عاملوني بالقساوه بعد ماكانوا معي = صكروا الابواب والشباك وشلوا مامعي
= آه يادنيا خذلتيني رميتيني طريح
=((هذه الدنيا غريبة خلت العاشق جريح))
باعوا الغالي وشلوا كل ماهو دون جم = مادروا بالهاشمي انه رقى فوق القمم
=يكتب النبّطي ويبدع في الحٌميني والفصيح
=((هذه الدنيا غريبة خلت العاشق جريح))
هدموا سور المحبة وهتكوا ستر الغرام = مادروا إن القساوة طبع في العشقة حرام
=ويلهم أهل الفتن ذي خلوا العاشق يطيح
=(( هذه الدنيا غريبة خلت العاشق جريح))
يوم انا مسكين سابوني وخلوني وحيد = واللقاء بك كان عندي يشبه العيد الفريد
= دايم وانا وصلي مجدد وانت في وصلك شحيح
=((هذه الدنيا غريبة خلت العاشق جريح))
صدقوا هرج العواذل في الأمور الفارغة = والحقيقة دوب نفسي في هواهم غارقة
=وانهم في وسط قلبي منهم يمسي يصيح
=((هذه الدنيا غريبة خلت العاشق جريح))
من قصد داري يحصل باب داري منفتح = وبنظم الأشعار دام البال عاده منشرح
=والمقولة صادقه شو مايصح الا الصحيح
=((هذه الدنيا غريبة خلت العاشق جريح))