ذا فصل بانبداء المسيره على الوكل=بالله بتوكل عظيم الشأن وهو نعم الوكيل
وألف صلاة على من جاور الكعبه وحل=المصطفى الهادي محمد حال عا كل من يحيل
وألأل ةالاصحاب بشراهم لنا فيهم أمل=قدواتنا وأسيادنا ما حد من أسياده يميل
نتبع خطاهم في دروب العز نمشي والمثل=وبقوة الأيمان نمشي مالنا غيره مثيل
سلام من شاعر يقول الوضع عاده ماستقل=حد يرغب السلطه وحد من لي يشوفه يستقيل
الثور قيدناه وحطينا الفدامه عا الجمل=والمشكله في بوكرامهلي نكر حتى الجميل
في الضيق ساعدناه وعا شانه تحملنا الثقيل=حتى على ظلمه صبرنا جم وكالفنا الثقيل
العيف يبقى عيف حتى لو سقيناه العسل=ماشي جماله فيه عكر صفونا والسلسبيل
حدعامد الكرسي وحد يسعى لتفريق الدول=وحد يعشق الفتنه وحد يبحث على الثار الدويل
لا تحسبونه زين كل من جد في عزمه وذل=لأنه ضعيف ايمان بايبقى مدى عمره ذليل
أما الذي يصدق ويعزم لانوى فعله فعل=ويقول كلمه حق وان قالوا قبيلي او جعيل
القبوله ماليوم شلوها المكالف والسقل=كلين يتفرعن بغاها بالرضى او بالصميل
بندقه على كتفه وجنبيه ملقيها وسل=ورصاص في المسبت يهددبه معابير السبيل
قل له تحرك الي فلسطين للفداء لأنته بطل=وألا الي بغداد والشيشان وأعزم عاالرحيل
دافع على الاسلام حتى لو بصوتك على الأقل=وتذكر الاطفال والايتام و الشيخ الهزيل
وأنظر بعين العطف والشفقه عسى توصل لحل=وتخرج الأمه من الأزمات والوضع الرذيل
وانك تباء الأ الفخر والسلطه وتوسيع الخلل=ما بايفيدك لا برك ميزان ولا سالم عقيل
ياخس خلوفه خلفوها سوق مثناته دلل=النصب والتزوير والرشوات باترقل رقيل
أما النتجه ياجماعه عار يعقبه الفشل=والفشل واضح ولا يحتاج حجه او دليل
أما الذي بيقول من شاور صحابه ماقتل=باقول له غلطان لأن الشور من طبع الاصيل
كل من يشاور شور يحسن فعاله والعمل=يوقف على رجله ويثبت ما يخالفين الرجيل
والقصد شونا قول خير الهرج ما قل ودل=ولعاد بانبحث على شي قالوا أنه مستحيل
يالله بحسن الخاتمه تغفر ذنوبي والزلل=يا الواحد المعبود يامولااء العطايا ياجزيل
والختم صلو على النبي كل من طلع والأنزل=المصطفى الهادي خليل الله ويانعم الخليل