحي ويقطف ثماره هذا كلامي لك وقولي ولشعار=والشهم يصبح موطن اهله شعاره والحب للاوطان من غير معيار=كذاب من قد قال قسنا عياره يعمر مع الانسان من دون عمار=بدايته طوبه وتالي عمارة والختم صلى الله على خير الاخيار=محمد المبعوث تم اختياره للشاعر حيدره بن قطمان |
هذه القصيده جواب على قصيدة الشاعر الكبير/ يسلم بن عكعوك..
يامرحبا مانسنس الغربي رياحه سابرة=من مدلي يمناه باصافحه باليد اليمين حيا ببو صالح ويانعم الرجال الثايره=ثاير ولد ثاير وحيا الرجال الثايرين ارحبت يايسلم مكانك في القصور العامرة=زبن العول ماعزه الا قمة الحصن الزبين يسلم ويسلم بفتخر لو كنت انا باجاوره=عبر حياته في شقى وضمها دنيا ودين ولا يعول بالعدو يسلم بيقطع دابره=صابر على دنياه بوصالح وقد حاله متين انا معك لو تصل فوق النجوم الزاهرة=والصبر مفتاح الفرج والله حليف الصابرين دنيا دنيه قل يسلم في عيوني صاغره=والله ولا بهتم بها رجاي رب العالمين كل الخلايق ذي عليها بالمذره عابره=لاياشقاء مالك بقاء ولادمي من ماء وطين والحق يايسلم ومولى الحق لازم ناصره=في صف واحد كلنا ونلعن ابليس اللعين ابليس ذي يدخل بيوت المسلمين الفاخره=ابليس وابن ابليس ذي فرق جيوش المسلمين وصاحبي لوهو شطح والله ولاباحاذره=باناصحه وان مارجع بيرجعه قهر السنين من بعد لسنات القوي يالله بليله ماطره=والبرق فيها يلتهب والرعد من حينن لحين يسقي بلاد العز ذي تمسي خطمها قافره=ذي لاذكرها قلب بن قطمان يردف بالونين شوقي لها ماله طرف والنفس تمسي حايره=لترابها واحجارها شوقي وحتى للعضين ابني بها امال يايسلم وتصبح خاسره=وعد الجماعه بالمساء والصبح قدضاع اليقين اشجارهم صلبت وهي بلامس تمسي عاطره=والسير ذي لين يبس وذي يبس مابايلين والحمل مابايحتمل يوم الحموله جايره=يوم القوي يضحك وذي ماشي معه يمسي حزين والقافله متعثرة وكل ابوها عاثره=وخيوطها متعكلفه بين اليساري واليمين ذي مايجيلك بالبصر اكيد مابتباصره=بتحاول انك تهدم اسواسه ولو ساسه مكين عدا زمان الكذب والكذاب نفسه فاجره=والكذب ساسه ينهدم والصدق قد ساسه رزين حذرتني بالسادسه ياصاحبي والعاشره=ثمان فوق العاشره والحاشدي يعجن عجين سمكر بيوت العز من برع وداخل داشره=والقا حرس اقوام قطاعه عسى ربك يعين ومجاملينه جم عنده ذي تطيب خاطره=دقات قلب الادمي تزداد من نفخ الريين بانطلب الله يسر من بعد السنين العاسره=على دروبه نهتدي في كل شي به نستعين عساه يرحمنا برحمه لاضوينا الاخره=وتعم رحمة ربنا للمومنين المخلصين المومنين الطاهرين اهل القلوب الطاهره=العابدين الصادقين الحامدين الصالحين وجهة نظر دونتها والمهتجس باناظره=وان قد وصل للدار باعشيه بالحم السمين هذا وصلى الله على ذي كل واحد فاكره=محمد المختار يشفع للخلايق اجمعين للشاعر :حيدره بن قطمان |
انتفاضة قلب في عصر الرحيل&&تكسر الماضي بعصر المستحيل تخبر الايام عن نبع الحياة والشقا والهم بالليل الطويل ياتعابير الخجل وقت اللقاء بصمة العاشق في النظرة دليل الطفوله عصر ماضي لن يعود&&والكهوله جيل يمضي للخلود والرعونه ربطها جا بالشباب يكسرون المستحيل الاصيلة والاصيل سطرو تاريخ في عمق البحار ليلهم بل والنهار ياشباب اليوم ياحس الشعور&&ياشباب اليوم من فيكم غيور من قراء التاريخ فيكم باهتمام من بينظر للامام انظرو من حولكم كل الامم وارتقو بالله لاعالي القمم ارفعو شان الكبير ارفعو قدر الصغير واعلمو ان الليالي عابرة&&كلها ساعات تمضي عابرة يبتدي شعرك يشيب وانت في نفسك تعيب بعدها تتذكر الزام الدويل والاصيله والاصيل لاتقلي مستحيل كل شي بالعزم يمشي يارجال&&والرجال اليوم قد هدت جبال المهم انك على الدرب الصحيح يامليحه يامليح واعلم ان الكل ماحد مستريح الولد والبنت والرجل الكبير كلهم في حيرة العصر الخطير من غلا الاسعار كلن يكتوي&&ومن شرب بالكف مابا يرتوي لوشرب دجله وينبوع الفرات طول ليله مايبات دام عاده في سبات انما الانسان يمضي بالطريق يجمع اصحابه معه يمضو فريق والقوي فيهم يطلع ذي عريق همنا واحد ومستقبل لنا بين الدروب&&يايجي بالسلم ياياتي على اصوات الحروب والتحية والسلام للاحبا والكرام للرجال الطيبين المخلصين الطاهرين العابدين الحامدين والتحية للبنات العابدات الطاهرات المخلصات الطيبات الساجدات الركعات فاض شعري قال بن قطمان قلنا خاطرة&&والسموحه ياعرب لو فيه كلمة قاصرة للشاعر:حيدره بن قطمان |
مخلوق تتجاهله واخر توده=ومخلوق تتناساه في غمض الاعيان ومخلوق من صنع الخطا ماترده=ومخلوق لويخطي تلاقيه ندمان ومخلوق للحزات محدن يعده=ومخلوق له وقفات لاقد بدا شان ومخلوق فيه الشاينه مستبده=ومخلوق في طبعه مكارم واحسان ومخلوق فيه النصح يجزي برده=ومخلوق فيه القبح تلقاه زعلان يامقرب الطائف من اجبال جده=ويامبعده حائل عن اجبال نجران ويامبعد اهل الشحر من قوم صعده=والراهدة ماهي بعيدة لردفان شعوب تتصالح واحيان هده=وشعوب في الافراح واحيان بحزان والحاصل ان الوقت صده بصده=ذه حكمة المولى في الانس والجان للشاعر:حيدره بن قطمان |
المشاكل جم وافكاري حوت كل المأسي=والذهب يبقى ذهب صافي وفص الماس ماس كيف با صدق محبيني وباكذب حواسي=لو قبلت الوضع من ساسه تكذبه الحواس اكتم انفاسي وفي المسراح لو شليت فاسي=ما معي راحة وقدامي قدر عشرين فاس بس ذه عاده لنا في كل شي مرفوع راسي=الشجاعة والبطولة قال بن قطمان راس بحسب الموضوع من ساسه وبا قايس قياسي=كل شي له قدر وزنه المسافة بالقياس مايجي باللين والحيلة وعاد الوضع قاسي=الحديد القاس له ضرب الزبر للوضع قاس الكرة في هم والغازات جابت الاحتباسي=والحرارة زايدة والكون فيه الاحتباس مامعي خبرة في التاريخ والوضع السياسي=واللغة صعبه وهل كلمة نعم بتكون ياس والبطولة لي ولاجدادي وعاد الكاس كاسي=بس لي قرنين في قرنين ماشليت كاس غسلوا مخي ونسوني وانا مانا بناسي=كيف بنسى مجد مايخفى على جني وناس اكره التلمود والجلمود والشكل السداسي=واعشق اوطاني لها تمجيد من طنجه لداس والشواطي زاخره بالخير تحكمها المراسي=والعرب فيها وياكمن بطل صعب المراس من لذيذ النوم عيني مايجاورها النعاسي=في سهر دايم ولا فكر بساعات النعاس لا قناة المجد فادتني ولا قناة العفاسي=يومني مخلوق في حالي ولا حب العفاس بجمع اغراضي وبا لفلف قشاري في كياسي=مامعي راحة وصرف الين في عشرة كياس االتلمود=من كتب اليهود المقدسه عندهم الجلمود= العصاء الغليضة طنجة=مدينة مغربية داس=جزيرة امارتية في الخليج العربي للشاعر:حيدره بن قطمان |
ويقول بن قطمان ياليلة النور=ليلة كمال البدر بعد النحافة في خبت لابه ناس حلوا ولا دور=لايمّن الساري ولابه مخافه مجبور من شان المحبين مجبور=اصبر على البيدا وطول المسافة والادمي محظور من كل محظور=والعنف يتذكر زمان اللطافة كمّن فتى اصبح في القبر مقبور=تحت الحجر والرمل يصبح لحافه يادار لك توقيع فالقلب محفور=توقيع مايشبه ختوم الصرافة ايام قد مرت وانا فيك مسرور=والقلب بك هيمان هذا اعترافه والكهربا فانوس والنار دافور=والراديو يغني عن اهل الصحافة واليوم شوف الناس للشر طابور=والصدق ضايع في زمان الخرافه الى متى والهم ولكذب والزور=يطرق على ابواب الشرف والنظافه والناس تتجاهل يقولون معذور=قالو شبعنا من كلام السخافه وكل شي يشتاف من غير ناظور=ياربنا رحمة وبالناس رافه للشاعر:حيدره بن قطمان |
انا سطرت لك بيتين وانتـه تعـرف المكتـوب=قصايد من زمن فـي لـوح للعشـاق مكتوبـة طلب واحد ابي منـك ولازم تعـرف المطلـوب=مواضيعـك تهـز المنتـدى واليـوم مطلوبـة وشاعـر مبتـدي وبعدهـا فعـال ياحـبـوب=ترى جبر الخواطر كل محب يرسـل لمحبوبـه يصيغ الشعر في خله ويتكلـف عنـى ودروب=ولايهتم بحاجز لو وقف فـي ساحـة ادروبـه ترى هذا الزمن معكوس ولايمشي على المقلوب=وصعب انك تـرده والسوالـف فيـه مقلوبـة عظيم الشان يسر لي مرادي قلت انـا باتـوب=عسـى تغفـر ذنوبـي كلهـا وتقبـل التوبـة ترى الانسان من صغره وهو كله خطاء واذنوب=ولاغيرك الهـي انـت وحـدك تغفـر اذنوبـه الهي انت رزاق العـرب بالـزاد والمشـروب=عسى شربة هنيئـة صافيـة يهنـا بمشروبـه حسبته من خيار الناس واحسن عندنا محسوب=وله اشيا كثيـرة بالوفـاء والعـز محسوبـة تراضينا فـي الدنيـا ولا غالـب ولا مغلـوب=ولا نتبع هوى الانفس نـرد النفـس مغلوبـة رفعنا الراية الحمراء على شامخ جبل منصوب=وسوينـا مـآذن للمساجـد فـوق منصوبـة تفرقنا قبائـل فـي نواحـي عامـة واشعـوب=وكل انسان فينا ينعـرف لـو خالـط اشعوبـه ولكن القمر هو من زمن وسط السحب محجوب=فضاء واسع ومظلم والنجوم اليـوم محجوبـة ولكن القمر عايد ولاهو مـن هنـا مشطـوب=عسى الغيمات من كبد السماء يارب مشطوبـة دخلنا في نفق مظلم انا من ذا النفق مرعـوب=شعوب الارض من بعض التخلف دوب مرعوبة كتبت الشعر للقراء وهو يمشي على المسحوب=ولكن القوافـي فيـه بيـن وبيـن مسحوبـة للشاعر:حيدره بن قطمان |
قال شاعر كتبت الشعر في صغر سني=واعرف الوقت واخباره وتابع سنينه شل كلمه على كلمه وكلمات مني=يحفضك ربنا والقلب تسمع ونينه صاحبي صاحبي ذي من كلامه سجني=قد تمادى على ظلمي ولانا سجينه قله الوقت علمني ومعروف عني=من وقف في طريق الشيخ ربي يعينه جبت جني ونا باجيب عشرين جني=مر يبعث وباوصلك لما الجنينه بتركه في الخلا وحده وهو قد تركني=بس ياليلة الرحمن لا تتركينه بالخفاء لو تمسلل غدر شفته طعني=يالحليلة بقول الشعر لاتطعنينه برجمه سد خلق الله لاهو رجمني=وانتي اليوم بالكلمات باترجمينه ذاخرج فصل والثاني معي حسن ظني=كل مخلوق فالدنيا بيذكر ظنينه ياغصون العنب والليم بالخير دني=ظللي كل من يعبر بوسط المدينه والمحب ذي برده بالرسايل وصلني=ياغصون العنب للبر باتوصلينه للشاعر:حيدره بن قطمان |
يانجوم الغد في شهر الضياع=ياسباع الغابة المتأزمة ياطيور البحر هل انتم جياع=وين شيخ السرب عندي بعزمه ياضباع الليل وش جاب الضباع=وين قائدكم ومن بايزهمه ياعصافير الصباح الضوء شاع=من سمع تغريدكم مايفهمه ياجمالي لي تشلون المتاع=قد بنيت المجد فيكم وارسمه ياغزال البر في كل الفراع=بالفيافي والخبوت المظلمه ياعفاف الحسن من تحت القناع=في جلابيب الخيوط المعتمه اكتب اشعاري على خط الدفاع=وان تبعثر شي بيدي لملمه والمتاع الشعر ماغيره متاع=بعد نظمه بالقوافي ختّمه ماتوطى قد عشقت الارتفاع=وان بنيت الحصن ماحد يهدمه اصعب اللحضات ساعات الوداع=واسعد اللحضات لقياء مفعمه للشاعر:حيدره بن قطمان |
ويقول بن قطمان كلمني=حتى بكلمة خاطري متعوب قم رد عالهاتف وطمئني=ماهو سوى الهجران ياحبوب الصد والهجران عذبني=والحال في بعد المحب مقلوب انسم معي ساعه ونسمني=وكل شي في حضرتك محسوب حبيتكم والذنب مش ذنبي=نظرة وكلمة والرضا بقلوب واليوم شوفك ماتواطني=الى متى من سكتي محجوب ارجع تراجع ثم راجعني=عد للخليه ياحنين النوب بعدك ضنا يالخل يالمضني=والقرب منك معرفه ودروب باسايرك لوباتسايرني=وبالرضا مابقبلك مغصوب ونه جفا بالله صارحني=وخل صبري مثل صبر ايوب للشاعر:حيدره بن قطمان |
انا بكتب وباغني وبادندن بصوت الدان=وبدخل في البحور الطاميه بطلع الدانه وباجيب الجواهر كلها واللول والمرجان=وفي بحر العرب لاغصت بطلع كل مرجانه لان العشق عذبني برأ لحمي من العظمان=عجيب العشق خلا المهتجس تشتاف عظمانه انا انسان والانسان يدخل عالم النسيان=ويتناسى همومه كلها لو طال نسيانه ولكن مانسيت ايام مرت في علا الوديان=لان قلبي متيم في شعابه رؤس وديانه ويتذكر شجرها والحجر والطين والعيدان=ويذكر حصن شامخ معتلي باقي بعيدانه بلادي مفخره والقيتها في خاطري عنوان=مضيع قال بن قطمان من قد ضاع عنوانه وجانا وقت مايرحم وفيه الزور والبهتان=وكلن زاد في غيه وفي زوره وبهتانه ولا يصدق معك مولى البضاعه صاحب الدكان=يفكر بس في نفسه وفي تكبير دكانه تناسينا اليمن ياهل اليمن يامنبع الايمان=تناسينا ان طيب الرجل واخلاقه بأيمانه ودار العرب تتشكى من الزايد على النقصان=وهذا ممتلى طافح وهذا زاد نقصانه وعربي مغترب عند العرب ياعزت العربان=وعربي ينطرد من بيت عربي وين عربانه زمان اعوج على بعض العرب ياصاحبي خربان=ولاا بشكي ولاا ببكي وهي لوطان خربانه للشاعر:حيدره بن قطمان |
الف ابداء برب العرش عالم بحالي=خالقي رازقي عالم بما في الخواطر باءبدربه مشينا في سفوح الجبالي=صادقين النوايا مخلصين السراير تاء توكلت والنية معي راس مالي=والرجاء فيك يارحمن باطن وظاهر ثاء ثرا الوقت مايرحم بعيد المنالي=شهر يوفي معك واسنين واعوام قاصر جيم جانا زمن فيه اصبح القرش غالي=والتفاخر بكثر المال اصبح مناظر حاء حياة التكبر اخرتها خوالي=مثل نار الحطب في الجول لاصب ماطر خاء خطا في خطا المفخرة والتعالي=كل واحد في الدنيا موقت وعابر دال دوله ورى دوله لدار الزوالي=درب فيه المنى ودرب مضني وعاثر ذال ذكرى لها قلبي ترى مايبالي=وان ذكرها قنع لوكان بالسوق خاسر راء روايات نرويها وفيها تسالي=والجمل ترك الرايه وشغل المعاصر زاي زينة ومزيونة بنات الجمالي=مهرجانات فيها الابل جملة قواطر سين سهران وحدي في عتيم الليالي=واذكر الناس ذي عالبال غايب وحاضر شين شاهد علي ربي ولي قلب سالي=كل من قال بن قطمان باقول امر صاد صابر ولي طولات سعف الطوالي=بالمهل مايخيب الضن في كل صابر ضاد ضاقت على اصحاب الشرف والمعالي=من كسبها بحيلة قالو افلان شاطر طاء طريق الرقي مفتوح فيه المجالي=باب فيه الامل والدرب سالك وعاطر ظاء ظهر منشي الليله وبرقه يلالي=والسمر طاب يعجب كل بداع شاعر عين عسعس ظلام الليل زاد انشغالي=والسما معتمه والنجم لازال سامر غين غازي غزا غزوة وصاد الغزالي=اسمه البربري واليوم سموه ظافر فاء فحول الابل ماطبها الا الحبالي=وان تعنتر يباله كي تحت الخواصر قاف قولي كتبته فيه كمن مثالي=ناصر الحق بالقوة ولي رب ناصر كاف كاتم ومتحمل حمول الثقالي=ذي على الظهر لايمكن تشله بواخر لام لولا مخافت ربنا ما نبالي=عزة النفس ماتوطى لكل الصغاير ميم من حسن حضي دوب مرتاح بالي=كلما اتقفلت سويت فيها معابر نون ناوي وربي بايحقق منالي=زور مكه واسعى بين كل المشاعر هاء هلا في هلا اول وثاني وتالي=من قراء النص له مني دخون المباخر واو وردة على شانه مع شهد حالي=والسفرجل وريح المسك والعود فاخر ياء يمين انني اكتب بمنطق خيالي=لامراجع معي ولاقلبت الدفاتر واذكر المصطفى مرسول رب الجلالي=والف صلو معي على الحبيب المهاجر للشاعر:حيدره بن قطمان |
|
برفع مجاديفي وبطوي شراعي=اصبح دخول البحر من غير قيمة والبر يكفيني وفيه اتساعي=عند الرجال اهل الكرم والعزيمة يارافع الرايات مافيه داعي=تطوي ملفات السنين القديمة لملم ملفاتك وخلك سباعي=والصبح ظالم والليالي ظليمة خلك وسط لاتحت لا ارتفاعي=لا غش لاتكذب وخل النميمة وادخل مع اهل الجمع والاجتماعي=سر بالطريق الصالحة والسليمة ادرس طباع الناس لو كنت واعي=والعقل مفتاح النفوس الفهيمة بيني وبين الحرف جملة مساعي=اطويه طي الخيط داخل بريمه والوجه واضح ماعليه القناعي=ما دام عرماء من يمنها يتيمة لاكهرباء فيها ولاشي شعاعي=ولاطرقها للمسافر مديمة فيها الضباع الموحشه والسباعي=سكانها تقول سوو جريمة مابينهم دايم يحط النزاعي=وكل فرد اليوم يعرف خصيمه تاريخها ضايع وزاد الضياعي=الماء على ظهر الجمل والبهيمة بامد كفيني وبرفع صباعي=للي على عبده ينسنس نسيمة بن قطمان للشاعر:حيدره بن قطمان |
عزيزي وش جراء في دنيتي نكراء وغدارة=وهذا الوقت كله قال بن عبدالصمد غدار وكلن عاش في جوه وكلن عاش في داره=تناسوني وخلوني مرابط عند ساس الدار وحتى صاحبي ذي كان يعطيني من اخباره=فجأة انقطع عني قطع وتقطعت لخبار ونا لحمه ودمه واحفض اخباره واسراره=عيال العم والاخوان ماشي بينهم اسرار انا قصدي اهنيكم وعمي فوق مقداره=اشوفه دوب في عيني رفيع الشان والمقدار تمنيت انني بالصين واركب فوق طيارة=واترك ناس ماترحم عيوني نومها قد طار ولاباتنفع الاعذار لاحد صلح اعذاره=لان الناس باتدري ولاباتنفع الاعذار انا شفني ذهب صافي ولاحد قاس معياره=وشوفك جوهر الالماس وانته قيس بالمعيار انا سيفك انا سلاحك تلاقيني مع الغارة=ولاباكون في داري ولابحفر لراسي غار انا في بيتنا ياعم مانا خارج القارة=ولو ناديتني باجيك مسرع بالطريق القار ولو قد غصت وسط البحر للّوله ومحارة=معي خبرات بحرية بسوق اللول والمحار ملاقاتك معي شفها شبيه الغيث وامطاره=ملاقات الضمان المنقطع لادمدمت لمطار فتحت الشعر لي وانته شبيه النيل وانهاره=ونحن الفرع دايم نستقي من جودها الانهار عسى ربي يحط الوحي في الاولاد والحارة=وساعة سرلهم باللين وساعة بالكلام الحار وحصن الشيخ بن عبدالصمد ماتنطفي نارة=ومن قارب حصونه قال شاعر بحرقه بالنار تأسس عالكرم والجود ربى خيرت اخياره=وجيلا بعد جيل اخيار رباهم وبعد اخيار وقد جاب الحدد هم والنجر كلن بمنشاره=بنا والعود فوق العود حطه شق بالمنشار وبيته بالبنا عامر بحلانه وزواره=سنين الويل عدت منقطع من بيته الزوار عياله رحبو بالضيف لاقد جاء من اسفاره=ويجلس بينهم ينسى هموم البعد والاسفار ونا بصبر على جور الزمن لي نفس صبارة=وبعد الصبر ربي بايعين المومن الصبار سلامي يبلغ الوادي من المجراء الى اصباره=وقربه من عسل اما فراقه من صبر صبار ودنيا فانيه والناس فوق الخط عباره=ويوم البعث ربي بايرد الناس قيس اعبار وحد في داخل الجنة وحد يصبر على ناره=عسانا داخل الجنة ونسلم من حريق النار وصلو عالنبي المختار ذي للدين اختاره=عسى يشفع لنا المصطفى محمد المختار نشر الاسلام بالدنياء وقد جاهد بكفارة=جنوده عزهم ربي وقد هبو على الكفار للشاعر:حيدره بن قطمان |
جماله لاتخلينا جمائل=طريقة حبنا عبر الرسائل اصيلة وافية بنت الاصائل=فرس بوزيد تدخل كل ميدان عسانا نلتقي ياعالي الشان= انا حبيتها من قلب صافي=ولا يخفى عليها اي خافي ولاحب القطيعه والتجافي=ومن عبر الرسائل فيض الاشجان عسانا نلتقي ياعالي الشان= رسمت الحب في احلى ابتسامة=ولا اخشى من الحاسد ملامة لان القلب عايش في هيامة=ومتمسك بهم في كل الازمان عسانا نلتقي ياعالي الشان= رضت بي مثل مانا كنت راضي=تناست كل ماقد كان ماضي وقلبي كان للخلان فاضي=واصبح بعدها بالحب مليان عسانا نلتقي ياعالي الشان= تناسينا مشاكلنا القديمة=واشياء تافهه من غير قيمة رسائلنا رسائلنا حميمة=زرعنا حبنا في كل بستان عسانا نلتقي ياعالي الشان= للشاعر:حيدره بن قطمان |
ويقول بن قطمان ياما بحالي=لاهاجسي جاني ولاشي حليلة وامسيت فكر والليالي طوالي=قيس المسافة والمسافة طويلة ابعثر اوراق الحروف الخوالي=والعقل مفتاحه بذكرى خليله ذكراه متجدد بطول الليالي=ليلة ونا صاحي وبالحلم ليلة القلب مغرم به ولي قلب سالي=مادام لي غاية بسيط الوسيلة حبيت ياصحاب الشرف والمعالي=وظميت نفسي في هواهم عليلة صريح صادق معرف الاحتيالي=والحب فيض القلب مافيه حيلة وابني بناء بالعشق مبناء الدوالي=لان الجروح الي بقلبي دويلة للشاعر:حيدره بن قطمان |
|
انتبه ياراكب الخيل الجموح=يد فيها سيف والاخرى خطام العدو قدام والبارق يلوح=والامل مقطوع في بحر الظلام والجروح الغايره ترّث جروح=والرضاء مجهول ساعات الخصام انتبه والسير يبغاله مسوح=انتبه والخيل يبغاله لجام كاتب الاسرار لايمكن يبوح=وان تكلم لا تصدق شي كلام روح يابن الناس للميدان روح=روح وابشر بالرضاء والاحترام ياحليف الصدق ياتاج الوضوح=يازعيم الحلم في وقت المنام اختلاف الراي جا من زام نوح=والعرب بالعرق مرجعهم لسام العرب من شيدو كل الصروح=والعرب من شاركوا وقت الحطام انكسار السد جا بعده نزوح=والمهاجر ياهيامه بالهيام الحرارة خلت الحاصل يفوح=والبرودة جمدت حتى العظام الرضاء يصعدك من فوق السفوح=والزعل كسر حظوظ الابتسام لاتعشابه ولاهو لك صبوح=ازرع البسمات تلقى الابتسام لامتى والصيرمي يمسي يدوح=لامتى والعسكري ضد النظام لامتى والنوب بسجون الجبوح=لامتى والصقر يتغدى حمام من فهم قصدي مكانه لا يروح=ومن فهمني عكس ع الدنيا سلام للشاعر:حيدره بن قطمان |
ياحيود النشم بنشد على كل نشمي=وان طرحت القدم قدلي سوالف قديمه [/QUOTE]يوم عظمي سلم انا العبيدي وسلمي=بالشرايين دم يجري وربي يديمه هاجسي لانظم كلن يطالع لنظمي=ماسكين القيم والشعر من غير قيمه كل شي له علم ومنهج الكون علمي=بعد قسوة وهم جات السيول الهميمه في حياة النعم انا وخالي وعمي=كلنا في نسم والجو يعجب نسيمه صفنا ملتحم ثابت بدمي ولحمي=مساكين الشيم وللمحبين شيمه كل من قد عزم للجود باشد عزمي=قد نصبت الخيم فوق الثلاثين خيمه قل لذي مافهم بفهم علي قد فهمي=والهدف لو عظم خلفي قبيلة عظيمه لوطلبت القسم بالحق باشل قسمي=كل من قد ظلم عاد الليالي ظليمه والقدر لابتسم برفع شعارات بسمي=فوق فوق الغيم في جو مافيه غيمه يارماد الحمم دور على عود حمي=من بلاد الحمم لقيا الاحبا حميمه قربو لي قرم باشوف كمين قرمي=من ثره للعرم من حوف لجبال ريمه |
لوجيت بفسح في دواتي والاقلام=صاح القلم وقال دون قصيدة [/QUOTE]سجل قصيدة تحمل اخبار واعلام=والهرج ذي مقيول لا لا تعيدة ابيات دونها وساهم بها اسهام=ومن قراها قال حاجة جديدة والشعر ديوان العرب مش من العام=فيه المواعظ والعلوم الفريدة ذا فصل والثاني له ابنود وارقام=واخبار من دار البلاد السعيدة يارب تحفضها على مر الايام=من المكايد والنفوس المكيدة والشايعات اتزول مرة ولوهام=ومن سعى للخير يارب زيده وتثبت الوحدة ثباتك للقدام=ياهاجسي بنظر بنظرة بعيدة وكل ظالم في زمانه فلا دام=رب السماء عالم وينصف عبيدة والشعب يتساوى قبائل واقوام=والراي لاصحاب العقول الرشيدة والفسد يقطع دابره قبل الانسام=والمرتشي يارب تقطع وريده ياحضرموت المجد يامملكة سام=ياارض تبع والشيوخ المجيدة هاتو لنا عالم بتفسير الاحلام=مشهود له بالصدق فيما يجيده والمصلحه في لم لخوه ولعمام=وبعدها من صاد له شي يصيده والخيل طبه في خطامه وللجام=وان قد تهمل صعب لو باتعيدة سلام من شبوة الى سدة اشبام=واعبر بها مارب ووادي عبيدة واطلع بها المحويت في شم الادقام=وانزل بها الساحل ومر الحديدة ارضي لها في خاطري عز وانغام=ولاتوفيها ثنعشر قصيدة |
يالمحب لا بارك الله بالحبيب=يوم دخلنا بحور المعمعه [/QUOTE]من دعاءبالصوت ريته يستجيب=مايجاوب حد ولاحد يسمعه والغريب اليوم في حب الغريب=قلد افكاره ودايم يتبعه يامذلتنا من الوقت الصعيب=وان سقط رجال ماحد يرفعه طابت النية وجرحي بايطيب=والحبايب من ثلاثه واربعه والبعيد اليوم بايرجع قريب=والقلم تايه بجنب المطبعه والمخوة ضايعة عند النسيب=النسيب اقرب من الاخ او معه يازهور الورد ياعنبر وطيب=ياشذى الريحان لي بالمزرعه وصل الريحان والغصن الرطيب=للمحب والمستلم باينفعه وحسبي الله مالنا غيره حسيب=ومن دخل فالبحر باذنه يجزعه |
[/align][/cell][/table1][/align][/QUOTE]
الف باهني عدد بارق سراء=وعدما هلت نفانيف السحاب [/QUOTE]واعتلت لصوات والجارح جراء=من مجاري قاحله روس الشعاب الف باهني رجاجيل البراء=تهنيئة بالعرس مني للصلاب تهنيئه لك ياامير الشعراء=بوطلال الشهم لك مني جواب ومن قراء ياسين ولا الم ترا=ربنا يحفضه من كل الصعاب ومن وصل الى هنا ماقصرا=جا على الواجب ملبي للطلاب مرحبا مليون عشره واعشرا=مرحبا يامن لدعوانا استجاب جو على الواجب ومن كل القرى=بالضيوف اهلا وسهلا عالرحاب والتهاني في كتاب امسطرا=بالحروف وبالنقط ذي في الكتاب بالدونها لطارق لا قرا=طارق ابن العم ياشيخ الشباب طارق الفارس بخيله لشقرا=عزوتي يالشهم ياذئب الذئاب ربنا يبارك لكم فيما جرا=وبالرخى والود ماله شي حساب هاجسي في وصفكم متعذرا=ولو تقفل باب يفتح ميت باب ومن كتب لشعار ولافسرا=ومن تعنى في الذهاب وفالاياب ومن كبر فالعين مابا يصغرا=ومن طلع سطح القمر مايستهاب صانع المعروف مايتنكرا=وصانع المنكر مصيره للغياب واطلب الشعار ذي في المسمرا=كل واحد منهم يلقي خطاب والتحيه والسلام امعطرا=للاشقاء والاحبا والصحاب فل ومسك وعود قطر امقطرا=للحضور اهلا وليل الانس طاب واذكره ذي قد تعبد في حرا=الحبيب الهاشمي جا بالصواب |
الحلى والزين من صغره=صنعت الرحمن سبحانه [/QUOTE]كاملا عشره على عشره=له صفات الموز والبانه من عيونه تخجل النظره=والحلى في نظرة اعيانه عايش(ن)في خير ومسره=واكتب اشعاري على شانه زورني لو في السنه مره=يابريق الماس والوانه زورني قلبي تعب صبره=صابر(ن)والنفس تعبانه اذكرك بالليل والبكره=لك عباد الله سهرانه من زمن في صدري العبره=من زمن والنفس عطشانه من يحب مايعرف البطره=في وله والنفس تعبانه صاحبي قد زيد الحره=في ضلوعي شب نيرانه اتخايل في الهوى عطره=نفحت الكادي ورمانه ماجبرني كيف في جبره=جابره والنفس زعلانه لوركب عاصهوة المهره=قدتعدا كل فرسانه مر في بوظبي والظفره=وفي قطر قد زار دكانه في الحساء في ظلت الشجره=وبالكويت الناس رغبانه سار حتى ايران والبصره=واطلع المحار والدانه ماعثر مايعرف العثره=في خطاه اتم ميزانه له غلا والله من فتره=من زمن ومعاصر ازمانه له غلا ومرتفع قدره=بوعيون سود فتانه والشعر شعره على شعره=كثب متمدد على امتانه والحواجب موج في بحره=والخشم كاشخ على اوجانه والشفايف فيهن الحمره=وان تبسم تخجل اسنانه والحلى واللطف في ثغره=عنق ريم(ن)فوق بستانه لو مشى في ظل من صدره=ربنا بالحسن قد زانه ضامري مهضوم من خصره=والكعوب اتشل سيقانه لو مشى بارض(ن) وهي قفره=اصبحت بالماي رويانه المهم ان الهوى حسره=مايخلي نفس طربانه من يحب لايفتح الثغره=للعواذل شر شيطانه والحسود الله اكفني شره=رب سلمني من السانه عشتي تكفي ولا قصره=ليس ديواني بديوانه مايجي مدي على جزره=ولايجي ركني على اركانه من زرع بذره على بذره=باتكون الناس اعوانه ومن صبر عالحلو والمره=وقد بذل جوده واحسانه ماجزاه الا من الدره=لول صافي هو ومرجانه ومن قطع بالموس والشفره=او بحد الفاس اغصانه من مكر يلقى جزاء مكره=بعد مايطوى في اكفانه ليس له ملجى سوى قبره=والملك واقف على ايمانه يسآله فيما فنى عمره=ولايشوف اهله واخوانه من عمل مثقال كالذره=ينظره في كف ميزانه عالم البرزخ في الحفره=كلهم اموات جيرانه لاسلى لافن لا كبره=لا دلع لاشوق لاحانه الرماد ابدايته جمره=والجمر من شب عيدانه والشجاعه ضدها الكثره=والمروه تاج تيجانه من مشى بالطيب في بره=ونظم اشعاره وقيفانه الله الي مكتفل باجره=يدخله جنات ريانه وارفه بالماي والخضره=ربنا يالله بغفرانه كلنا في طاعته وامره=نعبده ونصوم من شانه من زرع ثمره قطف ثمره=لايقول النفس هيمانه يخزي الشيطان لايجره=ولايعين ابليس واعوانه دنيتك يالادمي عبره=شوف كم اقوام غلطانه كل احد معروف في اثره=وتابع الاثار بارزانه |
انا كيف دورها ولاهي بدايرة=وجيت سايرها ولاهي بسايرة يالله ياعالم بحالي وحالتي=ويامنشي السحب الركام المثايرة عساك ترحمنا وتلطف بحالنا=وتخفف احمال(ن)على الظهر جايرة الوقت مايصفى للانسان وحده=محتار انا بالوقت والنفس حائرة احيان تلقى ناس تمشي بجنبك=واحيان صحبتهم عقيمة وفاترة والظلم زايد والمشاكل تفاقمت=والاسعار شبت نار والناس خاسرة دنيا بها التاجر تحكم بقوتها=وخطاه فوق الدرب للقبر سايرة وين القناعه والكرم والفضيلة=وين الديار الي بها الناس عامرة والفقر ماهو عيب لو به قناعة=مادامها اللقمة في الحلق سابرة يارب جملنا وسهل دروبنا=وكل فقري انت يارب ناصره السوق مايرحم والاسعار زادت=وبيوتنا لازم نظيفة وفاخرة لوكنت انا شوف الغلا في طريقي=بسيفي البتار باقص دابره لكن لاشوفه ولاهو يشوفني=ينهش في اموالي ولي نفس صابرة يارب ياعالم بحال الخلايق=يافرد ياجبار فوق الجبابره من سبب الذله لمخلوق ذله=ومن سعى للخير اجبر بخاطره وش ذي جنى كسرى وفرعون قبله=وبعدهم كل الملوك القياصره واليوم اشوف الناس من كل ديرة=في ابلادنا مثل الطيور المهاجرة هذا استقر بالهند وهذا بلندن=يسعى وراء اللقمة في ابلاد كافرة وان كان متمسك بدينه وعادته=ممنوع بعض احيان يكمل شعايرة اخوكم [/QUOTE]بن قطمان |
ياهاجسي ردد صدى قيفاني=من شان يسمعها القصي والداني رتب معانيها بفن اسلوبك=والشعر في راسي يهز اشجاني تاتي حروفه في نسق متجانس=والحرف الاول مرتبط بالثاني احيان يدركها الكريم العاقل=واحيان يفهمها الغريم الجاني نبض الشعور احساس فن الشاعر=وابيات حكمة في نسق واوزاني ذا فصل والثاني قريب المعنى=لاعندكم يارب وش وداني لولا حروف الشعر مازرناكم=افكار شاعر حركت وجداني انا افتخر اني من اهل الديرة=لانا بشي هندي ولاطلياني لسان جد الجد ينطق نطقي=باقي على نطق الجدود الساني والمعرفه عندي بها خلفية=اعرف غريمي والمحب والشاني واقبض طريق النصف وارفع راسي=هذة وصية والدي وصاني وقال لاتغتر بمال الدنياء=دنياء دنيئه من عليها فاني اكرم ضيوفك بالذي في دارك=واشفق على المسكين والجيعاني واعمر بيوت الله وادخل فيها=قيم السنن والخمسة الاركاني عوّد لسانك عالكلام الطيب=ووزع البسمات بالمجاني لاتستغل الناس فيما عندك=لآن ربك كرّم الانساني وعامل ابنائك سوى بالدنياء=ولاتحط افلان فوق افلاني الوزن عندك والعبر مطروحه=وانته عليك الحكم بالميزاني اوصيك ايضا في صلة لرحامي=شف وصلهم هو وصل للرحماني والجار لاتنسى حقوقه عندك=اهم شي والله رضاء الجيراني هذة وصايا والدي مكتوبه=والفايدة تعم كل اخواني كتبتها في نص واحد يكفي=والزور ماحبه ولا البهتاني اقنع بذي مقسوم من عند الله=الي من المولى كفى كفاني يالله ياعالم بحال الدنياء=عسى برحمة ياعظيم الشاني يارب غثنا من مطر همالي=على الجبل والشعب والودياني وعلى القفار الجافة والصحراء=من حوف لاحجة الى بيحاني والغيث يفرح لارعد منشية=يفرح به الشبان والشيباني واهل المدن تفرح برش الماطر=واهل القرى والبدو والرعياني هذا كلامي من صميم الخاطر=يانار شبي والحجر مالاني والختم صلو عالنبي الهادي=يشفع لنا في يوم ماله ثاني وتقبلو تحيات [/QUOTE]بن قطمان |
لك بوسط القلب حارة بالف شارع=لك عدد شركات تبني ميت مشروع لك حديقة كاملة والورد زارع=والقرنفل والعنب والفل مزروع لك مساجد لك معابد والف جامع=لك عدد عدة ولايجمع بمجموع الجوارح لك وروحي والمسامع=انت صوتك بس بين الناس مسموع انت حبيتك ولالك حد منازع=في غيابك احس نصف الروح منزوع انت مثل الشمس والباقي توابع=ماسك الراية ولابتسير متبوع اسآلك يارب لاتحط الموانع=ابلغ الغاية ولااتواجه بممنوع صنعت الرحمن من خير المصانع=لست فاليابان او فالهند مصنوع احسبك واحد وثاني وانت رابع=واسمك المشهور بين الناس مربوع لويقف بواب في هيئة مصارع=لن تراجع عنك لوباعيش مصروع اعلم اني فيك متعطش وجايع=صرت انا من بعدكم ميت من الجوع اعلم اني فيك متحدي وطامع=وانت من جمله من العربان مطموع سارع الخطوات نحوي ثم سارع=لاتروع النفس يالمظنون لاتروع واعلم ان العين سالت بالمدامع=شوق في قلبي ومن الاعيان ادموع ايش رايك نلتقي في يوم سابع=والزيارة خلها عاراس الاسبوع ان تراضينا وصرت انسان طايع=الرضاء بعده رضاء والطوع بالطوع وان تخالفنا خبر بيكون فاجع=بعدها باسير متحسر ومفجوع ادري انك نبع من خير المنابع=وادري انك عذب متدفق وينبوع الحراسه ناس تمشي بالمدافع=واعتبر مهرك ذهب والماس مدفوع والسكن في قصر متعلي ورافع=ناس في الخدمه ولاشي صوت مرفوع كل هذا قد كتبنه في مراجع=وانت لك رايك وعاد الشور مرجوع مع تحيات بن قطمان |
اخي خالد بن مهنا اشكرك من الاعماق على تسليطك الضوء على ديوان شاعر بحجم اخينا حيدرة بن قطمان الذي احببنا كلماته منذ ان ولج الي هذا المنتدى
|
لي تمنيئة فالعيد والعيد بالباب=الاوله شوف الحبايب والاصحاب والثانية لفة على كل الابواب=ماهمني كثر التعب والمشاوير وتعود ياعيد الاماني على خير= العيد فرحة والاماني كثيرة=ياربنا سالك عسى بالستيرة تجمع لقا الاحباب في كل ديرة=عند المصلى في تواضع طوابير وتعود ياعيد الاماني على خير= يابسمة الاطفال في كل حارة=والانس واللقياء وشوق الزياره والجار يوم العيد يرجع لجاره=والناس تتبادل جزيل التعابير وتعود ياعيد الاماني على خير= عبر الهواتف يرسلون التهاني=عبر الفضاء توصل بعدة ثواني فيها تعابير الفرح والاماني=مايحسبون الفايدة والمخاسير وتعود ياعيد الاماني على خير= |
مسافات الهوى ماهي قريبه=وبعد الخل مافيه انشراح [/quote]تعب من حب في دنيا صعيبه=لان الحب ماهو بالسلاح عبر عمرة وهو يذكر حبيبه=ويتغنا كما طير النواح يقول الله ربي هو يجيبه=وعاد الحر بالاشعار لاح مريض الحب ماحصل طبيبه=ولاحصل في الدنيا نجاح غريب الوقت واصنوفه غريبه=وبعض الناس يتمنى الجناح وحب الادمي ماشي يعيبه=يعيب الرجل لو يبكي وصاح
انا محتار في خلي نظيف وخامر البنه=معذبني ملعوزني تلطف ياغصين البان ولايهتم بما فيه وانا الي اردف الونه=على شانه وفي شانه مزجت الشكل في الوان تراه الفن في ذاته وفني جاء على فنه=انا فنان في شعري وهو من نشأته فنان تخيل انني في نار حمراء وانت فالجنه=ترى بعد الحبايب ماوراه الاتعب وجنان تعاهدنا على كلمة جليله مابها منه=تراضينا تماسكنا بحبل الواحد المنان
اهلا هلا باقول يااعز مخلوق=شرف لنا الجيه وفي كل الازمان [/quote]اسواق شعري ماتشابه مع السوق=للمشتري كلمات والله مجان مرفوق يابن الناس والله مرفوق=دامك كتبت الشعر واطريت قحطان والشوق حملني من العطف والشوق=مشتاق انا مشتاق له اطيب انسان حبه جراء فالدم في كل لعروق=واتذكرة بالفجر والصبح مابان
الخل لو منشاف ماهو بهداف=فوق الهدف واحيان منه يوطيه [/quote]واللول والمرجان يوجد بالاصداف=يبغي فتى غواص والبحر مافيه بنت الشرف دايم مع ابن الاشراف=هو لو خطا خطوة تتبابع خطاويه وبنت الدنى متوطيه تحت الاكتاف=وليا مشت يومين ثالث تخليه والمشكله بين المتمم والانصاف=الانصاف كلمة حق للي نحيه لواشتكي للعدل وشؤن الاوقاف=واقول لي خل(ن)عساالله يهديه بين المدينه والبداوة والارياف=ضيع حياتي عقب ما كنت شاريه |
ياضيم قلبي من الدنياء وياقهره=كم ياعرب قال بن قطمان مقهورة وكيف من كان يتكتم على قهره=والحكم للواحد القهار ***= حركت كل العرب يامحمد الدرة=ماوي قدا الدار لكنه لحق دوره يستاهل الا ذهب دره ورى درة=واهله معه كلهم بالدار ***= ابطيت قدلي زمن واكتم على العبرة=والجسر هذاك لو هميت بعبوره واليوم قد جابو الميزان والعبرة=واحنا سوى في الهواء اعبار ***= الحبل ياصاحبي جروه كم جرة=والحمل جاير وكلن هاب من جورة واتعاقبوبه وجرة تتبع الجرة=والعاد صاحب ولاحد جار ***= كانت جماهير في ابلاد اليمن حرة=والقو مسيرات في يافع وفي حورة وكل واحد نسم لما برد حره=والبن بالزنجبيل الحار ***= واليوم قدزادو العشرين عالعشرة=والمال ذي تحتهم قد شلو اعشوره ونسيوا المعرفة والملح والعشرة=ونسيوا الرعي في المعشار ***= بانكتم السر شف ماحد كشف سره=وايامنا كلها بتكون مسرورة والصوت ذا على الغنا يالحارثي سره=والله هو عالم الاسرار ***= يامن تتابع على الاخبار والنشرة=وتتابع اخبار من يومين منشورة خلك مع العيد ذي تزهى به النشرة=لاتقرب الحد والمنشار ***= |
شكرا لك
قد قرأنا موضوع ديوان اخونا حيدرة بن قطمان على صفحة مجموعة دولة حضرموت العربية في الفيس بوك لذلك دخلنا نبارك له ونشد على ايديه على هذا العمل والشعر الرائع Incompatible Browser | Facebook |
|
شكرا لك
قد قرأنا موضوع ديوان اخونا حيدرة بن قطمان على صفحة مجموعة دولة حضرموت العربية في الفيس بوك لذلك دخلنا نبارك له ونشد على ايديه على هذا العمل والشعر الرائع Incompatible Browser | Facebook |
| الساعة الآن 05:02 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir