|
على انغام اوبريت السيد المحضار( بنت القبايل )
البنت: يمه الى المدرسة بسرح وبضوي العلم للبنت يرفع مستواها ومن الحطب والقصب تعبت يكفي والنفس تعبت ولا صادت مناها واليوم شادوا مدارس لي ولختي وخوي له مدرسه يسرح قداها الأم: العلم ما هو لكن يابنت قعدي شوفي غنمنا ومأكلها وماها وشلي الفاس للمحطاب حطبي وتركي ذي السوالف مانباها البنت: يا والده للأسف ما كان قصدي واسْرتي حبها روحي فداها با انفع الناس يوم اكتب واقري با انشر العلم باعلم قراها باخرج اجيال تفعل مثل فعلي في الطب والهندسة وخرى سواها الأم: يا بنت قومي وكل البيت جحشي وبعد شوفي الغنم سرحي قفاها وعودي سمح قبل الضيف يضوي ومهرة الدار شي ماشي كماها البنت: اسألش بالله وش قصدش بعندي الجهل كل عين يا يمه عماها شوفي بنات العرب وبعد حكمي بالعلم وصلن لغاية منتهاها وانتي وزرب الغنم والدار بعدي شي زوج كل جاهله بدري رماها لو كان متعلمه والناس تدري يصبح لها كنز بايبقى معاها عساه من بعد ذا مقبول عذري ياكم وكم جاهله ربي هداها واصبحت عالمه للناس تفتي ولا طبيبه وبا ينفع دواها الأم : في قولش الصدق هذا صدق قلتي الجهل دمر امم عيني تراها روحي الى المدرسه يا بنت درسي وكملي الجامعه وان شي وراها ماشي كما العلم يوم العلم يعلي ويشيد اركان توصل لا سماها الأم والبنت: الحمد لله مولى الفضل ربي وصل حنا لاقناعه لي نباها يا طالب العلم قم للعلم بدري شف كلمة العلم بايوصل صداها شعر الأساتذة: مبارك بوشندل و سعيد بلعيش |
رائع اخي عاشق الحور رائع !!
شكرنا لك وهو موصول للشاعرين مبارك بوشندل و سعيد بلعيش وهديتنا لكم القصيده الأصليه (( بنت القبايل )) للعملاق ابومحضار http://www.alshibami.com/upload//upl...-812576afc9.ra |
اقتباس:
احسنت على الثناء وعلى الإهداء. وفقك الله الجميع لما يحب ويرضى. |
ماشي كما العلم
الله الله يابوشندل كلام هادف في قالب كوميدي هادف وحضرمي صميم اصلي لله دركما اساتذتنا الكرام مشكورين على الابداع |
الله عليك يا عاشق الحور: ماشي كما العلم يوم العلم يعلي ويشيد اركان توصل لا سماها *** نعم, صدقت, وصدقت القائلة, وصدق أبو محضار إذ قال وقولهُ حقٌّ : والعلم أميّتي الأولى محاها... أطيب التحايا لك, وللشاعرين المبدعين... |
اقتباس:
|
واذا حكمتم بين الناس ان تحكمو بالعدل وينك معد تدخل على قصيدتك يهوين قل للخليفي وتشوف الفضايح لي هناك لي يلقونها الناس الطيبين والا تقول في نفسك @ آه عادنا باقول مصخى بالرجال ولا باقدر قول كلمة الحق غير وجه ما شافك ما لامك احسن تمي بعيد @ |
اقتباس:
|
اقتباس:
فيه ناس ياريتهم ايقظوها من نومها وبس ذيل ذعرورها ذعر كنك ما تقدر توجه الكلام لهم يمكن من باب التسامح والمسامح كريم يا بن نهود |
اقتباس:
على الرغم ان شعاري: كن ابن من شئت واكتسب أدباً يغنيك محموده عن النسب إن الفتى من قال هأنذا ليس الفتى من قال كان ابي |
| الساعة الآن 01:41 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir