|
(((((الدان)))))
ياهل المغاني هجرتوالدان والمغنا=ياريت بنعود لة وان رتب اسمارة ونجيب من صافي القيفان معناها=كلين يسجع بصوت الدان |
لا جل الدان انا با قصد وباتعّنّى ### ماباعجز ولوعاراس قاره خل النفس مع السمّارفي هناها ###باتهنّا وبادن دن مع الالحان هاجسي اليوم بايحسن المجنى ###لي من فنون الدان واشعاره كلن بهايغنّي ويطيب له مغناها ###وبايردّد بها العاشق الولهان البكري |
هاجس معي يالوزيري يحكم المبنا =حيث المعاني قويه يبني افكاره ومن الجواهر ينقي ماس مغلاها =واسقيك صافي عسل جردان |
الدان له لحن ياريتك تسمعنا =منه مقاطع على قنبوس كنداره ساعات تمضي علي وايام عانها =في خيمة الشوق والأشجان مبطي من الدان والمدروف شوقنا=والعود باقوم له باقطع اوتاره ماهي عوايدي ذه عاده كسبناها-=مانا متيم بها قلبي ولاحبان لايالوزيري معك مهما تودعنا =مابافتك منك من حاره الى حاره مادام عادك معي لفنون باعطاها =قانونها لأنني فنان بن فنان |
حى الله ابيات من شاعر لها معنا = يرتاح قلبى الى قد جاتنا اخباره نسم على خاطرى واهموم جلاها =انستنا يامجلى الهم والاحزان |
لاياصاحبي الحين خبّر واسعدنا ### بذكر الدان والحانه واسراره انت اليوم تذكرناليالي قد حييناها ### في صفا بين الاهل والخلان بسأل المولى عسى الايام تجمعنا### مع اهل الدان وجميع شعّاره وصفحة الماضي مااليوم فتحناها### وباننظم الشعر بجميع لوزان البكري |
حيا بمن جاء على الداعي وواصلنا=لة مني القدر والترحيب مقدارة معكم نشيد ركان الساس مبناها =وانمده القاسم على لركان الهاجس الي معي هولي متعبنا =ماينقدي ياصحابي شاعلة نارة لاقلت لة مابغيت الدان ثناها = ويقول قدلي زمن عطشان |
ليت يالوزيري بانتمي في سلانا###والشعر ذافن ماهو شطاره لازم يتم ختم الشطر هذا بناها ### نون الف ها الف يالحلان البكري |
يامعبد الوقت فرقنا ويجمعنا =لكن عسى ربنا يتكتب لنا زياره تتحقق الأمنيه ذي نا تمناها= ونشوفكم يارجال الجود والأحسان البعد مروع وكثر البعد روعنا =ولعد فوالتي نفعتني ولاشطاره ايام وسنين في حاله نقضيها =من فرقة الناس ذي حلوافي الوديان طاوعت نفسي ونفسي ماتطاوعنا=ننسى محبين لي في الغيل والقاره وايا م ماتنسي لي طول مانساها=ذاكر لها من وعدنافي الصباء خيبان |
ذي باتوله معه مابايولهنا =لايالوزيري كلامه شغل وتجاره ونا التجاره ترى ماميل لالاها=من يوم مابادخل فيها ضوي خسران انا نحب السلى شفني وتعرفنا=انته ومعبد وتكفي منكم إشاره لاجاتني بافهم مابانخلاها= من فوق اذني تمرلوكانني فهمان ماعليه يالوزيري وسعنا الربط قليل وحررناه في المقطع الأول والثالث حتى يطلع كلام على الكلام |
لانا ولا انت بة ملزوم يتبعنا=واسوارنا ماتجي لاحد اسوارة والشرب كل من حفربيرة شرب ماها=لاتقول نشرب وحد ضميان من قال لك بيع لا لاتقول لة بعنا=شف عادها قوم لي تخرب ودمارة تتعب وتشقى وتاكل كل ماجاها=بشان يقسم ملا فيجان |
لاشفت انا بونمر موجود يدعمنا = باقول جبنا لذاك البحر عبارة ماباتخالف ولابتزل مراسيها =مادام لي فوقها ربان ياالموج مابانهابك ليش تتعبنا=بيدي شبك ماجبت سنارة وادخل غبب مانفكركيف تاليها=ونوكل الامر للرحمان |
بايفرق النوب لاقد طاب له مجنا = وخظّر الوادى المصيوت واشجاره يافرحت القلب لازانت مجانيها = والغيث دلهم على الجيلان |
مابدخل البحر ذي موجه يخوفنا =لاقد عزمت السفر باشل طياره النول ماهمني الفين بادفعها=لاتقرب البعد من جده الى الريان |
يابونمر لاتقول للربط حررنا ### بانبردك لوكان شي حراره لانا ولاالوزيري لي ربطناها ### قلبوا الفصل ان كان مليان شونحن بهذا الربط قد تقيدنا ### من ما بغاذا الربط له داره وقوافيكم لنالاتقولون عدناها ### لازم السفينه يقع لها ربّان البكري |
اقتباس:
لهجتك ماطابقت شفها للهجتنا =هاجسي لك ماعرف يمنته ويساره حتى حروف اللغه ماعرف تهجاها=ونرتب الشعر على الألحان |
لوكان هي بتماني بعت مركبنا=واركبت في البنج لي بتقرب اسفارة من بعد ساعات في الريان تسمعها=وتشوفها تعكر في الكثبان |
ان مانا من العرب باقول ترّكنا ### شف من مننا قوله بغا دواره شف ذي اسس للغه ماتركناها ### نحافظ على لغتنا قدرالامكان البكري |
|
نورت قولولبوهارون مسمرنا=والخرف بيزين شفنا خايل الشارة اليوم قد هب بحري قول بشراها=والخير بيشوفة الشيبة مع الشبان |
يا اهل السـلا والمغاني لحـــن هيّضــــنا ## ما سمعه شــــوفه بظغــــطة زر عآ الفـــــــــــاره
هــــذه فعــال الزمن عشـــنا وشفـنــاها ## مغـنـــــى برخيــه وقول الشــعـر في جــــــــــــازان[/p
حيا وسهلا ببوهارون شاعرنا =ذي هو تميزتميز خاص بْأشعاره وان قال كلمه على الكلمه يوفاها=,,ومايرد لاعلى معيان ودي بسعفتك في المسراح والمضوى= نمشي على الرجل مابانشل سياره بانرد عوده على ذي عامجافيها =ماتنقطع رحمة الرحمن |
اخواني فصل جديد اتمنا ان يعجبكم واقول لكم ملاحظة ان العجز الاخير هو قصير حتى يستقيم الحن
ذا فصل ياهل المغاني عادها حنة=في النفس ليهي على الوديان محنونة من بعدهم قد صبرنا جم ونعاني=( والعمر عدّى ونا محنون) |
قلبي معذب فالهوى ونه على ونه = ريت المحله تقع فالعين في نونه والحسن شفته وشفت الحسن صنعاني =واصبحت هايم كما المجنون |
الشعر ذا ياخوان له فنه ### لازم نحافظ على الشعر وفنونه له تستقيم قيفان ومعاني ### ومعاكـــم بانحيــــي الفنـــــــون البكري |
يابخت من فينا حسن ظنه ### لي مايحسن الظن خابت ظنونه حبيبي بحسن الظن وصاني### فيكم نا باحســــــــن الظــــنون البكري |
متميز الوصف ماحد قد شبة فنة =والحسن شلة وحتى الشعر وافنونة ضني حياتة مضت في بيت فناني = ويجيدها كلها لفنون |
يالوزيري انت عادك سال عنّه ### وخلك معه وكن في عونه مسكين شفه مع القوم وحداني### قل ســـــــمعت لــك ولعون البكري |
العيب والغلط قط مايجي منّه ### ولا يتابع ذي هم يمنّونه وحياته كلها ضاعت آ ما ني ### ولا هو لــحد ممنــــــون البكري |
لاهوحمومي ولاهو من بني ظنه = ذي في المحب خابت ظنونه من بعد ماجاء له المكتوب العاني =مرسول من كوفي عنان يبقي لوحده لحتى تخرج الصنه =منه اذا مايقيم العهد ويصونه ساكن بحجه ويكذب قال بعداني =ولاعرف وين هي بعدان |
هو رطن ونا عرف رطنه ### ضيع جميل اهله ولايصونه عاد بو بني ظنّه بن يماني ### لــقى الحموم مع ســـيبان البكري |
خليك مشطون الليله وفي شطنه ### ونا نفسي ماباتبات مشطونه بابعدنفسي من كل منهوشيطاني ### مردّك لبليـــس والشــــيطان البكري |
وش قول لازلت اليسرى على اليمنه = لتواخذ ون المحايد لا تلومونه هذه يسارى وهذه عادها ايمانى = لا تواخذونى ولا تلومون |
يؤ ســفنـــي جداً تأخري عن حضور مسمركم الجميل بسبب عطل فني على ا لنت واليوم وبعد اصلاحه قرأة رد ود كم وترحيبكم الحار واثلج صد ري واثار احا سيسي الشعريه فعمد ت على التو على كتابه الجواب ولكن على الفصل الاول . وبما انني ارغب في الجواب عليكم فليكن على ذ لك الفصل نفسه وبعدها استمر معكم على الفصل الجد يد ارجو المعذ ره والسموحه اذا خرجت عن نطا ق القانون الشعري المتعارف واكرر العفو والمعذ ره واقبلوها مني مشكورين !!
|
|
كلين عاده يلفلف على قطنه ### لاما كمل مالحق لي يعطونه ما يرتفع مقام اللي هو داني ### ما نا مخطــــي ولا غلطـــان البكري |
وفصـــــــل يا وزرآن ذا صـــوت وفصــل ( أقبـــــع ) ما يطلع الهاجس وانت اعرف
|
هاجسي يجي حتى على التنّه ### مايغيب عّني ولايعطينا الهونه لااشرت له جانا في ثوانــــي ### والراس عاده مــــــــــــــــلان البكري |
لا حد يلومة ولاحد قد قرب منه=كم حاولو جم بغو من فوق يرمونه لكن معة جيش والحراس رمياني=بشان تقرب وهم يرمون اليش ننساة وكل واحد سأل كنه=قد غاب لكن معه اسرار مكنونه لي كان حصنه لنا اضلال واكناني=شف عاد سرة معي مكنون النهج واضح على التوحيد والسنه=ولابغيت قاتونهم لي هو يسنونه خل عنك قولو لبوهارون كل شاني=مانستمع للذي يشنون |
لايالوزيري معد في الجوف شي حنه =ولامعي له طرب اونفس محنونه مادامني باورد عالمارد الهاني =ماباسعف للقاصره والهون حاسبه في الذاكره طائر من الجنه =ماكنت ا عرف بذه هذرته وجنونه لما لحقت الخبر والعلم به جاني = صدقت إنه من عيال الجان |
في البداية احب اشكر اخي الوزيري على إيتاحة الفرصة لمن يرغب في هذا النوع من الشعر وليكم بعض هذة الابيات : الي على نية يقع حبله قوي |
| الساعة الآن 05:56 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir