قصيرة رحلة الانسان
 

كـذا الـدنيـا لهـا طـعـم الحـلاوه والطـحينـيّـه
وزينـتهـا المـره ياصـاحبي وعيـالهـا والمـاس

و قـلـب الآدمـي عـنـده لـهـا رغـبـه وحـنـيـّـه
ويجري بعدها يشرب ملذات الهوى فالكـاس

ومـهـمـا مـنّـهـا عـبّـا مـلا خـمـسيـن جـونـيّـه
وزيّد من كنـوزه رصّهـا في داخـل الاكيــاس

يجـي لـلاخـره جـيـبـه خلـي والـيـد مـلـويـه
ولا بـاينـفـعـه مـالـه ولا بـاتـنـفـعـه ريـمــاس

قصيرة رحـلة الانسـان فـي الدنـيـا مصيـريه
يفوز اللي مشا في دربها مكّن حجار الساس

ويـرفـع من رصـيـد الاخـره يعـمـل بـجـديـّه
ويبعد من طريق ابليس يتعوّذ من الخنـّاس

وفـي وسـط المـلا بـاقـولهـا كـلـمـة عـلانـيـة
لنفسـي قبلكم لا تحسبونـي غير كـل النـاس.

انـا من جيـزكم والله خـبـير ويـعـلـم الـنِـيّـه
ولاقصدي تفاخر قال عارف مثلكم محتاس

نصيـحـة لا نـقـع معـول يـهـدّ اركـان مبنـيّـه
نصيحة دونها نغرق وعنّــا تنقـطـع لانـفـاس

عسـى رحمه لنـا دام الضمـاير عـادهـا حيّـه
من المعبود يبقى خوفنا والدين تاج الراس

الله يعطيك العافية
 

الله يعطيك العافية
جزاك الله كل خير