|
بدع وجواب بين مجمل وابنه
مجمل
ثارت مخيله قل لعبدالله عمر = شوف المناشي تعتكر فوق البشير الله يعينه من بناء بيته مدر = مابايكنه لسماء تهدر هدير عبدالله الله يصونه ياأبي من كل شر = كل من تكبر عاد من فوقه كبير ماشي مهم في حصن ساسه من حجر = عنده منيبه ذي يجلون الشبير وعاد خوفي ع المنيحه فالوصر = ذي هي تخصر للصغير والكبير وحوش جم من بعد ماغاب النمر = باتشوفها كل يوم فالنشره تغير عبدالله شي يعتبر يابه وشي مايعتبر = وماكتب فاللوح لازم بايصير ولعاد شي منكور فعله ينتكر = عند الذي له قلب ماعنده ضمير مجمل الله يصيبه وقت ظالم مايسر = خلا حصان الكذب والشرع القصير يركبه من عنده دراهم فالكمر = واما المقل حافي على الشوكه يسير عبدالله العيب فينا لو تبا مني خبر = نحنا تركنا الساقيه هي والضمير نحنا هملنا المال ذي يلقي ثمر = وضاعت القصبي وضيعنا الجفير مجمل الصبر ثم الصبر ياوعل النتر = ربك يفرجها على الامه قدير كل من صبر لابوك فالدنيا ظفر = على العدو الله يعينك يالبشير |
تسلم يابو عبد الله والشبل من ذاك الأسد عشتوا بارك الله فيكم
|
لاغرابه في ماذهبتو اليه انت وابنك
الباتيس متوارثين الشعر اسجل كامل الاعجاب بك وابنك كلام جميل بارك الله فيكم دمتم على الابداع اخيكم على بن ماضي |
ما شا الله تبارك الله
والله احتنيتو على جدكم كان الله في عونه مادام روعه قد بدر من دري روع من بعده عسا ماهو روع المنيحه ايه ذه المصيبه درجتها علينا لا حول ولا قوة الا با لله الحق ابدعتم كلام حلو ومترابط الظاهر انكم كتبتوه من حزن على مصير الجد الله يعينكم مع تحياتي وسلامي عمر الذيب |
كلام الله يعطيكم العافيه اهله والله اسجل مروري واعجابي كفو والله اخوكم سالم باوزير
|
اقتباس:
مرورك شرف يالطامع بارك الله فيك دمت في عز |
ماشاء الله تبارك الله ...........بدع وثنوى يصم الراس صم احسنتم على كلام قلزوه ومفهوم ومشطن .
|
اهلأ وسهلأ ومرحبأ..
باالاخ العزيز..الشاعر القدير..مجمل..ابو عبدالله..بدع وجواب..رائع قمه في الشاعريه..والعذوبه..والجمال.. ولاهنت ولا هان عبدالله ابنك..وماشاء الله تبارك الله..كلامه لايبعد في القوه من كلامك..وشعرك وشعره كأنه من مصدر واحد. .الظاهر ان الحليله..بغت الشباب. .انتبه..لها لعاد تفسح فيك..وتقع ياخير هي.ههههههه. الله يعطيك العافيه.. تفضل بقبول ارق التحايا القلبيه..من اخيك/خالد بن مهنا |
كلام جميل بلغة الاذكياء
تناول موضوع مهم واجاده في شرحه شعرا تمكن في اجادة الشعر وبدع وجواب يبرد الكبد تقبل اعجابي يابوعبدالله وسلامي ابو فضل سالم |
اقتباس:
وكلمات الاعجاب وقوووووووود المستقبل دمت في عز |
| الساعة الآن 07:31 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir