|
الديوان الملكي لشعراء الشِعر الشعبي .
ذئ يزن بيرحب بكم يا أهل السلى = في داخل الديوان بيرحّب بكم يأهل الوقار ديواننا محضور يالشعارنا فيه الجفىء = فيه المخوه والزيانه يالخوه والإعتبار |
اقتباس:
يامرحبا باقوال من شاعر هلا يامسهلا=من ذي يزن والنعم ثم والنعم بالناس الخيار كلام جابه زين يالخوان احلى من الحلى=واضح ولا شي فيه غامض مثلما شمس النهار بانطلب المولى عظيم الشان يكفانا البلى=يستر على منيحة الزقران من موذي وضار ياذي يزن وش باتقول اليوم في بدو الخلا=لي هم بغو بيوزعون ام اللبن لحم اوخصار |
اقتباس:
يا ذئ يزن ديواننا ديوان منظوم البِناء = يا معشر الشعار ذا ديوان يبغاله مزار ديوان أسسه الملك من أجل يجمع شملنا = يا أهل الغياضي والزوامل لأجلكم ديوان صار |
يا مرحبا يا بن حمد والصقر وبكل من ضواء = ديوانكم نور بكم وبكم يزيد الإفتخار والمخشني وبقية الشعار بيجونا فرادا أو سوىء = وإن حد خلف شوها رسائل با تدله للمسار |
اقتباس:
هُدهُد إلى ليث الخِطم جاب النباء = وقاله ديوان لشعار دخلوه الكبار منها سباء لي أسس الديوان يهناه الهناء = ذئ يزن من أهل الهِمم والإقتدار |
اقتباس:
أهم شي يالليث إنك جيت يا بدر السماء = مشهود لك ياليثنا إنك من إرجال الشوار والقصد والمقصود تم بوجود مثلك بينناء = لأنك أسد معدود إسمك قد دخل كشف الكبار |
ديوانكم ديوان لكنه بغاء منكم عطاء =وبغاءقوافي وافيه ووزون يالناس الخيار انتم سلاله طيبه منذوزمن دولةسباء=ومعين وزمان الملك ذي يزن فيكم افتخار واليوم دار الوقت جانا حر في فصل الشتاء=والصيف بايبرد بدل ماكن هومن قبل حار ومن الحراره والبروده بايجي الناس البلاء=وامراض عيفه جات في الشيبان والذيهم صغار |
اقتباس:
المخشني وينه رفيقي هو غذانا والدواء=ياصقر دور له وهاته لو تبى حالي وقار ون ماحضر بن عمر مجلسكم بلا ما اوهواء=هو ملح كل مجلس وعنده قده رتبة مستشار |
اقتباس:
مرحيب بُه شو صاحب الألماس بو شاكر ضواء = ودخل إلى الديوان يالشعار ومعاه الخبار أخبار بو شاكر من التاريخ والحاضر تنقاها نقاء = معروف بو شاكر ذكي في الشِعر صاحب إبتكار |
اقتباس:
مبروك يا ذي يزْن هذا اليوم حطّيت العصاء=قصدي عصاء التّرحال والهجوال وأنهيت السّفار واليوم لك مقصد ولك مجلس بوسْط المنتدى=شو شاركم ذا يارفيقي والنبي يا خير شار خلطّوا الزامل معا المغنى وقد صَبْحَن سوى=ياخير هو لو كان جبتوا عادكم لي ساموار وفيه يتهقّد سلاوي مشعبي يغلي غلى=من وارد السيلان والتقّل ومن خلف البحار في ريم إمنوّر بأول ماي يعجب لا إمتلى=وريم ثاني يصلقن فيه العذارى والصّغار قولوا لبن أحمد من النقعه سويلم قد بطى=مغصوب ... وألاّ من صباح السبت با يبدأ المسار التـَــقـّــــل = بلدة في إندونيسيا بها أجود أنواع الشاي السلاوي ويعرفها بن أحمد. محمد بن سعيــد بن مخــاشــن |
اقتباس:
مهما بطينا يالحمومي سترنا هي والغطاء=نقعة علي والعرض جعل الله يعمرها عمار ماحد غصب حد يامحمد او على الثاني خطاء=ظل راية التوحيد ضافي عالصغار وعالكبار وانته سنينك عشت في جده على نار الغضاء=(والصوره) الا مسنته ياخال مدموره دمار |
اقتباس:
مرحيب بك يالمخشني تعداد كل ساعي سعاء = وعد كل من زار طيبه في مساها والنهار يالمخشني إنضح في الديوان سمعنا الصفاء = أنا نعرفك عاشق ولك في العشق شي حالى وقار |
ديوان ملكي شوه يالشعار شُيـد لأجلكـم = موقعه في بدع القوافي شرفونا يالخيـار يا مشُرفي بدع القوافي جيت نطلب دعمكم = ديواننا محتاج توجيهاتكم يا أهل القـرار |
المخشني شيب ومن شيب رجوله ماتجي فيها الحذاء= والراس بيض والّلحاء لكنّه بياضه وقار وذي يزن عاشق وعشقه بايرده كل ساعه لاقفاء =ولعاد بايلحق بسير الركب ذي بت والقطار والشيخ بن احمد بريم الغيل متولع وغزلان الصفاء= والصقر عينه حاطه عالأرض لي فيها خضار وبوشاكر متيم ولكن عده باقي ماعرف درب الهوى=مسكين بوشاكر مضى وقته وهو في الأنتظار يده قصيره كلما بيمدها ماتوصل اليدات لاريم الفلا=والعين ماتشوف ال///////////////////////// ذي بها ترعى الجفار |
اقتباس:
ياذي يزن هذا التفاني من حصيلة جهدكم=ونتيجته ناجح طلع مجهودكم في الأختبار على بركة الله سير وحنا يارفيقي عندكم =باندعم المشروع ذاياذي يزن طول المدار |
وذي يزن عاشق وعشقه بايرده كل ساعـه لاقفـاء = ولعاد بايلحق بسيـر الركـب ذي بـت والقطـار
( بيت الشعِر أعلاه مُقتبس من مشاركة بو شاكر )
ذئ يزن يملك طائره با ترفعه قرب السماء = وأنته هقش يا صاحبي في الأرض في ظهر النهار مسكين بو شاكر مفتح بس فؤاده به عماء = وده يطول النايفه يا أهل الهوى لي طولها سبعيين وار |
اقتباس:
كُله بفضل الله يا صاحبي ثم بفضلكم = وكم وكم شُعار بيجونا ترى في الإنتظار ديواننا قد تم تشييده ترى من شانكم = يا أهل السلى والأنُس سمروا به سبار |
ديواننا تُحفه من الألماس داخله الملِك خـادم لكـم = سهران طول الليل مثل النجم ثابت عالمسار والسور ما شي سور يفصل بيننا أو بينكم = أصل اليمن أصل العرب لي منها كُلين سار |
اقتباس:
كانت وكل ماكان مابيعود شئ لاعندكم =كان اليمن له مجد عالي عندنا له وافتخار ماليوم فتنه فيه كلما صابنا من ظلمكم =جبتوا بلا بالقات لا ياهل الجنابي والشفار |
اقتباس:
مرحيب بك يالواقعي هرجك ينطِق من بكِم = وحدة خطاء ما بيقبلها يا صديقي أي ...! وإنتها فهمها لا تقع يا صاحبي كعكم بكم = في وقتهم كلناه ناشف عيشنا ماله خصار |
اقتباس:
يامرحبا باقوال من شاعر على الغايب حكم= بشويش ياليث الخطم حاسب ولا توكله حار لا لا تسرع لا تلاكم لي كما من قد لكم= حاسب على هرجك وشفها عا دها جنه ونار انته مكان الخصم لا لاتروح لمحل الحكم=واليوم تحكم عا لجماعه كلبوهم دار دار |
بدع وجواب قوي بارك الله فيكم لي عوده لمشاركتكم |
اقتباس:
يا ذي يزن لتخاف با نتمي معك طول المدى=بانرعش المجلس وبانخليك مثل الشهريار ألاّ إن نقفني طير ما بسكت إذا هو إبتدأ=بافرفر أرياشه وباطيّره من فوق الشجار محمد بن سعيــد بن مخــاشــن |
اقتباس:
فرفر بريشه يامحمد جعل لك عمري فدى=انته خويي وانت سنحي وانت لي صاحب وجار في سعفة الجّيد ترى المجهود مايذهب سدى=من عاندك باعانده بادخله في مثناة غار وانا اعرفك تكفي ميه تسقي لهم سم العدا= منته بحاجة دعمنا لا من يمين ولا يسار |
ذا فصل والثاني لأجل المخشني شوها حراسه عالسِدد = تحمي لنا بن عمرو من بعض الكلام الفين حارس يحموا الديوان وإن تبغوا زياده في العدد = ما عندنا ما نع لأجل السِلم يا أهل السلام |
يالمخشني لنته بغيت الصلح من ذا الصقر بيجيك المدد = با كون عينك لي ترى ولعاد با لومك ملام أمر المِلك يالمخشني لا قد صدرعالحيد باقده قِدد = شف داخل الديوان با شاركك أنا كاس الوئام |
باثور باتوكل على المعبود ماغير احد =اعليه باتوكل ولاباخاف من عقرب وهام سعف الجماعه الموت رحمه ياصمد =تغفر لشهداء الحرب في مشرق وشام هذه السقيفه زاخره برجال ياكم منولد =فيها يشد الأزر ويحب الموده والوئام وتمكن الوحده وتبعد عنها شر الحسد =ذي همهم هد م اليمن والبهذله والأنتقام |
اقتباس:
ما بيننا ألاّ الود والمعروف ما شي بيننا صُنْع الحدد=يا الصقر كل ما فات لا يخفاك ترديد الكلام واليوم نحمد ربّنا قد جات في الديوان صفحات(ن) جدد=صفحات بيضاء ناصعه للبحتري وآبو تمام صُنـْــع الحدد = السلاح الأبيض أبو تَمَـام = بدون تشديد الميم بسبب متطلبات الوزن محمد بن سعيــد بن مخــاشــن |
اقتباس:
الصَّوْرَه ألاّ مسنته يا خال مدموره دمار ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ لقد شاركت على الدان الحالي كما ترون في مشاركتي السابقة. ولكن المشاركة أدناه هي على دان سابق ولم تتصلح الشبكة عندي إلاّ اليوم:
بكّيتني من بعدما عيوني نسن وش هو البكاء=ذكّرتني ( الصَّوْره ) فسال الدمع يا سالم نهار ما خير منها ما سوى الفردوس سعف المصطفى=وألاّ الأماكن كلّها شفها تسبّب لي دوار الصَّـوْرَه = جرب كبير جدا في عرض آل مخاشن نهـــــــار = أنهـــــار محمد بن سعيــد بن مخــاشــن |
اقتباس:
أنور الديوان بوجودك يا بن عبيد . لي عوده للرد يالغالي . |
اقتباس:
عيبني الفصل ودخلت عرض معكم المعذره شونحا الا نتعلم |
اسجل اعجابي
وان شالله نشارك معكم في القريب العاجل احيي صاحب الفكره واهنيه على نجاحها |
اقتباس:
مرحيب بك مليون يا شبل الأسد = نور بك الديوان زدته نور يا بدر التمام سعيد مثل الوعل عالوحده حتد = ونا معه ومؤيدُه ما حب شونا الإنقسام |
اقتباس:
الأخ الفاضل الرضي / أبو راضي ... الله يرضيك دنيا وآخره . شرف للديوان أن يساهم ويشارك فيه شاعر بحجمك . وتهنيتك مقبوله ومشاركتك مسهونه ومنتظرينها يالغالي . والعين ما تعلاء على الحاجب .تقبل جل شكري وتقديري على اللفته الكريمه منك للديوان . |
اقتباس:
أشعار لك تعجب حماك الله من إعيون الحسد = أشعار يتغنى بها القمري إذا شاف الحمام من أي ساحل جيتنا يا سعيد يا حوت الثمد = في هرجتك كلمة عيبني عللت مني المنام |
اقتباس:
إنت الأبو تأ مر وتنهاء عالولد يالمخشني قُده بسكينك قِدد = منسي ترى كل ما مضىء يا هيجنا مولى السنام لا كنني بسألك يا بن عمرو في العشقه وإنت لك فيها عِدد = وصفوك لي يالمخشني إنك متيم في بلادك وأرض يأم |
سلام يا اخوان هذي المواضيع الي تفتح النفس كثرو منها يعطيكم العافية
|
اقتباس:
من حضرموت الشرق نابحري مئة قامه ومد =لاتعدي الريده تيامن منها لروس الدقام حيث السلا والروح عندي ماعرف شفني نكد =سالي ومتسلي وحب القنقنه والأنسجام |
اقتباس:
لايالملك حاذرك ونحاذر علي ابوحمد = ذي ثبت الوحده وخلا الصقر عينه والنعام بالصدق باتلكلم وغار الصدق شفني مازهد =هذا كلامي وانت ماتحتاج توضيح الكلام |
اقتباس:
الأخ الفاضل الكريم / أبو رعد .... حفظك الله نورة الديوان بإطلالتك النيره منتظرين مساهماتك يالغالي . |
| الساعة الآن 02:22 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir