=لاراحوا الاحباب إيش ينفع المقهور
ايش عاد لي من بعد ماراح الأمل=ايش عاد لي من بعد بدري اللي أفل
=ايش عاد في دنياي
راحوا ونا من بعدهم قلبي رحل=ولعاد شي في الكيس خلّصت الوسل
=حتى اختلت يمناي
مقسى فعالك ياهوى سويت فينا الجور=إيش ينفع المقهور
=لاراحوا الاحباب إيش ينفع المقهور
مقساك كم من شاب صبته بالشلل =يمسي يكالف ليل ساعاته ملل
=ويئن مثل الناي
والنار في جوفه لها موقد شعل=ياحرقة المسكين مبلي به علل
=ظنوه ربعه خاي
وان قام بين الناس يمشي كما المسحور=ايش ينفع المقهور
=لاراحوا الاحباب إيش ينفع المقهور
قل لي متى بلقاك يحلو القبل=قلبي على الهجران منك ماحتمل
=ياغايتي ومناي
بك بايطيب الانس بك بايكتمل=سعدي وهب للقلب شربه من عسل
=فيها الهناء ودواي
مارضى بغيرك لي ولو صفّوا بنات الحور=ايش ينفع المقهور
=لاراحوا الاحباب إيش ينفع المقهور
وحدك انيس العمر مابك حد بدل=تعال صافينا واترك ذا الخجل
=لي هو سبب بلواي
شفنا هجرت النوم حمّرن المقل=ودمع عيني سال على الخدين هل
=واتجرحت خداي
والشوق مثل النار لي تولع في الدافور=ايش ينفع المقهور
=لاراحوا الاحباب إيش ينفع المقهور