قصيدتي الثالثة - نساء في الأسواق -
بسم الله الرحمن الرحيم
الأخوة حلان السقيفة كما وعدتكم من قبل هذه قصيدة أخرى من قصائدي المتواضعة أرجوا ان تنال الإعجاب اقول فيها:
أبديت بسم الله لي به نستهل=واثني بذكر المصطفى زين الصفات ذا فصل قال الشاعر الهاجس زعل=من لي يلقّينه نسانا والبنات بيتت نا وياه حط منُّه وشل=ولعاد خلانا على فرشي نبات قال: الحرائر في المنازل تعتزل=لكن في الأسواق شفهن سايبات يوم المره في بيتها ما تستقل=تـتّـبّع الموضه وتنسى الواجبات والبنت في الشارع ضحية تنزقل=والابن يتسكع وراء الشله يبات مثل الغنم في السوق يا دلال دل=بين المعارض والمصاوغ تايهات الدين فيهن والحيا كل ما يقل=واللوم عالآباء يقع والأمهات لا شفتهن في السوق عقلك ينذهل= مثل السكارى في الشوارع دايخات البالطو مثل السدد ما ينقفل=مثل العلم ينده على كل الجهات والبنطلون الجنز يلمع له يكل=وخدود من تحت البراقع باينات وكفوفهن والنقش للرقبة وصل=بالكعب عالي في الشوارع ماشيات فتنة على الشبان والشايع يذل=لاشافهن تصبح عيونه حايرات حد يحمل النظرة وحد مايحتمل=يوقع في الفتنه اسير الفاتنات وان عاد شي جوال معها تتصل=وتغازل الشبان خذ منها وهات لمّان توقع وسط شبكه ترتقل=وتبيع في الغالي ولا تقبض ميات نظرة وكلمة بعدها رجلك تزل=تهوي وراها في البحور المبعدات لا قد توسّخ الشرف ما يغتسل=ولعاد يتنظف المّان الممات وان عرّسَت للزوج لي عاده وصل=النفض إن عاده وصل له والحتات لا أمها تزعل ولا أبوها زعل=لا فين هي سرحت ولا من فين جات ما يدري إلا بالمصيبة لي تحل=في وسط داره خلت الأسرة شتات أنت السبب عن أسرتك قلبك غفل=خليتهن مثل البهايم مهملات خليتها في السوق تسرح تحتفل=بزينتها بين العيون المعجبات جابت لك العار وشي ما يحتمل=في صيد الزواني وقعت والزانيات يا أختنا ذا جرح ما بايندمل=جرح الشرف ماله إبر ومسكنات تستسهلين الأمر لي ما هو سهل=لما متى الغفلة بكن يا مسلمات الوالد المسكين في أمره وحل=يسرح يدور للقروش الواجدات ويهمِّل الأسرة وهو معها همل=واللوم عا راسه حيي وان كان مات شدوا وثاق الراحلة باتعتقل=وتسير في طاعة وتمشي في ثبات بنصح عسى حد بالنصيحة تعتدل=إن كان با تصحا قلوب الغافلات و بنصح عسى حد بالنصيحة يعتدل=إن كان باتصحا قلوب ٍ غافلات والختم صلوا عالذي نصحه وصل=يا الله عسى يكتب لنا حسن الثبات |
شكرا اخي محمد على هذي القصيده الريعه وان شاء الله نشوف الحسن |
شكرا لاخينا محمد على ما اتحفنا من كلمات معبره
ونقول له الى الامام وتحياتي |
ماشاء الله يامحمد ابداع جميل
احسنت |
يعطيك العافيه يا بازقامه على هذه القصيده الجميله وننتظر منك المزيد
شدو وثاق الراحله باتعتقل =وتسير في طاعه وتمشي في ثبات |
الساعة الآن 01:26 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir