قناص عاشق ومغرم حب القلوب السليه = بحروف شعره يترجم بالحان عذبه شجيه
الزين سمسر بحالي ابو الخدود النديه = محلاه وصفه خيالي للعشق مرسل هديه
=حرام والله محروم من طعم قرص البغيه
محلاه يمشي الرويدا بانغام خطوه مديه = والعين كحلا سويدا بالسهم ترسل قويه
من صدق قلبي يحبه من صدق عاطيب نيه = حبه وحبه وحبه مليون لاجله شويه
=حرام والله محروم من طعم قرص البغيه
الزين حسنه مميز يمتاز بطله بهيه = عالغيد والله تميزوالفرق ماهو شويه
هوزين والزين منه ياخذ من زينه شويه = للزين مبسم تظنه بارق براس النشيه
=حرام والله محروم من طعم قرص البغيه
يستاهل الزين فله والمهر زايد عاميه = سائق وكدلك يشله واعقود تلمع ماسيه
خلوه يامر وينها والكل تحته رعيه = يمسي بفله عليها عسكر وقائد سريه
=حرام والله محروم من طعم قرص البغيه
بستان مجناه يعجب فيه الحبوب الطريه = فله وكادي ينبنب نسمات منه زكيه
الليل والجو هادي والغيد حوله مشيه = تمناه نبلغ مرادي بالزين جلسه هنيه
=حرام والله محروم من طعم قرص البغيه
بالعين خلي يناظر باشواق يرسل تحيه = بصبر لاجله وصابر عساه يعطف عليه
ان غاب نافر بقلبي واعيون تمسي بكيه = مسكين من حب مثلي تبقا حياته شقيه
=حرام والله محروم من طعم قرص البغيه
الجنس والاصل مني مثبوت باصل الهويه = بالعهد منه وعدني عالدرب نمشي سويه
اهواه شعبي وراضي مبغيت شي تابعيه = حنيت بعزم بلادي شوني مروح عشيه
=حرام والله محروم من طعم قرص البغيه

المشاركة الأصلية كتبت بواسطة القنّاص قناص عاشق ومغرم حب القلوب السليه = بحروف شعره يترجم والحان عذبه شجيه

المشاركة الأصلية كتبت بواسطة معشور روووووووووووووعه ياالقناص مزيد من الابداع

المشاركة الأصلية كتبت بواسطة عبدالله الجعيدي شكرا لك اخي القناص على هذه القصيدة وعلى الكثير من القصائد التي تكتبها هنا الى الامام والله معاك واتمنى ان نسمع لك قصائد مغناة مستقبلا . تحياتي

يستاهل الزين فله والمهر زايـد عاميـه=سائق وكدلك يشله واعقود تلمـع ماسيـه
خلوه يامر وينهـا والكـل تحتـه رعيـه=يمسي بفله عليها عسكـر وقائـد سريـه
حرام والله محروم من طعم قرص البغيه

ماتستاهل الحرمان يالقناص
ولا تحرمنا من جديدك !!
اخوي بس ماكتبت من الحان من ؟ ومن اللي غنّـــاها؟
وإذا فيه مقطع منها ياليت ماتحرمنا منّـــه ؟
وسلامتــــــــــكـ !!

المشاركة الأصلية كتبت بواسطة ابومحروس حرا م والله محروم من طعم قرص البغيه الله لايحرمك من كل حلو يالاخ القناص كلام جميل يحتاج للتوقف عند كل كلمه ليتمعنها قارئها لك التحيه اخونا القناص..