هذيف الحنشان - ماينفع الطعم فوق العقبة!!
 

سرية عيال ال باحجر الليلة جاءت اقوى وابلغ من الوف الاجتماعات والمؤتمرات . سطروا بعرقهم رسالتهم الواضحة والقوية : ماذا يريد المتجمهرين في الكوت في اعلى جبل الخبة ، نحن لا نحتاجكم ، كل اراضينا في السباخ وشقية وفي الزاهر وخباية وفي خمور وذهبان وحول مسجد باعلوي ، ونخل عمرة وحتى كل شبر داخل البلاد وكل طوبة آجر في الجامع لا يستطيع احد منعنا من استعادتها . ولن نتنازل عن ذرة رمل واحد . حتى لو كانت مفروشة بالوضعة .. حتى لو انقطب النفس ! سنظل مستمسكين بحقنا الى يوم الدين . تعهد الله سبحانه ان ينصر كل صاحب حق ، ونحن اصحاب حق ! ويكفينا دفاع الله عنا ، ان الله يدافع عن الذين آمنوا ..
لم ينتظر عيال ال باحجر الجماعة بعد صعودهم الجبل ، الحكاية مابغت انتظار ماشي بعد طلوع الجبل الا النزول منه ، وطول عمرهم طيلعين نيزلين بلا معنى ، خسارة فيهم الحمير لي تحمل الموية الى فوق ، واللي ما تعبوا انفسهم بالحضور والشبي وفروا على انفسهم وعلينا الخبخبة بلا فايدة .
ياجماعة قعدوا في دياركم ابرك لكم ولنا ، والى ان يؤذن لصلاة الجمعة ياحيابكم ، الجامع مفتوح والعبادة لله وحده . مافيش داعي تسفلون بانفسكم ، شيبان قد لحاكم بيضاء و لا جرا و لا حشمة : ( بغينا بانطلع الكوت ؟؟) آه باتشوفون ، حصى اسود وكوت اكل الدهر عليه وشرب ، معاد حد يدخله الا المـ … ، حفظنا الله واياكم . عادة صيد الوعول انقرضت ، معاد شي في الجبل وعول ولا حتى قرود . حتى الغربان معاد تقربه . واللي يزعل انها يومين يقعدونها هناك وتقول الجماعة في عرفات !! الدشوش مركزة ، والطسوس ملانة والبدويات رايحات جايات ، وحبل المودة موصول ، والذبح والقدح والبواكير تتصاقع والمسافر عاده ما ظهر . و لا هو جاي ، الداكوتا خربانة .
حصاة يحذفونها العيال و لا رعدكم وبرقكم عالفاضي ، كل اللي بغيناه منكم السكون واقضبوا محباكم في البطحاء وكفى . والمركز اللي بين الحزم والسحيل تبعدونه . وعسوكركم المكرشين شوفوا لهم شغل ثاني ، مانحنا محتاجين لحد منهم ، ولا شوها باتقع حذفة شقف ووين ماتصك تصك !!
و الشرح الليلة في الشق القبلي ، ياليلاه !! معاد يهم نحنا شي ، الفقر وتعودنا عليه ، والمشي بلا حذي في عز الظهر وتدربنا عليه ، والغدراء وعرفنا كيف نقمس وسطها ، الدمحمح حقكم معاد له في القلب رهبة ، صميل في خورة النباح وباتشوفون شردته وذيله بين رجيله . ان كنتم صحيح من اهل البلاد ويهمكم امرها ، قولوا بالفم المليان : يالخروصي مالك مكان عندنا . ويقع لي يقع . التربة ماترد ميت ! منها خلقناكم وفيها نعيدكم ومنها نحرجكم تارة اخرى .
حوشنا .. زهقنا .. طفشنا .
لا متى نتحمل يغيغتكم ؟؟
ايش هذا ؟
انتوا ماعندكم دم .؟
ماكو مرجلة ؟
عيني عينك تلعبون بنا
ياباحجر
قع اسد !!!

اه والف اه من الكلام الزين يوم يجي في وقته المناسب لا والله
ويطفي شي من الظيم والقهر الذي تطفح به النفوس

أيها الشاكي
 

بسم الله الرحمن الرحيم


أيها الشاكي ومابك داء *** كن جميلا ترى الوجود جميلا


( أيليا أبوماضي );birth