|
قصيدة باخضره جواب على قصيدة بن مدوخ
[motfrk][color=#0000FF] ورد عليه الشاعر بلخير باخضره بهذه القصيده
ابديت بـك يالواحـد الوحدانـي = ياعالـم باسـراري المخفـيـه يالمعتلي عالعرش مالـك ثانـي = يارافع السبـع السمـاء العليـه سالك بالاسماء ذي في الفرقاني = وايات نزلت في كتـب مصريـه عبدك وقف بالباب يـا رحمانـي = سولـه ومقصـوده بـلا منيـه بالعافيه والعفو واصلـح شأنـي= عسى الحوائـج كلهـا مقضيـه واشفق بروحي للملـك لاجانـي = لاقـد نـزل بالحـق والحقـيـه في يـوم لا حيلـه ولا بهتانـي = ولعاد من بعض الحجـج فكيـه لا سرحونـي للثـرى واكفانـي = ولا من الدنيـا معـي خمسيـه ماسوى قميص ابيض على لبداني = ميراث ابونـا ادم مـع الذريـه الهمنـي التوحيـد فـي لسانـي= بك يالذي والـي علـى الواليـه الله ربـي والنـبـي عدنـانـي =والمسلميـن اخوانـي العربيـه اجعل مصيري تحت ذك الاغصاني = في جنة الفـردوس ذي مسميـه لكل مـن لازم علـى الاركانـي =عسى بحسـن الخاتمـه نوريـه ذا فصل والهاجس ضوى تعبانـي =من بحر موجاته تجـي معبيـه فيه الذهب واللـول والمرجانـي = الالات في ارض الهند والجاويـه وامسى بي الطرف الزعل قهداني = فكر في اهـل الوقـت والسبيـه وبعد من عندي سـرح يالعانـي= باودعك سطرين فـي المغريـه زر الغـرض والشـد والبدانـي =في ظهر حر احمر على حدريـه وسرحـه بكـره مـع لـذانـي = واقصع بروس اشعابه الملويـه من حد ذي يحمونـه الرميانـي =مقصدك لا حوطة نمـر محميـه بوبكـر قلـه يالحـذر ينسانـي =يومه من اهل السـر والقطبيـه وانشد على احمد حيث هو حلاني =ذي دوبـي الا كسوتـه محظيـه وخصه سلامي ما رست الامزاني =ومابرق بـارق فـي المنشيـه وقلـه العلـم المشنـع جانـي = غثـا بحالـي واكثـر الشقيـه من عطفة الرحمن في جردانـي = من عند ذي هم ينجحون الكيـه قالو طرح ماطر على الوديانـي = خلا الضمـر واحجالهـا ربيـه ولعادحـد بايـروي العطشانـي = يوم الـزون فـي بيرهامرسيـه ازتاعت الشمـخ مـع الفردانـي = من مدي لما اشعاب في الحجريه لما نجح موسم مـع الحرثانـي= في طين ساعه نفضـو هبريـه بالتركيـه والشـرف والطليانـي =والعيلمانـي قوتهـا شامـيـه ظـلا محمدعندصالـح حـانـي= خائف على صالح مـن الجنبيـه وبن ضباب اقبل وهو حمسانـي= ولا توخـر يـوم قابـل ديــه والقى كمـا باتيـس والذيبانـي= من مثلهم من هو معـه حنيـه والفهد بن راشد كمـا الثعبانـي = لاقد قبص ماشي حمـه مرقيـه ذا فصل وان ثار المثـار الثانـي = بايزحـي العكظـه معـا لميـه ابليس قابض شوكـة الميزانـي = الـوزن وافـي والعبـر فنـيـه لا با علـى ليسـر ولا ليمانـي = لكن قـد هـذه حجـج مقضيـه حزن النقيـب مـورد الرميانـي =على الوعـول قرونهـا محنيـه ويحزن الحـاذق مـع الغرانـي = على ال مطلق بر مـن صافيـه يابابـرم يامقصـع العمـدانـي =حزن العـوادي ساعـة اللفيـه النوحـي خلـه مـع السيبانـي =عـاد السـراره بينهـم مخفيـه ان عاد ربـك بالفلـك واحيانـي = بلقيك تقرا ايات فـي المصريـه حطت حصاة العش عنـد البانـي = وش بايحرفهـا وهـي مبنـيـه القبولـه كلـن لهـا حبـانـي = يبـا يهاويهـا وهـي نحـويـه ولا تبـا مـن يتبـع الثيرانـي =ولا سرح شاوي مـع الشاويـه والختم صلوا على النبي عدنانـي = شفيعنا فـي البعـث والحشريـه على محمـد صفـوة الرحمانـي = واله وصحبـه خصهـم خصيـه والمعذره اذا فيه اخطاء املائية او خلاف ذلك |
وهذه قصيدة اخرى يتحفنا بها مبدعنا بامخشب لشاعر كبير ذاع صيته في كل منطقة من حضرموت . تحياتي
|
شكرا ياعزيزي على التعديل وانتظر لحظات لقصيدة باتيس سيتم نشرها وارجو السموحه على الاخطاء
|
تسلم تسلم ويسلم راسك يالنشمي
ابيات متميزه تستحق عليها الشكر والتقدير صح الله لسانك وعلاشانك ولاحرمنا الله من جديدك الطيب اسجل اِعجابي الشديد دمت بود |
اشكر الجميع على متابعتهم وتعليقاتهم
وهذة قصيدة جواب وهي قديمة وطبعا اترك النقد والاضافة للحــلان واكون سعيد جدا باي ملاحظة تبدونها ولكم تحياتي |
قصيدة الشاعر بلخير باخضره كما سردت لنا من الاخ مبارك ين ضباب الهلالي وبها اضافات وتعديلات عن النص السابق مع شكرنا للاخ بامخشب الذي ذكرنا بهذه القصيدة المتوارثة العظيمة :
ابديت بـك يالواحـد الوحدانـي = ياعالـم باسـراري المخفـيـه يالمعتلي عالعرش مالـك ثانـي = يارافع السبـع السمـاء العليـه سالك بالاسماء ذي في الفرقاني = وايات نزلت في كتـب مصريـه عبدك وقف بالباب يـا رحمانـي = سولـه ومقصـوده بـلا منيـه بالعافيه والعفو واصلـح شأنـي= عسى الحوائـج كلهـا مقضيـه واشفق بروحي للملـك لاجانـي = لاقـد نـزل بالحـق والحقـيـه في يـوم لا حيلـه ولا بهتانـي = ولعاد من بعض الحجـج فكيـه وجا نكير اقبل ومنكر جاني = عسى سوالاتي تقع مقضية و الهمني التوحيد في لساني = بك يالذي والي على الوالية لا كفنوني بالحنط وأكفاني = وسرحوني للثرى كسريّه واهبوني الحفره على ليماني = ولا من الدنيا معي خمسيّه ماسوى قميص ابيض على لبداني = ميراث ابونـا ادم مـع الذريـه الله ربـي والنـبـي عدنـانـي =والمسلميـن اخوانـي السنية اجعل مصيري تحت ذك الاغصاني = في جنة الفـردوس ذي مسميـه لكل مـن لازم علـى الاركانـي =عسى بحسـن الخاتمـه نوريـه ذا فصل والهاجس ضوى تعبانـي =من بحر موجاته تجـي معبيـه فيه الذهب واللـول والمرجانـي = لالات في ارض الهند والجاويـه وامسى بي الطرف الزعل قهداني = فكر في اهـل الوقـت والسبيـه وبعد من عندي سـرح يالعانـي= باودعك سطرين فـي المغريـه زر الغـرض والشـد والبدانـي =في ظهر حر احمر على حدريـه وسرحـه من بكـره مـع لـذانـي = واقصع بروس اشعابه الملويـه من حد ذي يحمونـه الرميانـي =مقصدك لا حوطة نمـر محميـه بوبكـر قلـه يالحـذر ينسانـي =يومه من اهل السـر والقطبيـه وانشد على احمد حيث هو حلاني =ذي دوب الا كسوتـه محظيـه وخصه سلامي ما رست الامزاني =ومابرق بـارق فـي المنشيـه وقلـه العلـم المشنـع جانـي = غثـا بحالـي واكثـر الشقيـه من عطفة الرحمن في جردانـي = من عند ذي هم ينجحون الكيـه قالو طرح ماطر على الوديانـي = خلا الضمـر واحجالهـا ربيـه ولعادحـد بايـروي العطشانـي = يوم الـزون فـي بيرهامرسيـه ازتاعت الشمـخ مـع الفردانـي = من مدي لما اشعاب في الحجريه لما نجح موسم مـع الحرثانـي= في طين ساعه نفضـو هبريـه بالتركيـه والشـرف والطليانـي =والعيلمانـي قوتهـا شامـيـه ظـلا محمدعندصالـح حـانـي= خائف على صالح مـن الجنبيـه وبن ضباب اقبل وهو حمسانـي= ولا توخـر يـوم قابـل ديــه والقى كمـا باتيـس والذيبانـي= من مثلهم من هو معـه حنيـه ذا فصل وان ثار المثـار الثانـي = بايزحـي العكظـه معـا لميـه ابليس قابض شوكـة الميزانـي = الـوزن وافـي والعبـر فنـيـه لا با علـى ليسـر ولا ليمانـي = لكن قـد هـذه حجـج مقضيـه حزن النقيـب مـورد الرميانـي =على الوعـول قرونهـا محنيـه ويحزن الحـاذق مـع الغرانـي = على ال مطلق بر مـن صافيـه يابابـرم يامقصـع العمـدانـي =حزن العـوادي ساعـة اللفيـه والجيد بن راشد كمـا الثعبانـي = لاقد قبص ماشي حمـه مرقيـه النوحـي خلـه مـع السيبانـي =عـاد السـراره بينهـم مخفيـه ذا فصل لا يا أحمد وذي يعناني = وأطلب جوابك نقد بالفليّه ان عاد ربـك بالفلـك واحيانـي = بلقيك تقرا ايات فـي المصريـه حطت حصاة العش عنـد البانـي = وش بايحرفهـا وهـي مبنـيـه القبولـه كلـن لهـا حبـانـي = يبـا يهاويهـا وهـي نحـويـه ولا تبـا مـن يتبـع الثيرانـي =ولا سرح شاوي مـع الشاويـه تحرس لذي هم وسعوا لكواني = ذي رطلهم ما تكسره لوقيّه والختم صلوا على النبي عدنانـي = شفيعنا فـي البعـث والحشريـه على محمـد صفـوة الرحمانـي = واله وصحبـه خصهـم خصيـه وتحياتنا للجميع |
اقتباس:
تكر عليه أخي بامخشب |
بصــــراحة القصيدة قديمة وانا نقلتها
والعفو لو فيه اي اخطاء وسيتم البحث والنعديل ان وجد الخطا شاكرين للجميع كافة الملاحظات التي كتبوها ودمتم |
شكرا لك اخي سالم
ورحم الله قائلها وادخله الجنه شكرا لك على تواصلك معنا |
| الساعة الآن 01:53 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir