ياغافر الزلات تغفر لي ذنوبي والزلل= نطلبك غفرانك لنا والعفو منك والسموح

بامرك وتقديرك فرشت الارض ورسيت الجبل=وبقدرتك تجري السفن مجرى سفينة نوح

سلام من شاعر يقول الصفو عاده ماأكتمل=من عند بوجمعان لي بيت من الباطل ينوح

اربع ليالي ماطعمت النوم من كثر الخجل=بذكٌر ايام المواسم والمجاني في الجبوح

وايام ماكنا نرد الصاع لصحابه ذبل=وندحق بها سيرت قدم من لحج لا داخل شحوح

الجرمني يشهد وبونقرز على راس الدقل=وسلطنة قابوس تشهد عالطلاسم والنشوح

البارعالنيه وقول الصدق واخيار العمل=والباقي ألا هذوله توه يجي وألا يروح

لما متى وحنا نعاني من المكايد والحيل =ولما متى وحنا نطبل للسماسر والجلوح

الظلم والاجرام حاصل بيننا في كل محل=والهتك والتدمير يوميا واصوات القروح

تناقدوا وتقاربوا مابيتكم ردوا بحل =ما هو سواء حد عامد المفقر وحد فوق السطوح

التفرقه شينه وكثر البغض يفقدك الأمل=ويطٌمع العدوان وتصلنا الملامه والنقوح

ذا امر متحتم علينا فرض ماغيره بدل=الصدق والاخلاص والعدل المساوي والنصوح

وبقوة الايمان والكلمه وتوحيد المثل=وبالتعاون والتكاتف تلتأم كل الجروح

تتوحد الرايات والاوطان نبنيها فلل=ونعلن التوحيد قدام البرايا بكل وضوح

يكفي من التنديد والتهديد واعمال الخلل=ومن الغناء والقنبسه لي ما ترث غير الكسوح

ويكفي من الجلسات وتعمير البواري والدلل=دله قفاء دله وكل براد والثاني يفوح

أكلنا وشربنا مانشاء والزود ملقينه وسل=وبطونا كبرت من اكل الزعق واصبحنا تنوح

والفايده ماشي خلاف الذل فينا والكسل=والخوف قاتلنا وجانا الرعب وامراض الكفوح


والتاليه باقولها يارب على باب الوكل=حذفه وهي حذفه كبيره من هنا ألما السطوح

المشاركة الأصلية كتبت بواسطة عمر الذيب (المشاركة 328836) اهلا وسهلا بسبع الليل في هذه الملحمه وعساء المجتمعون اليوم ان يحققو لنا شي مما فيها لا يندرو وتقع كل نوبه بشذب من صدق لا نها اخر فرصه لا لم الشمل مع تحيات عمر الذيب

المشاركة الأصلية كتبت بواسطة سالم علي الجرو (المشاركة 328912) الشّارة مبعده يا بو طارق ويقولون أهل البلاد: " ما في البرمة يبيّنه المقدح " أيّام كانت مغطّاه واليوم البرمة مفتوحة وكلّ وعينه ، وانت ونا من لي يشوفون مشكور يا سبع الليل

المشاركة الأصلية كتبت بواسطة مجمل (المشاركة 328916) ياسلام على الشعر الجزل ياسلام على الابداع دمت مبدع كما عهدناك يالسبع تقبل تحياتي

المشاركة الأصلية كتبت بواسطة خالد سالم بن مهنّا المري (المشاركة 328931) تم حذف البيت المطلوب من قبلك..حذفه..وانت تأمرنا امر اخي العزيز,,,والامر لله رب العالمين..من قبل ومن بعد..وايضأ تم تعديل كلمة خذفه..في الشطر الثاني من البيت الاخير...من خذفه الى حذفه..وهذا خطاء مطبعي .. القصيده جميله ومعبره..كلام جميل وهادف..الا ان لي ملاحظه على الشطر الثاني من البيت الثاني.. اللي يقول:وبقدرتك تجري السفن مجـرى سفينـة نـوح انا ارى ان الوزن هنا فيه خلل ..وليس على وزن الابيات الاخرى وخصوصأ البيت الاول الذي تم بنا القصيده عليه..ارجوا التأكد من وزنه..وباامكاننا تعديله عندما تطلب ذلك في اي وقت.. ارجوا ان تتقبل ملاحظتي بصدر رحب,ونحن هنا تواجدنا ليس للمجامله والتسليه ..بل لنفيد ونستفيد..ونتعلم من بعضنا البعض.. شكرأ لك استاذي العزيز..تفضل بقبول ارق التحايا القلبيه من اخيك ومحبك/خالد بن مهنا