أبديت بالله رب الكون وبتوكل=بسم العظيم الإله الواحد المشكور
ماليوم ماحد من العربان يتجمّل=يالله تختم لي الدُنيا وأنا مستور
جات الهواجس وأنا غثيان وتزعّل=ضنيت بانه سرافيل قد نفخ فالصور
يالله تفرج على كل من مساء يبهل=كل من تحمّل حموله ماقدر يثور
ياطارش اليوم شل خطي وتجمّل=توكل على الله بالبكره جبل وحسور
أطلع من الصالحية بالسريع إبتل=لا توقف إلا في البطحاء مع منصور
با ينشدونك من العودة وبا توكل=والخط مكنه من جروانها ونمور
أدخل إلى ارض بوحمدان وتمهّل=ذي عامره بالعمائر والشجر وزهور
مقصدك لا دار بن ععكوك وتسهّل=دار الكرم والشهامة من زمن مشهور
سلم عليهم وباياتي الأسد لزقل=سلمه خطي ليده في فرح وسرور
بلغ سلامي مئه مليون ومدبل=بوصالح الجيد لي صارع زمن ودهور
وقله إن الحسيني في نكد يعمل=مقيّد سلاسل وعايش في غبب وبحور
والشريط يمسح ظهر في الخلل مذهل=من كثر لفكار في الغربة وذكر الزقور
لا ذكرت لوطان ظلي عوم ومبهذل=ظلي لوحدي وحالي دايماً مغثور
ذا قول من عند بوعدنان قد عجّل=صدّر قوافي لبونشوة ولد حيدور
ذا فصل والثاني السكين في المقتل=باعوا الشهامه حثاله والأسد مخفور
والهيج حطو له المسمار في المعقل=ذي كان يهدر ويزقل بالغشب مشهور
والفاطر امست في الأحجال تتنقل=بالقيد تحسف في الزاحي بلا محذور
والعفو لا شي مزعل بالله لا تزعل=وإن شي قصر لا تواخذ هاجسي مكسور
نبغاء جوابك ولازم عجل يتنقل=وإبدي برايك على الابيات والمنظور
وختمها قال بوعدنان بمعدل=يقرح على أهل الخساسة والعذل والزور

تقبلو خالص تحياتي
أخيكم أبوعدنان

المشاركة الأصلية كتبت بواسطة عبدالله الجعيدي تسلم يابن شحبل ويسلم الشاعر عبد الناصر وبانتظار الرد بن عكعكوك اسم لامع في سماء الشعر الحضرمي فاتي لن بكل قصائد ال بن عكعوك وكل آل حيدرة الكرام . تحياتي

المشاركة الأصلية كتبت بواسطة مخاوي اليل الف شكر لك يابو عدنان وان شا الله بايجيك ارد من ابوصالح قريب