تخليـني كذا وحدي .. حزين وخاطري مكسور ؟=اناديلكـ . واناديلكـ . ولا فكرت تسمعني َ!
ابـد .. ماجا على بالي تعاملني بدون شعور=تحسب اني على كيفكـ . تبعثرني وتجمعني
اذا من صدق ما تقدر . وكنت بهالجفا مجبور=امااانه ز لا تعودني وصالكـ ز ثم تقطعــني
واذا اني صرت شي عادي . ومالي في حياتك دور ؟=انا اترجاك علمني . كفااايه . ليه تخدعني
صحيح .. الا معي جمله . تلف بخاطري وتدور=وربي ودي انطقها . وقلبي ما يطاوعني
وعشان ارتاح . بتكلم . كذا لا احم . لا دستــور=تجي سمحا . تجي عوجا . على الله . يا ملوعني
اذا حصلت لك غيري . وصرت بدنيتكـ محشـور ؟=تبي الفرقا ,, ولا ودك تواجهني وتوجعـــني
دخيل الله . دخيل الحب . دخيلك اكشف المستور=وقول ابعد عن دروبي . ولا هو شرط تقنعني
وانا اوووعدك .. ما يبقى بظلامك من شعاعي نور=ابرررحل عن سماكـ . ولا ابي حتى تودعــني
وبكتب فوق قلبي . مااات هالطيّب . وهو مغدور=وساعتها .؟؟ كنوز الارض . والله ما ترجعني
انا مابي حياتي ذل .. ولابي موتتي مقهــور=ولا لي غير عزة نفـس . وقت الجد . تنفعني
ويكفيني رضا ربي . عليّ من الخطا والزور=ويكفيني غلا نـاسٍ برمش العيـن ترفعـني
ويكفيني بريق اسمي .. وتصفيـقه من الجمهـــور=ودعوة ام .. كل ماجيتها .. قامت تدلعـني
ويكفيني من الحب .. الحزن والخاطر المكســور=وقسـوة صاحب ٍ . لاصحت له .؟ ماعاد يسمعـني