الناس ماخلو لحد حاله= وانا جبير الناس ماباقول ماحولي
وان شفت حد بيده شعق شاله= بهجره باقاطعه مابسقيه من شولي
=وش قدر الانسان يوخذ كل ليله شال
= باب الزعل مقفول مابيني وبينك لاتخلي شي يقع عالبال
وثقت به وقبضت بحباله =خلى قشن يضحك علي في السوق وحبولي
وين وعده وين اقواله= ماقام عاقوله ونا لي قمت عاقولي
=لاقلت له ماقلت هذا قال لاماقال
=باب الزعل مقفول مابيني وبينك لاتخلي شي يقع عالبال
مابش سخى يادار بن قاله= شلوقبالش والقواسم ايش بقولي
والوعن لي مصفوف في الصاله= تقاسمنه لابسات الطان والصولي
=طاردتهن وتعبت جانا في عظامي الصال
=باب الزعل مقفول مابيني وبينك لاتخلي شي يقع عالبال
عين الحسد والبغض قتاله =لاكننا مانا سهل شليت مقتولي
كل من صرب موسمه ماكاله= ولاطعم حمال من رزقه ولاكولي
=ولاحفظ له في الوسل مصرى ولا مكيال
=باب الزعل مقفول مابيني وبينك لاتخلي شي يقع عالبال

المشاركة الأصلية كتبت بواسطة ابوصالح لك معزه كبيره يالشرقاوي وانت داري بس شف لنا حل في عاقلنا وراه خرف