كم لعبنا اصغار في لعبة كراسـي = كم لعبنـا قبـل طابـور الصبـاح
كم نهلنا علم في العـام الدراسـي = كم هدينـا لهـل افـراح النجـاح
كم كسبنا اصحاب في سني قياسـي = كم بقـي منهـم وكـم ودع وراح
كـم فـي الدنيانعـا نيهـا نقاسـي = كم تشا فينـا وكـم فيهـا جـراح
كم كسبت الود في اهلي ونا سـي = من كرم لخلاق عنـوان الصـلاح
والكرم والجود هـو هـذا لباسـي = من يقول الصدق قالـه واستـراح
واستقي من عرق في عزمي وباسي = واتقي ضربات نصـلات الرمـاح
لي قصايد عشق مانقصـد سياسـي = قد نسايـس فيـك ياسيـد المـلاح
انت عشقي فيك من راسي لساسي = واعرف التوقيت ساعـات المـراح
ياغزالن حر لـك تتعـب حواسـي = لا تعبت اسعيد لـك منـي سمـاح

فكرتك ياسعيد تدرج براسي = ومركبك يمشي عكس الرياح
تسرح وتضوي حيت كنت ماسي = ولا نت معول باهل الصياح
بانبكي معك ولك بانواسي = وبقربنا منك بايجيك ارتياح
الحب في الحياه شي اساسي = مسموح منه لنا الاجتياح

بالكلام الزين هيّج لي حماسي = يوم ذكرني المدارس والنجاح
وقت كان الهم ما له أي أساسي = ما نفكر في المبت والا المراح
نحسب الدنيا نحصّلها مقاسي = كل ما نحلم بشي يصبح متاح
ما الحياة اليوم أغلبها مآسي = من غلا لمّا بلا لمّا كفاح
كيف بايدخل كلام العشق راسي= لو عيالي ما تبطل في الصياح

المشاركة الأصلية كتبت بواسطة أميرة الوادي بالكلام الزين هيّج لي حماسي = يوم ذكرني المدارس والنجاح وقت كان الهم ما له أي أساسي = ما نفكر في المبت والا المراح نحسب الدنيا نحصّلها مقاسي = كل ما نحلم بشي يصبح متاح ما الحياة اليوم أغلبها مآسي = من غلا لمّا بلا لمّا كفاح كيف بايدخل كلام العشق راسي= لو عيالي ما تبطل في الصياح

ياهلا يادر ياغالي وماسي = ياحصون العز متهزك رياح
والغلا لومه على البيت الرياسي =ما دعو باخلاص هيا للفلاح
دام انا عشقان با هد الرواسي =لويظلم ليل بارده صباح
لي نحبه فوق عا عيني وراسي = للعدو قرناس نكفخ بالجناح