سقيفة الشبامي - ياصاحبي..

السلام عليكم ورحمة الله وبركاته..

انا سالم بن جبير ... شاعر مبتدىء وسمعت عن منتداكم الكثير.. وحبيت اشارككم بما عندي..
واتمنى اكون عضو خفيف عليكم.. وأول قصيدة لي اسمها (ياصاحبي) واتمنى تعجبكم...

بسم الله الرحمن الرحيم..

ياصاحبي لاضاق بك وقتك ابتسم

وخل الظروف تجيك وتزهقك وتعديك

مابه هم يخشى قلب ويهتم

وأنت خلك قلب الهم ما يأثر فيك

مايهمك حكي ذا ولا من ذاك ذم

مصيبتك لو هي عظيمة دمعتك تواسيك

لو الجرح خالك أنت للجروح عم

أنت من يامر ولايامر عليك

طلبتك ومن طلب يقال له سم

ناديني وأنا نذرً علي مااخليك

اخذك بحضني ياصاحبي وازيح وألم

هموم في حشاك جعلها ماتبكيك

لأني فعلا أحبك وبالحيل اهتم

وكل مساحة بقلبي مشتها خطاويك

هذي مشاعر من هواك في جسده عم

يموت ثم يحيا ويظل اكثر يبيك

عشقك وصار ينافس ضلوعه على ضم

صدرك الدافي ويحلف أنه مايعديك

لأنك صرت في عيونه أرق وأهم

ولأنه مايبي ايده تفارق ملمس ايديك

صاحبي وأنا في زمان مابه صاحب يلهم

طالبك تبقى بخيالي خوفي واقعي مايكفيك

أنا مابقى فيني مكانً مابه هم

ومابقى هم فيني سوا وحشتي لطاريك

غالي واقدرك تقدير القلب للدم

تقدير الي يضحي بالعمر ولا يضحي فيك

من غلاك عنده لو تآمره على سُم

والله لياكله ويموت لأجل يرضيك...

وسلامتكم..

اتمنى النقد قبل التشجيع..