سقيفة الشبامي - علامك يا قلب تخفق علامك

. علامك يا قلب تخفق علامك

هدي من روعك وخفف هيامك

أنت من هيبة مين هايب

ولا الساحة اكبر من مقامك

وقلت معقول يا رب العجائب

بعد هذا العمر تغمرني بسلامك

يا مدكور البيعيني نسر شايب

ملوك الشعر بتتفيا بخيامك

ومضى ستين عام من النوايب

عصرت الروح اتعلم من كلامك

وأنا إللي كل عمري كنت تايب

تتمنحني ولو بعض اهتمامك

بمدرستك ولو تلميذ خايب

تتقبلني واغرف من علامك

يقوم الزمن على اهون سبايب

يمنحني شرف اكتب امامك

وعلى الله يا مدكور تكون جايب

شيء ضمة ورد من مشتل خزامك

أنا ما جيت اقضي حسايب

بشاعر مثل فضلك واحترامك

واذا بتكون من الأخلاق نائب

أنا من طيبتي بكون ليك غلامك

وإذا لسانك رماني بسهم صايب

فتحت الصدر استقبل سهامك

تتخلي السهم يرجع ليك تايب

من الخجل ما يسمع كلامك