|
هذه السنه يامسرور ..مافيه طوله وامان .وسلام والى لقاء قريب!.
لفعل ابلغ من قول
الفعل يترك مدلول وانت فيهن مسؤول والباقيه للاحسان مافيه طوله وامان عيني قذى في عيني ياقاطفين امديني مابين ارضه وبيني قصبه تصب من معيان مافيه طوله وامان الاوله جنيه والثانيه جنيه والثالثه انسيه آمنت بك يارحمن مافيه طوله وامان بين الملك والسلطان حايات يم في الحسبان وكل شي في الميزان ومن تدخل خسران مافيه طوله وامان باعوا القديم الغالي للخالدي والدالي وتبددت آمالي لاعاش فينا من خان مافيه طوله وامان من يتعظ في غيره يثبت بخطوة سيره ولاتغير قيره عنده بديله مليان مافيه طوله وامان ياعارفين الحاله اتقلقلت قلقاله والحل في اتبداله واحد يعادل اثنان مافيه طوله وامان وربما الاخيره اكتب لكم في حيره ابوي رايح صيره ولسفينه ربان مافيه طوله وامان هذه السنه يامسرور اما تلاقي وسرور ولا تباع ونفور الرعد فوقي حنان مافيه طوله وامان وان قلت لي اش رايش ياعيون اش ذي جابش ومن المكلا زالش ؟ باقولك بن .........! مافيه طوله وامان ماشي بيدي حيله الحزب صار اقبيله والعيب في تمثيله اصبح اسير لــ ........! مافيه طوله وامان اقرأ كلامي وافهم من قبل قلبك يندم من نام لابد يحلم ماباتعود الجولان مافيه طوله وامان عن بافطيم المنجم لاسلمه بايسلم قريب بايتكلم لكن كلامه هذيان مافيه طوله وامان اليوم مثل البارح وبعيد ثاجي الطارح والمال عند الشارح والملك ملك المنان . |
مشكورة عيون المكلا
|
اقتباس:
تسلم ولاهنت ودمت بكل ود سعيده بحضورك هنا . |
شاعرتنا القديرة / عيون المكلا
ما أجمل الوقوف امام عتبات كلماتك رائعه في كل حالاتك دام شموخك وإبداعك ودمتي بخير حال تقبلي تحياتي الطيبه ، |
روووووووووووووغع ياعيون المكلا .واف ثم اف ثم اف يابن ماضي وراك خفت وحذفت مجاراتك ؟ماهقيناها منك ! وين القبوله .شفني نسختها اذا لم تعيدها اعيدها انا يابن ماضي ياقبيلي .
|
الشاعرة عيون المكلا
صح لسانك واشكرك علي جمال طرحك |
اقتباس:
ما لودهم في الهندول ومالودنا عرض وطول زلزل نواحي اسطنبول واستنكروه البنيان ما فيه طوله وامان ارعودها لا حنت غزير ماطر صبت وتا ثيرها لا حطت يبان ع كل انسان مافيه طوله وامان شمس المقاهي غابت واهل العمل لاقامت في سوقها ما خابت من قعطبه للريان ما فيه طوله وامان الكذب عدا زامه يا مصدقين ازلامه صبرو على الامه واتصبرو يا عميان مافيه طوله وامان يا عيون بينا استهزاء بان الهدف والمغزاء اني هنا مستجزاء ماني كما بن جدنان ما فيه طوله وامان وانا الاساس الاصلي معروف اصلي وفصلي لا بات دمي يغلي يغلون ضبه وشمسان ما فيه طوله وامان باقول لبن السكني وابليس هو والجني وان سار معهم ابني مابا نسد جن وانسان ما فيه طوله وامان كلن على مبداء هله الكذب حقك خله كلن بماله ونخله في السوط هو والوديان مافيه طوله وامان تسرق وتنهب نخلي وتبيع في مال اهلي وتقل وزنة رطلي غلطان جم شك غلطان غلطان جم ومهرج على العرب تتبهرج لما بدت تترجرج باهل البلد والحلان ما فيه طوله وامان يا عيون قولي حكيله لا تجزعي قوليله كل من غزاء بغزيله عندي العداله عنوان مافيه طوله وامان ضربه بضربه طبعي مابا تشوفو دمعي استامنو ياربعي بيقضقضون العوجان ما فيه طوله وامان استبشرو في بلادي غاثة على كل وادي يابوي يا اولادي لابد لها من طوفان ما فيه طوله وامان عمر الذيب |
اقتباس:
مالودهم في الهندول مالودنا عرض وطول زلزل نواحي اسطنبول اخينا مبروك بن ماضي لاتزعج نفسك تراني لن انشر قصيدتك اللي حذفتها وانت حر فقط امزح معك بس قصيدتك رائعه وخصاة ماقبل الاخيره الابيات .ورأيي من الافضل نشر قصيدتك ومافيها اي شي كذب او غلط . |
اقتباس:
والله على شان خاطرك بس طبعا اللي في الهندول هو الولد المدلع والمفضل وبس اشكرك على مرورك ولك تحياتي وسلامي عمر الذيب |
اقتباس:
نتعلم منكم فنون الكلمة سعيده بحضورك سعاده لاتوصف لاهنت ودمت بكل ود |
اقتباس:
مشكور وماقصرت |
اقتباس:
لاهنت ودمت بكل ود يعطيك العافيه |
اقتباس:
حقا انت مدرسة سنخسرها اذا لم نحافظ عليها ونعطيها اهتمام كبير يعطيك العافيه ولاهنت ودمت بكل ود ليت ابياتي الآتيه تنال من اعجابك ولو شيئا قليلا وتصل الى هدفها ! لاياعمر لايالذيب كلام مابه تكذيب شذبت قولك تشذيب شاعر محنك فنان مافيه طوله وامان ولك قوافل شكري تدري او ماتدري العقد بيد العمري بيفرطه في حبان مافيه طوله وامان قالوا الصراحه راحه الحضرمي بجراحه مضوا ه زي مسراحه تعبان منهم تعبان بالله قرب اذنك واحذر تقول لابنك وقل لمن في سنك ليافع وابين قسمان مافيه طوله وامان والحضرمي له فقره ياناس ايش الدبره ؟ في مامضى لي عبره مابنتناسي حسان مافيه طوله وامان واما البقيه هامش وفي السياده مامش اترنمي بنغامش والمعلقه في الفنجان مافيه طوله وامان البحر لحمر مقفول اسطول يتبع اسطول وعينهم في المحصول عجوز معها شيبان مافيه طوله وامان ذيك العجوز الغبرى جابت لقيصر كسرى داحس عليها الغبرى ووعدهم في حزيران مافيه طوله وامان الثار من اكتوبر بيكون في نوفمبر ياراكبين السوبر حذروا مطب بن عيفان مافيه طوله وامان . |
رايعه ياعيون كلام جميل ومجاراه جميله يابوطارق سجلي مروري واعجابي
|
مشكوره ياعيون المكلا علي هذا التبيين والموقف المشرف وحقيق مافيه طوله وامان تقبلي كامل احترامي وتقديري
|
سيدتي اعزك الله !
لن اتعمق في مضمون القصائد لكِ وللشاعر الكبير الذيب ولكن اذكركما شيئا مهما :ان الامارة (الحكم او السلطة ) حلوة الرضاع مرة الفطام ..فلا احد يستسهل الامر ويجعل التسليم او الانقلاب تحديدا سهلا وفي الامكان ,مقابله ستزهق انفس وتشيع فوضى ..والخ. |
رائعه ومبدعه ياعيون كعادتك دائما صح لسانك ملايين وكان الرد من شاعرنا المبدع عمر الذيب رد اكثر من موفق!! وارجو ان يعود الاستاذ المشرف الفاضل مسرور ليرد على تساؤلك في قصيدتك بعد هذا الغياب الطويل والمفاجيء!!! تحياتي اليكما ودمتما بالمسرة والهناء. |
اقتباس:
|
رائعة ياعيون المكلا ومداخلة شاعرنا عمر الذيب وبقية المداخلات أثرت الموضوع ..
تقبلي تقديري دومآ . . |
| الساعة الآن 10:12 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir